hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (B) Bus 巴士討論區 香港巴士討論 (B2) 九巴6P開辦消息
開啟左側

[路線消息] 九巴6P開辦消息

  [複製鏈接]
hon_son_wilson 發表於 2016-11-26 23:13 | 顯示全部樓層

                                    Advertisement



本帖最後由 hon_son_wilson 於 2016-11-26 23:16 編輯

6P係衰hea開兜彩虹道+唔夾返放工時間+蘇屋未入曬伙,要等9巴會認真再改先算。
不過咁講,觀荃可以提速免兜路,但觀深等咁耐先有返3對6P,由直路變兜路......吖唔係,係轉乘進化成直達限定至真。
9巴唔知兜路趕客咩? 古有經大窩西的70X取消後277E提早上公路吸客,2/68X拆線如是,觀深線卻反其道而行,9巴對深水埗係咩態度顯而易見。
stevechau 發表於 2016-11-28 12:29 | 顯示全部樓層
hon_son_wilson 發表於 2016-11-26 23:13
6P係衰hea開兜彩虹道+唔夾返放工時間+蘇屋未入曬伙,要等9巴會認真再改先算。
不過咁講,觀荃可以提速免兜 ...

6P既時間其實係夾到石硤尾...你諗下開車之後10MINS左右入到石硤尾第一個站既話...
咁6P既時間其實反而係幾靚的...但石硤尾既客睇唔睇6P又係另一回事...
時間靚還靚...但石硤尾去東九搭鐵唔使轉車...
反而巴士對佢地既吸引力不及青山道一帶...

至於HEA兜彩虹...其實而家既6D同6P反而係應該要好似當年6B同6E咁拆返兩條線出黎好D~
但調轉諗...到底6B既玩法就算比到佢入到彩虹總站...又有咩吸引力做全日??
6B全日分分鐘係一條20/30MINS一班既線黎...事實上果頭連紅小都唔太吼...

至於SOUK入伙...個人睇法係6P唔會點搶到觀青紅小既客~
始終而家觀青紅小早繁東行真係太快...分分鐘SOUK出發開車去到九龍灣, 搭鐵可能只係夠你去到深水埗站/太子站~
6P呢頭時間唔夠靚, 走線又唔吸觀青客....我不對6P吸觀青客感到樂觀~
以需求計...就算SOUK入晒伙...分分鐘連2仔都未使加班住~
stevechau 發表於 2016-11-28 13:34 | 顯示全部樓層
另外6P西行仲有另外一個問題就係...要上客既話, 觀塘既站位太差(其實296C都係)
你諗下, 當堆人係駿業里開源道附近湧出黎既時候...6P/296C最近既站位係邊??
一個係觀塘法院(任邊個都唔會咁行轉頭特登去等掛?!)...
另一個係創紀之城...(行到牛頭角站喇!)
唔好話吸客...咁樣係點做客?! 都唔好話入APM...
大佬呀...成個觀塘市中心最旺既位居然係要堆客微笑揮手就咁睇住架車走...鬼SO你咩?!
佢咁既站位...就算佢行老龍直飛白田甚至深水埗/太子道不停站直飛去花墟...都唔會有客肯行去等車LOR~

當然...彩虹道都真係死因~
樂仔〞 發表於 2016-11-29 00:28 | 顯示全部樓層

                                    Advertisement



stevechau 發表於 2016-11-28 13:34
另外6P西行仲有另外一個問題就係...要上客既話, 觀塘既站位太差(其實296C都係)
你諗下, 當堆人係駿業里開源 ...

創紀之城佢都排到好後好後架啦 ... 都仲未算去到牛頭角站
不過以駿業里嘅交通狀況 ... 我真係寧願佢飛遠少少
駿業里個站日日下繁都比 80X 83X 89C 62X 258D 259D 268C 269C E22 搶埋站搶到 APM 外段觀塘道西行塞死唔郁,真係咪搞
leungky0528 發表於 2016-11-29 08:09 | 顯示全部樓層
今朝見到班儲到過半滿嘅出新蒲崗
話唔定會夠數據比議員搞下建議
stevechau 發表於 2016-11-29 16:10 | 顯示全部樓層
樂仔〞 發表於 2016-11-29 00:28
創紀之城佢都排到好後好後架啦 ... 都仲未算去到牛頭角站
不過以駿業里嘅交通狀況 ... 我真係寧願佢飛遠 ...

其實佢想做客...反而唔應該推咁前, 296C要入隧道無得好講...
如果6P唔使既話...擺正佢係APM門口(果個好似係98A落客站)上客已經好夠殺~
6P要吸客, 除左時間...最重要既係多人既位佢一定要有站係度...
呢D位都無站上到車...你更快都無用~

再者, 而家創紀之城果個站, 隔離已經有行人隧道過對面...
對面行幾步咁大把就已經係牛頭角站同青山道紅小站頭~
樂仔〞 發表於 2016-11-29 19:48 | 顯示全部樓層

                                    Advertisement



stevechau 發表於 2016-11-29 16:10
其實佢想做客...反而唔應該推咁前, 296C要入隧道無得好講...
如果6P唔使既話...擺正佢係APM門口(果個好似 ...

