hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (R) Railway 鐵路討論區 香港鐵路 (R1) 屯馬綫?東西綫?最終命名意見以及港鐵路綫命名分析 ...
開啟左側

屯馬綫?東西綫?最終命名意見以及港鐵路綫命名分析

  [複製鏈接]
jimmyfty328 發表於 2018-4-15 02:59 | 顯示全部樓層 |閱讀模式

                                    Advertisement



近日有傳港鐵東西綫會命名為「屯馬綫」、東鐵綫維持「東鐵綫」之名。對於該兩條路線之最終命名,好大程度上取決於方便與否。當列車廣播轉綫資料時,乘客只能夠靠路綫名分析邊條路線最合適。小弟將於此文分析各命名方式之利弊,以及分享理想之命名方案。
不同城市有不同嘅命名系統,最常見有:1. 以數字/字母名命 - 此方式適合有大量不同定線之鐵路系統,例如北京、上海、深圳,好處為方便遊客

2. 以顏色命名 - 此方式適合有較少定線之鐵路系統,例如杜拜、波士頓、華盛頓,好處同上
3. 以地方/地區命名 - 此方式適合放縱橫複雜之路線系統,例如東京、香港,好處為方便居民
4. 以方向命名 - 此方式適合放射式路線系統,例如新加坡,好處為同時方便所有乘客
5. 以多種系統命名 - 多為歷史違留下之成果,典型例子為倫敦

言歸正傳,我地睇下香港鐵路歷史留下之命名方案:

A. 香港地鐵之路線命名 - 以地方為名

早期系統於1970年規則香港地鐵以三條路線行走:港島綫、港九綫、東九龍綫,其中港九綫再分拆荃灣支綫及觀塘支綫,當時系統採用了地方/地區名為路線命名,類似屯馬綫以兩個地方之簡稱命名亦早在1970年已經出現。而獲選之地方為該走線中最重要、最具代表性的地方:荃灣及觀塘都是香港重要的工業區,在1970年代,有好多香港人在該區就業,基於兩個地方的知名度,以荃灣及觀塘命名絕對方便上班的乘客選擇適當的支線。加上荃灣及觀塘分別是香港西部及東部,以該兩地用作分別東西方向的支線變得最適合不過。

通車時,荃灣支綫及觀塘支綫分別成為了荃灣綫及觀塘綫,港九綫亦成為荃灣綫之過海段;其後港島綫加入系統,港島綫作為當是香港島唯一之重鐵系統,定線走畢全個港島北面,故以港島為名。連同荃灣、觀塘,香港人立即很易就分辨出三條路線所服務的三個不同區域。

東涌綫及將軍澳綫同樣地用地方命名,原因很簡單:東涌綫及將軍澳綫之建造就是為了服務東涌新市鎮及將軍澳新市鎮。到現時為止,香港地鐵之路線命名有系統、方便轉乘、清晰易明,以地方命名絕對是最好的決定。

B. 九廣鐵路之路線命名 - 以功能為名、以地區分辨

由於九廣鐵路一直只有一條由羅湖至九龍的鐵路,所以不需要以系統方式命名。鐵路連接九龍及廣東,故稱九廣鐵路,這是該鐵路之功能。當然,九廣鐵路在新市鎮發展下,演變成通勤鐵路,令九廣鐵路地鐵化,這個後話,。當西鐵綫發展時,九廣鐵路公司計劃鐵路會連接廣東及新界西,故稱九廣西鐵;而原有之九廣鐵路則改稱九廣東鐵。雖然最終沒有落實連接廣東,但以東鐵、西鐵命名,分辨服務新界東及新界西的鐵路,亦無不妥。隨後,主要服務馬????山新市鎮一帶的馬????山鐵路,以馬鐵命名,亦加入了系統。

