[2017.05] 日本中国地方見聞 [多圖]

kchole 發表於 2017-7-16 18:42
"キハ187，今次旅程總共搭了三次，加速快，推背感強勁，可以用「小辣椒」形容。"
你提起Kiha187,我想起智 ...

可旋轉的座位基本上係特急列車一定會有嘅野

之前都坐過Super Hakuto經智頭急行去京都
用全國pass要補錢，不過劃到車頭位又好似值回票價...

DIH 發表於 2017-7-16 21:32
381 系幾年前先做完翻新，隨時玩多 20 年。

之前睇過有人傳話八雲號會喺2022年左右換車，唔知真定假
http://tabiris.com/archives/yakumo/

4. 津山まなびの鉄道館（以下簡稱津山鉄道館）

津山鉄道館前身為津山扇形機関車庫，於 1936 年建成，2007 年開始以不定期預約制方式供公眾參觀，其後經過翻新，於 2016 年以津山まなびの鉄道館名義重新開放，變成隨時可以參觀的大眾博物館，入館料 300 円。據維基百科資料，津山車庫是繼京都梅小路運転区後全日本第二大扇形車庫。由於要趕車，我地只係逗留大約 40 分鐘，都夠時間睇晒所有野，但留足一個鐘會較好。圖片較多，請見諒。

起身發現有點煙霞


吉備線勁多學生搭車


Via Inn 早餐選擇比較少，但有無敵靚景。


我地搭 08:44 去津山的普通，前一班車目的地法界院只距離岡山一個站，因為附近有多所學校（包括岡山大學津島校園），有好多學生使用，要特別加開只行一站的班次。


岡山駅月台指示牌尚算清晰，而且會列出使用相關月台的特急和快速。



往 9/10 號月台通道上貼有津山鉄道館的廣告



去高松的 Marine Liner



吉備線列車到站，此車長達 4 卡，由於通勤時間已到尾聲，列車後來分割只剩 2 卡。


我地班車到站，其中一卡係ノスタルジー塗裝的キハ47-47。


另一頭的キハ40-2049，昭和 55 年（1980 年）生產。


在福渡附近渡過旭川


到達津山，望就望到鉄道館，但不能穿過場內平交道過去，要兜個圈行 20 分鐘先到。


由車庫背面右邊進入


轉車台


車庫前面有一個 1972 年拆下的 C57 動輪，記念日本鐵路 100 周年。


車庫最左邊闢作模型室，有一個以津山為主題的模型，由專人按時操作。


模型一樣有扇形車庫同轉車台



車庫主要收藏山陰地區車種


展出車種 x12（請自行查閱簡介及日文維基）





D51、DF50、DD13 來自大阪交通科学博物館，可能我 2010 年去大阪時都有影過佢地。




除雪用 DD15 型


此 DD51 形柴油機車係 1986 年 12 月 28 日余部鉄橋列車転落事故的涉事機車，當日此機牽引回送列車途經余部鉄橋遇上強風以致 7 輛客車墮橋，機車則因其重量而留在橋上，事故造成 6 死 6 傷。（資料來源：維基百科日文版）





另一角度看轉車台


車庫旁邊係仍在使用的留置線，令我諗起紐倫堡鐵路博物館，當然紐倫堡大規模得多。




如果呢個位可以直接通到車站就好


陣間要搭的快速已經入線待命，距離開車時間尚有大半個鐘。


除了車庫外，津山機関区事務所亦被改裝成資料室。


資料室展品內容涵蓋歷史回顧及鐵路知識，以教育形式展示。


舊車票




伯備線手寫運行圖


舊時車站用品


目的地顯示牌的演變


舊牌


動力教學：蒸汽機車


動力教學：磁浮列車


感受磁極相拒造成的浮力


水牌


站牌


車両番号解讀


路軌構造


感受道碴大小對路盤穩定性的影響


不同規格的軌條


軌距


信號系統簡介


人手閉塞信號機


要搭 11:31 的快速，入館後大約 40 分鐘就急急腳走了。


快速ことぶき，大約一個鐘返到岡山，比普通節省約 20-25 分鐘。


「和気相生」


（待續）

5. 倉敷偶遇瑞風

本來去倉敷係好普通的行程，普通 17 分特急 10 分，但竟然有驚喜。

去完津山博物館後於岡山駅食好西



岡山與倉敷之間，搭山陽本線或伯備線都可以。山陽本線有車先就搭山陽本線。


115 系電牌車


到達倉敷


列車開走後竟然發現......