6P 都要入隧道架喎 無站仲唔入隧道?真係嫌上面唔夠塞咩擺 APM 門口我怕個行車時間再長多十分鐘 ...
stevechau 發表於 2016-11-30 13:52 | 顯示全部樓層
樂仔〞 發表於 2016-11-29 19:48
6P 都要入隧道架喎  無站仲唔入隧道?真係嫌上面唔夠塞咩擺 APM 門口我怕個行車時間再長多十分鐘 ... : ...

行多十分鐘都抵停...寧願唔入隧道~你一入隧道就無辦法停觀塘最集中多人上車同最易上車既地段...
除非6P本身係藍田油塘已經至少上滿窗口位...如果唔係6P其實並沒有行隧道既條件~
個取捨係好簡單, 你夠客先有條件飛...
而家6P係直頭無客, 佢要做既係盡量令多D客上到車, 咁就無條件飛隧道~

對一條收錢既巴士線黎講...到底行慢少少多D人上到車收多幾蚊好...
定係行快少少成架車收少D錢好??
EX-TL 發表於 2016-12-3 22:27 | 顯示全部樓層
stevechau 發表於 2016-11-30 13:52
行多十分鐘都抵停...寧願唔入隧道~你一入隧道就無辦法停觀塘最集中多人上車同最易上車既地段...
除非6P本 ...

6P服務對象雖然係西九去東九返工客, 但下繁回程班次其實可以吸去14 15 16油塘 藍田落觀塘道 太子道東的乘客, 可惜其吸引力明顯不足. 油塘唔夠14直接, 碧雲道唔夠16嚟, 藍田有15, 要深入九龍灣有15A 87, 藍田北去鑽石山 黃大仙唔揀港鐵有38, 去彩虹道一段新蒲崗最有機會吸客, 但呢個時間去嗰度(工業區)有冇客呢, 結果6P去邊度都唔夠爭, 皆因毫無吸引力.

要做原本用14 15 16 BBI轉2A 6D班客就更難吸客, 前三線可以搭到富豪東方酒店或宋皇臺公園落車, 行返去2A 6D巴士站唔遠, 去程更加有多線同站轉乘, 雖則一程車較吸引, 但兜彩虹道時間未免太長(主要因彩虹邨一帶交通繁忙引致), 油塘經藍田方案純粹俾一個平少少又直達的選擇乘客, 但, 本來利用該BBI去藍田 油塘(住宅區)返工的乘客就唔會多.

商貿區放工客行開源道出來佔去大部份, 只係講緊開源道兩旁及其分支街道, 近駿業里和敬業里的有心人, 行去法院或創紀1期唔遠, 俾佢叻到停正鐵路站或apm, 都要受迴旋處塞車影響, 就算有「萬能」ETA, 呢一刻話仲有3分鐘, 兩分鐘後又話仲有3分鐘, 再等五分鐘就仲有2分鐘, 打後仲有咩客咁好心機等落去呢, 走去港鐵站/小巴算啦!

當初建議6P去翠屏道, 當區唔受, 其後收回建議並改為經藍田往油塘, 就知道有咁嘅後果, 亦睇得出九巴非常冇心做呢條線, 明明係返工線, 翠屏道唔要嘅話, 有心做就應該擺碼頭或裕民坊, 前者在商貿區佔先機: 碼頭線出來九成九停敬業街 成業街公園, 站位靚, 截住經橫街及開源道出觀塘站的乘客, 然後跟西九線296C落隧道停創紀1期, 後者定時從總站開出, 能夠匯聚客源, 更有可能吸去部份同站等3D 17, 但怕迫人的乘客.

如果翠屏道方案通過, 由翠屏道開出跟11B停觀塘游泳池 成業街公園, 站位比觀塘法院巴士站接近NGO和工廈, 至於會否因由翠屏道開出較油塘開出路程略短, 班次穩定性較高而令乘客甘於在創紀1期等車, 尚且無辦法驗證得到, 因為首要條件係要西九沿線乘客知道有6P的存在, 否則講乜都無用.

綜合各樣條件, 要九巴返轉頭做好6P觀塘以東一段好難, 而我本人由頭到尾都唔覺得40改線後, 拉6D或改/開辦其他路線去觀塘, 而沿途站站停的效率可以有幾高, 效率低係預期的話, 當初就不應該有此類建議, 更不要講落實執行.
jocosben 發表於 2016-12-3 22:44 | 顯示全部樓層

                                    Advertisement



EX-TL 發表於 2016-12-3 22:27
6P服務對象雖然係西九去東九返工客, 但下繁回程班次其實可以吸去14 15 16油塘 藍田落觀塘道 太子道東的乘 ...

6p 成17.2公里收得$6.4,6D 11.4公里收$5.8
路程長,行車時間耐,就算6p多客盤數都唔會好
老九無啦啦拉長條線去藍田山油塘,我覺得真係斷左條線去轉全日既機會
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-28 18:24

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表