到現時為止,兩間鐵路公司,兩套路線命名系統,沒有問題。但當兩間公司變成一間,兩套路線命名系統變成一套,問題出現。

東西綫、南北綫
東鐵、西鐵、馬鐵改成了東鐵綫、西鐵綫、馬鞍山綫。這套以功能為名的九廣鐵路系統,加入了以地方為名的系統,就出現了混亂。除了馬鞍山綫能夠完美地融合之外,東鐵綫及西鐵綫就明顯在系統以外。除著沙中綫項目展開,最後走綫亦有了定案,要將西鐵綫及馬鞍山綫合二為一,該路線之服務範圍甚大,難以找一個「荃灣」「觀塘」出來,既然如此,以東西線命名可算是不錯的選擇,這條路線的確貫穿了香港最東及最西面的新市鎮,路線亦是將東西而邊的人帶到中間的九龍,東西綫是合理名稱。但一條東西線不夠系統,故藉著東鐵綫南延將其改名為南北綫。東西/南北剛好成為一套。雖然與其他路線不同,但亦無傷大雅。因為技術層面上,該兩條路線長度遠超其他路線、電流不同、背景不同、列車規格不同,所以用不同的命題系統,亦相當合理。亦正因如此,不必以線命名,而改用走廊,這亦是一開始的計劃。

北環綫 - 關鍵所在
電流、列車規格與東西綫、南北綫相同的北環綫,假如落實,會怎樣命名?按照東西綫、南北綫般稱北環綫?還是叫古洞綫?相信前者機會較大。

東西綫、南北綫,在港鐵網頁已有資料支持:港鐵網頁指出沙中線項目橫跨多個現有鐵路線,包括兩個策略性走廊:東西走廊、南北走廊;而真正的命名港鐵已經澄清未有定案;加上屯馬綫,一直都是「消息指」,亦未有實實在在見過印上TML、屯馬綫的文件;因此這個說法很難不令我回想起城巴12米B9TL的訂單。

20160424 發表於 2018-4-15 09:27 | 顯示全部樓層
其實當年既九廣鐵路,已經完美體現屯馬線風格,一個九龍去廣州,一個屯門去馬鞍山,兩個都係主要地方,
單用其中一個地方作命名都係偏頗及唔恰當。屯馬最多人鬧都係個名難聽,假如屯門區保留叫青山區,變做青馬線,我諗呢到D人又拍掌叫好!


3asv@59x 發表於 2018-4-15 11:06 | 顯示全部樓層
港島線,其實都應該叫做北港島線啦
觀塘線,荃灣線,東涌線,可類似台北板南線原因而不改名

如果用到四字
咪叫屯門沙田線、最好啦

南北線真系叫做南北線最好

PS:其實系咪真系諗住起條屯荃鐵路再延去大圍,留番東西線個名比將來用?
 樓主| jimmyfty328 發表於 2018-4-15 13:03 來自手機 | 顯示全部樓層

                                    Advertisement



本帖最後由 jimmyfty328 於 2018-4-15 13:33 編輯

按佢服務區域/功能而命名:港島綫:服務港島最核心地帶
觀塘綫:為服務觀塘區而建造
荃灣綫:為服務荃灣區而建造
東涌綫:為東涌新市鎮而建造
將軍澳綫:為將軍澳新市鎮而建造
東鐵綫:方便北區市民到市區工作、方便市區人過境,理應棄用東鐵綫之名,至於應否叫南北綫,取決於東西綫之存在。如果冇東西綫,稱「新界東綫」、「北區綫」、「九廣綫」亦合理
西鐵綫/馬鞍山綫:將東西兩邊的新市填人口帶到中間市區,走線橫跨香港最東及最西的新市鎮。應否叫東西綫取決於南北綫之存在,如果沒有南北綫,稱為「馬屯綫」亦合理(較屯馬好聽,英文亦可叫Tuen Ma Line TML)。當然,港鐵將兩綫合二為一的原因是為了策略性地建造東西走廊及南北走廊,稱東西綫的機會很大;否則,港鐵大可以在建造新紅磡站時大可以加多兩條月台,烏溪沙至紅磡稱「馬鞍山綫」(重點服務馬鞍山新市鎮)、屯門至紅磡稱「新界西綫」(重點服務新界西各新市鎮)
南港島綫:稱「鴨脷洲綫」較合理
南港島綫(西段):稱「南港島綫」,因為走線覆蓋大片南港島區:香港仔、黃竹坑、田灣,數碼港等,比起有南港島綫更配以「南港島綫」命名東九龍線:稱為東九龍綫十分合理,因為只服務九龍東一帶

tonyng 發表於 2018-4-15 22:54 | 顯示全部樓層
本帖最後由 tonyng 於 2018-4-15 22:56 編輯
加上屯馬綫,一直都是「消息指」,亦未有實實在在見過印上TML、屯馬綫的文件;因此這個說法很難不令我回想起城巴12米B9TL的訂單。