標誌


10 号車展望車




9 号車 Royal Twin



8 号車都係 Royal Twin 就唔影了，7 号車 The Suite


倉敷駅內，新造仿古風


倉敷駅南口


倉敷美観地区


今次係我三年內第三次到岡山／倉敷，第一次跟團、第二次自駕、第三次搭車。


之後走去倉敷駅北口的商場及 Outlet，當年跟團時知道 Outlet 在車站旁邊，真係好方便。


回望北口


倉敷駅北口與南口風格截然不同。這是回程時攝，同前一張相比較，可見天上多了烏雲。


今次やくも快到就搭伯備線了。而家先發覺如果等多 10 分鐘就可以一試 117 系。


車到


在岡山駅行一陣，買飯上車食，去酒店取回行李，跟住返落月台。此時已經落緊大雨。


117 系快速 Sun Liner


搭 19:46 的スーパーいなば（超級因幡）


提示乘客去邊個位等車的燈牌


魚生飯


直飆 34 分鐘後於上郡調頭，外面一直非常大雨，雷電交加，但小辣椒依然全速前進，準時到達鳥取。


（待續）

6. 余部橋梁

來到鳥取，除了砂丘和賀露港之外，還想參觀兵庫県余部橋梁。余部橋梁前身「余部鉄橋」於 1912 年竣工，由於安全、噪音等問題，於 2010 年由新製混凝土橋取代。余部鉄橋多年來均為影車熱點，但慕名而至的外國人不多。早幾年新舊橋交替時，鐵路書大講特講，我先至知。「余部橋梁」和車站服務的「余部」皆用「余」字，唯獨車站本身名為「餘部」。究其原因，原來係為免同姬新線「余部駅」混淆。由於鳥取市內交通不太方便，余部橋梁亦位於 Pass 範圍以外，這日租車，黃昏搭火車往松江。

到達橋底


有一個道の駅及資料館


鐵橋的威風只能靠想像


部分保留的橋架


余部鉄橋開通之後，山陰本線原本在附近沒有車站，余部的居民要行過又高又長的鐵橋，再穿過四條隧道到「鎧駅」搭車。經過居民多番爭取，於 1959 年才設置餘部駅。


沿路的展板都幾陽春




沿步道上展望施設空の駅，步道亦係居民往返車站的通道。


以前鐵橋完整時，聲音同視覺效果一定好震撼。


宏偉的 A 字型鋼架


另一角度


餘部駅現時既係使用中的車站，亦設有觀光設施「空の駅」。


舊鐵橋的風光


餘部駅係無人駅，遊人可以自由出入，相中右邊的建築物係洗手間。


軌道原本在現有月台的另一邊


瑞風經過呢度要減速觀光


信號機


舊軌道保留一段供遊人體驗


舊鐵橋的一截保留成為觀景設施


末端在施工


回望


微斜（註：餘部駅無平交道，此為往觀景台途中攝，分岔路在車站對落）


車站對上設有觀景台，可以拍攝列車過橋景色。（影片截圖）


橋底保留一截舊橋展示，觀音像係為了前文提過的 1986 年列車転落事故而立。


展覽室內有舊鐵橋的模型


余部橋梁的歷史



之後駕車返鳥取還車，步行往鳥取駅時有少少雨。


搭 17:42 的スーパーまつかぜ（超級松風）。雖然早到了一個鐘，但外面雨越落越大，慶幸早還車。


在 Lawson 買燒雞串食


キハ47-7


キハ121


キハ47-1054


我地架車來時因為好多人排隊所以無影相。在多用途空間放好行李後，自由席已幾乎滿座，被迫分開坐而且無窗口位，乜都影唔到。開車時出面已是滂沱大雨，天越來越黑，雲越來越低，行出某條隧道時更加落雹，即使キハ187亦被迫要減速，由於山陰本線不少為單線路段，亦要臨時停車待避，到松江時遲着 10 分鐘。



不經不覺來到 JR Pass 最後一日


有緣再會


（待續）

7. 一畑電車

旅程最後兩日，用一畑集團「縁結びパーフェクトチケット／結緣完美車票」，有效期三日，可供乘搭一畑電車全線、松江及出雲所有一畑巴士路線（包括出雲空港所有路線及松江－米子空港線）（日文詳情）。原價 3000 円已經唔錯，在米子落機時見到宣傳單張，外國遊客只需 1000 円，一餐飯的價錢，抵到爛！該票不能預先購買，有效日期由購買當日起計，所以我地雖然由 JR 松江駅返酒店的車程係一畑巴士，但因售票處已閂門無得買，要第二朝先買，實際只用兩日。

早上先到松江しんじ湖温泉駅買票。「しんじ湖」即係「宍道湖」，車站係跟溫泉名，不知為何溫泉用了假名而不是漢字。以下此站簡稱「松江温泉」。


松江城



嘉永年間（1848-1854）松江城模型


返到松江温泉駅搭一畑電車去出雲大社


巧合搭到「ご縁電車しまねっこ号」（結緣電車島根貓號），一畑電車 2100 系即原京王 5000 系，1994-1995 年引入 4 個編組，係一畑電車最早的冷氣車。


