建議 268B 停辦，968X 全日及更改路線

268B 雖然已經削減服務 ,
但個人所見除咗假日回程客量稍佳 , 其他時間客量不堪入目，唔值得留低 6 部車繼續燒油
現建議資源調配往客量需求較佳的 968X , 亦可作試驗了解東區人往返元朗及天水圍的需求

建議內容：
1. 268B 停辦

受影響乘客 :
268X - 281A BBI
各欖隧線 - 269B BBI
269B 可視乎客量加強假日回程班次至 12 分 , 同時改經洪天路增加客源

2. 968X 提升至全日服務並延長為 元朗(西) - 太古(康山道)

元朗(西) 開 : 0530 - 2230 30 分 , 平日另設 0715 0745 特快班次不經炮台山、北角
太古開 : 0715 - 0015 30 分

往太古方向改動：
1. 經林士街隧道直往「政府總部」分站 , 不停國金二期
2. 除特快班次外，其他班次改經維園道、永興街、英皇道 (即城巴 99 行法，經炮台山、北角) 直至康山道後清客 , 經鯉景灣調頭返回康山道西行休息。

走線：大馬路 --> 三幹 --> 西隧 --> 金鐘政總 --> 灣仔北 (告士打道) --> 英皇道 --> 康山道

往元朗方向改動：
1. 首站為康怡廣場，然後沿英皇道加經北角、炮台山於清風街天橋出海滂
2. 不經「舊灣仔警署-->永吉街」各站，改經港灣道、分域碼頭街 (即新巴 18 行法) 及干諾道中往西隧返回原線

走線：康山道 --> 英皇道 --> 灣仔北 (港灣道) --> 中環干諾道中 (即現時 960A X962 停站) --> 西隧 --> 三幹 --> 大馬路

===
968X 全線用車 7 架 , 早繁特快班次由 968 抽調 ;
其他用車由 268B 抽調，平日額外增加 3 部用車 , 假日額外增加 1 部用車

===
以下開放討論

而家268B 6車？

“現建議資源調配往客量需求較佳的 968X , 亦可作試驗了解東區人往返元朗及天水圍的需求”

我想問968X如何試驗了解天水圍的需求？
唔好說BBI
現在967/9本身有跟港島路線的免費BBI
總車費比968X↔元天路線低

作為一個會由東區去屯元天的既得利益者，968X全日未必係一個好吸引的方案。

個論點都講過不下一次，就係由於東區客量分散（即非繁至少都要由太古掃到落去炮台山、天后），咁樣一掃，隨時要用20分鐘先去到銅鑼灣。

所以東區去大西北，我一直支持的，係真正的轉乘優惠，同做好返d 班次。

例如720可以12-15分鐘出到中環，再轉967、968、969，吸引力會更大。

***************
反而我覺得整套西隧線，
如果要做東區客，S3BL100兄先前提及過的930C會相對較吸引，至少客源較有保證（荃葵較多工商業區，會有東區人去果邊返工）。

至於大西北線，我反而覺得需要一條全日銅鑼灣、中環直去西隧的線，特別而家兜上環、停皇后街，用得越來越多時間，一條類似X962形式的線，會大大提升吸引力。
**********
btw 至少GU9338兄的建議，算係F1板的清泉……
要係呢個板見到稍為make sense 的建議都好難

neoplan720p 發表於 2018-2-18 00:07
作為一個會由東區去屯元天的既得利益者，968X全日未必係一個好吸引的方案。

個論點都講過不下一次，就係由 ...

多謝讚賞 , 小弟不敢當

回應返主題
我同意轉車會快過一程車 , 行法亦無可避免要由太古掃落天后先出主幹道 ,
不過綜合所有因素我仍然覺得值得做全日 , 主要有以下三個原因：

1. 掃走經營情況應該更惡劣嘅 268B

唔多講，268B 日間可以得十幾人入隧道


2. 嘗試改變東區 - 元朗區通勤行街客嘅搭車習慣

我諗得出原有嘅搭車方法包括
a. 720/722/788/789 etc - 967/968/969 (呢個建議無意搶 722 以外嘅轉車客 , 學你所講客量太散)
b. 268X - 102/118 (如果隧巴係對家時段就倒錢落海 , 而且旺角交通近年都不甚良好)
c. 全程保鐵 (我諗大部分住鐵路沿線嘅居民只識呢個方法，亦係九巴最唔想見到嘅情況)

所以 968X 如果搶到 b 甚至 c 嘅客 , 其實已經係勝利

3. 一程車令行街客增加

呢個原因比較主觀
不過元朗又唔係咩荒山野嶺 , 而近年新開嘅直達線唔少都做到呢點

最成功嘅例子有 290A
之前有版友分享過 290A 未開之前 , 觀塘山往返荃葵都要落山轉車 (再之前連 40 都無) ,
如此不便令居民心目中認為荃葵並非首選去行街消遣嘅地方
直到 290A 嘅出現連帶願意去荃葵行街消遣嘅觀塘山居民都多咗

當然元朗 - 港島東距離比荃葵 - 觀塘山遠好多 , 968X 短期內應該做唔到 290A 咁亮眼成績 ,
但居民落街見到有架去元朗嘅直達巴士 , 其實同 673 道理相近 - 假以時日慢慢儲客應該唔難 ,
或者從另一角度睇 , 幾乎肯定好做過繼續燒錢嘅 268B

neoplan720p 發表於 2018-2-18 00:07
作為一個會由東區去屯元天的既得利益者，968X全日未必係一個好吸引的方案。

個論點都講過不下一次，就係由 ...