講得「消息指」你仲想點, 係咪要出埋來自港鐵內部邊份EDOC文件, memorandum嘅編號出嚟先至安樂?
20160424 發表於 2018-4-15 23:05 | 顯示全部樓層
tonyng 發表於 2018-4-15 22:54
講得「消息指」你仲想點, 係咪要出埋來自港鐵內部邊份EDOC文件, memorandum嘅編號出嚟先至安樂?
...

TONY兄既然咁肯定屯馬線會出爐,咁東鐵線改名都係必然既事吧,係咪而家改住一個名先,等到這2021過海段通車先再諗?
tonyng 發表於 2018-4-16 00:17 | 顯示全部樓層

                                    Advertisement



20160424 發表於 2018-4-15 23:05
TONY兄既然咁肯定屯馬線會出爐,咁東鐵線改名都係必然既事吧,係咪而家改住一個名先,等到這2021過海段通 ...

如果冇記錯, 早於1月已經有大sir提議用屯馬綫呢個名 (雖然讀起上嚟真係唔太順口嘅~), 3月中就開會通過咗, 唔知龜龜會唔會因為"輿論壓力"而突然撤回呢個決定呢?

至於樓主講嘅所謂EWL/NSL在港鐵網頁已有支持, 其實咪即係同當年WIL(西港島綫)/KTE(觀塘綫延綫)一樣, 只係用嚟identify個project。

講返正題, 宜家係龜龜班高層唔鍾意叫東西綫/南北綫, 所以先通過呢個名, 不過如果路綫名可以用5個字, 民間團體都仲可以試下反建議中文叫「屯門馬鞍山綫」或「西鐵馬鞍山綫」, 英文就用返簡稱 "Tuen Ma Line" 或 "West Ma Line" 嘅..



lkopeter 發表於 2018-4-16 01:15 | 顯示全部樓層
本帖最後由 lkopeter 於 2018-4-16 01:43 編輯
tonyng 發表於 2018-4-16 00:17
如果冇記錯, 早於1月已經有大sir提議用屯馬綫呢個名 (雖然讀起上嚟真係唔太順口嘅~), 3月中就開會通過咗, ...

咁樣嘅話龜龜真係為反而反,唔通佢哋覺得東西綫同南北綫好有九鐵色彩?仲以為之前何文田站沙中綫月台個環境控制系統房門牌已經算係佢哋正式默許左東西綫呢個名添...

不過有柯士甸站呢個先例,睇怕龜龜唔會咁輕易聽取民間團體意見,而且路線名四個字以上未免太累贅(正如南港島綫東段最終簡化為南港島綫)

PS 如果要反建議,我會建議屯元天馬綫或者天馬綫
eternalflame 發表於 2018-4-16 13:20 | 顯示全部樓層
lkopeter 發表於 2018-4-16 01:15
咁樣嘅話龜龜真係為反而反,唔通佢哋覺得東西綫同南北綫好有九鐵色彩?仲以為之前何文田站沙中綫月台個環 ...

留意開龜公司公開嘅文件同工程相,最初基建工程招標時,投標文件係用EWC/NSC
到風火水電等較後期的標書,就已經標晒做EWL/NSL
何文田站沙中線月台機房嘅牌,甚至軌道旁的里程標記都係標注成EWL
招聘會流出的路線圖、動態路線圖轉車指示等等都指向EWL/NSL

所以係有一段頗長時間欽定名稱係EWL/NSL
直到上面Tony兄所講嘅改變

個人估計3月個決定應該同之後更換路線圖指示牌有關係
高鐵年底通車,而屯馬線下年年中,如果高鐵仲有延後空間
閃燈路線圖會唔會又搞雙層貼紙設計呢?
要換路線圖指示牌又差唔多時間進行招標
亦需要將最新版本路線圖申請做商標


timewater 發表於 2018-4-16 14:34 | 顯示全部樓層

                                    Advertisement



我唔明點解東鐵綫過海係都要改名做南北線
咁會造成好大混亂
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 04:30

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表