「島根貓」以出雲大社屋頂作為頭飾


座椅係粉紅色


地氈都係粉紅色


宍道湖景色


松江至出雲市之間，JR 特急只需半個鐘或更少，一畑電車則要大約一個鐘，班次亦差唔多一個鐘先有一班，係慢活路線。


對頭車「ご縁電車しまねっこ号 II」，原東急 1000 系，2014 年加入一畑電車，仍稱 1000 系。


一畑電車本社所在地雲州平田駅，停車時間較長，運転士在此換班。見到停泊廠內的 5000 系，佢同 2100 系一樣係原京王 5000 系，於 1998 年導入，但車內用上 1+2 cross seat，當初作為急行列車使用，現在與其他車型混合使用。


平日，松江温泉開出的列車經北松江線直達電鉄出雲市，往出雲大社的乘客要在川跡轉車。假日部分班次會直達出雲大社前駅。



由電鉄出雲市開往松江温泉的列車（左）與出雲大社前開出的大社線穿梭列車（右）同步進站


大社線贏個馬鼻


往松江温泉的 2111 顯得有點殘舊，但這是 2012 年披上的「京王時代塗裝」。


2102/2112 係一畑電鉄百周年記念列車（1912 年会社成立，1914-15 年通車），除於 2012 年披上昭和年代塗裝外，車內亦有一些資料介紹同舊路線圖。




大社線基本上都係大直路


到達出雲大社前



駅舍看似近代建築，卻係 1930 年建成，係登録有形文化財。


側線月台放置 1928 年製造的デハニ 50 形 52 號車，位於收費區外，可以自由參觀。













出雲大社宇迦橋大鳥居，鋼筋混凝土製造。


出雲大社大鳥居


出雲大社正面


出雲大社後面


夜晚返到出雲市駅，JR 站北口係模仿出雲大社外型建造。


一畑電鉄出雲市駅縮在 JR 站旁邊，站名照明唔知係壞燈定無開。


搭 20:24 的班次


一畑 1 號站


睇相時先發覺係 2112，即係之前搭去出雲大社的列車！


昭和 36-39 年，即 1961-1964 年間的路線圖。當時尚有一條立久恵線，後來於 1965 年廢線。


雖然車廂有三道門，但為方便一人操作，中間門被廢除。


（待續）

DIH 發表於 2017-7-26 17:27
6. 余部橋梁

來到鳥取，除了砂丘和賀露港之外，還想參觀兵庫県余部橋梁。余部橋梁前身「余部鉄橋」於 1912 ...

末端在施工

條鐵橋拆剩一截，末端進行緊咩工程？

S3BL100 發表於 2017-7-28 03:21
條鐵橋拆剩一截，末端進行緊咩工程？

應該係起緊升降機：
http://www.asahi.com/articles/ASK3W56B7K3WPIHB02C.html

上面條 link 話預計今年秋天完工，但我去時連雛型都未見。

原本橋頭係有玻璃地板，欄杆之外係懸空路軌，如果有得睇都幾驚心動魄。

8. 国鉄旧大社駅

現今前往出雲大社的交通，一係搭一畑電車，一係搭 JR 到出雲市駅轉一畑巴士，但其實以前係有国鉄路線通到大社附近，更過渡至 JR 年代，大社線於 1912 年開業，連接出雲市駅及大社駅，至 1990 年廢線。如今，建於 1924 年的大社駅駅舍連同月台及一段路軌獲得保留，可免費參觀。

駅舍外觀既古典又宏偉


站前的郵筒只作為古物保留，現已不能寄信。


簡介




観光案內所


天花及牆壁


售票處冇野買


當年的運賃表


當年的時刻表


時鐘正常運作


候車座椅


一切停留在閉站之時


站務室內還有「人」呢


月台站名牌


出雲大社方向


出雲市駅方向


名所案內


走出去再睇睇


保留了一部 D51 機関車


昭和 17 年即 1942 年製造


走行部特寫




日曬雨淋，鏽迹斑斑




可以走入駕駛室



守護歷史


遮雨棚


煤車


因幡白兔


人手改札


再見


鐵路篇完，多謝觀賞。

DIH 發表於 2017-7-27 22:32
7. 一畑電車

旅程的最後兩日，用一畑集團的「縁結びパーフェクトチケット／結緣完美車票」，有效期三日， ...

1年前(2016)搭過一畑電鐵，想補充下一畑口站有一個類似倒Y字形的switchback，列車需要轉換方向駕駛，圖中以前曾經有通往藥師寺的路線不過而家已經廢除
(個運轉士要由車頭走到車尾，幸好得3卡。。。)
另外如果無記錯的話，我當時在出雲大社線個幾個站會有女職員在列車上賣紀念品和導覽


2. 提起一畑電鐵，不得不提一套電影---49歲的電車夢。
這套電影是講述一個中年男人成為一畑電鐵運轉士的故事，還有特設旅遊網頁
http://www.kankou-shimane.com/mag/4729.html

OT: https://ja.wikipedia.org/wiki/%E ... B%E9%9B%BB%E8%BB%8A
一直買開中古電車的一畑電鐵上年終於買全新車