反而我覺得整套西隧線，
如果要做東區客，S3BL100兄先前提及過的930C會相對較吸引，至少客源較有保證（荃葵較多工商業區，會有東區人去果邊返工）。

雖然我好似係第一個提 930C 呢個 idea 既人

但其實元朗都有機會有得玩，元朗其實朝早都有好多人入去返工，
至少 68X 268C 朝朝係爆住入去，968 朝早入元朗、傍晚出巿區亦多客

大西北無其他地區做到呢個成績

而且我最初提 930C 個建議，除左真係想開拓新客源外，另一個目的係要收拾條 18X

同樣道理，今次樓主係用 268B 換 968X 返來，
雖然返得元朗未必好多人住東區咁遠，但額外成本比較有限的前提下，值搏率進一步提升

唯一問題係中灣繞全面開通後，林士街天橋無得直接落返干諾道中，968X 東行行法要再改

AV296 發表於 2018-2-17 20:17
而家268B 6車？

“現建議資源調配往客量需求較佳的 968X , 亦可作試驗了解東區人往返元朗及天水圍的需求” ...

我唔記得 268B 星期六日係用緊 6 定 7 架車 , 係有加班車字軌 ,
所以額外用車數平日同假日係有唔同

天水圍需求係 bonus
本身行街食飯睇戲黎講 , 元朗比天水圍完善好多
但假使真係有需要入天水圍嘅話 ,
我相信 968X 欖隧再轉天水圍車吸引力絕對大過 967/969 轉 10 漫遊成個港島北 , 仲有北角以東係無 bbi

269B經洪天路停站似趕客多點…………968X全日個人無問題，試下新客源好過行268B運空氣

GU9338 發表於 2018-2-18 01:02
多謝讚賞 , 小弟不敢當

回應返主題

關於前半部分來往東區至大西北的分析，師兄分析得好準：

1. 以前仲有地鐵學生優惠，就真係會全程保鐵（就算要全程企同車程較耐），因為貪平

2. 無左學生優惠，前往大西北都試過好幾次110轉260X或268X。不過唔穩陣的地方，係268X會俾旺角累事，特別係由彌敦道轉入亞皆老街果個死位。260X相對較好，係炮台街轉車，直接就上公路。不過回程呢招就唔work，因為一係要坐260X入到TST轉110；一係就係油麻地、佐敦轉102，兩種方法都太慢。

3. 而家時間更保貴，所以通常會坐720轉大西北96X線，但亦都係最貴的走法。如果有合適的BBI就會更吸引。

*********************
我認同有時要轉車（就算轉車算係方便的話）係唔能夠好準確地預測兩地之間的需求。
的確，難保有左直達線之後，東區居民可能真係會入大馬路行下街（始終大馬路有相對較多特色商店，而非一味大型商場），而且968X仲有個欖隧轉乘，所以係做埋天水圍、洪水橋等地的客（雖然來往東區的需求睇唔出好大）。

不過，如果以268B黎換線黎講：
1. 我認同係有269B情況之下，268B的存在價值真係唔算大（雖然某部分時段客量又未算話好差）

2. 但如果換線來講，我係偏向保守：
(a) 69C半全日，同時段269C不再經美湖、麗湖，改為跟69M直出，甚至上繁的969直出都得
-> 而家就算非繁，268、9C都好爆，如果有條例如20分鐘一班的69C半全日，做多半個非繁（單向多人果隻），都算係有幫助清客，同埋俾美、麗湖有條線直上欖隧。

(b) 又或者半全日的269X（即268X天水圍版），特別係而家268X係欖隧隨時落30-40%客，根本有一大堆客係想特快由旺角衝返入天水圍。而家268X要開咁密，係因為要做埋天水圍客所致，但亦都導致大馬路塞車更加嚴重。如果有條269X做繁忙時段（特別夜晚返入天水圍），咁268X又唔駛開咁密，對元朗整個交通情況都未必無著數。

(c) 師兄的968X我覺得可以試下先係假日做，試下水溫。始終平日非繁真係未必太多人，就算S3BL100 兄所講的元朗工商業，又有幾多東區人係入緊佢返工，我覺得都唔會好似整個觀塘、黃大仙區咁多。反而假日有條大馬路行下街，仲有附近大棠、錦田等郊區俾人行山，要回本未必咁難。

由東區去大西北，正路方法都係118轉西鐵（尤其有西鐵月票）或者7字頭轉西隧巴。

至於嗰啲乜嘢全程保鐵對比7字頭轉西隧巴根本無着數，102油麻地轉車話就話平，不過淨係由天后塞到油麻地再碌到大角咀/屈返佐敦道嗰段都夠極品啦。通常搭得102過海都轉西鐵啦。

大方向俾968X全日都認同

細位上我覺得既然968X做得全日
部分時段做埋銅鑼灣其實對客量既保證會大好多
甚至可以係968上面抽車再加密班次