將軍澳 一個先天缺陷的新市鎮

選擇將軍澳呢個海灣做新市鎮,唔係唔得;但係要發展呢個海灣成為一個大規模到宜家咁嘅新市鎮,根本就係錯誤
因為Junk Bay呢個海灣啱啱喺正新界東南個角咯頭
南邊係海,東邊隔左個好窄又冇點發展嘅清水灣之後又係海
同時間,將軍澳以北又係一大片冇點發展嘅西貢郊區地
結果,將軍澳不論起對外道路(包括隧道和公路)、鐵路都一定係由東至西去九龍東的
現有的將軍澳隧道、寶琳路、清水灣道、被納了為私家路的澳景路、兩條現覆蓋將軍澳新市鎮的鐵路線,統統都係由東至西去到九龍東作為第一個落腳點
而大家好期盼的新將軍澳至藍田隧道和將來的東九龍線鐵路,不約而同也是由東至西去到以九龍東作為第一個落腳點
即是話,將軍澳起乜野對外運輸,都只能由東至西並以九龍東作為第一個落腳點
這真是一個先天缺陷,因為九龍東有咩事將軍澳就會被cut短所有生命線
將軍澳唔同沙田,沙田對外連接之主要道路和鐵路有向北(吐露港公路)、向西南(大埔公路、青沙公路、城門隧道)、向正南(獅子山隧道、東鐵線鐵路)、向東南(大老山隧道、未來屯馬線鐵路),可見沙田有好多落腳點不同生命線
如果出面一個地方有事,沙田人可以選擇非以有事地方為落腳點的幹道離開沙田;;;反觀,只要九龍東有事,將軍澳畀足四條汽車路同兩條鐵路線你都係要面對窮途末路
之所以有上述差別,係沙田位於新界東北、新界西南同九龍市區之間的中心要塞位置,但將軍澳則位於一個有兩邊係海北邊係荒野嘅死位角咯頭
可是,呢廿幾卅年以人口同建設速度計,將軍澳不段追近沙田,但根本冇唸過呢D客觀先天缺陷就以呢個速度發展...咁樣,將軍澳就變左一個嚴重飽和都仲夾硬發展嘅地方;而惡果,近年開始陸續浮現

咁大埔都唔掂啦，又多海，南行又點都要經沙田，北區尚且可以行新田走。將軍澳呢個位，假設今日仲未發展，佢應該會成為另一個被力推嘅東大嶼，就算唔填海都好，地都太大啦。將軍澳跨海大橋係必須嘅，但都唔會話佢係萬能，起碼等埋六幹全通先叫好。起動九龍東？不如先搞好交通。

根本問題係東九基建跟唔上發展, 部份原因同維港填海及啟德發展有關.

啟德地少左, 各樣嘢要重新規劃, 但將軍澳發展步伐未有停步, 周圍摩天大廈同屏風樓, 將藍隧道同跨灣連接路就算一早起好, 駁唔到東九新路一樣係冇用.

鐵路還好, 開發唔夠二十年已經有兩條綫, 一條過海一條去九龍, 繁時好迫, 但點迫都唔及其他樽頸位迫, 非繁用量更係低中之低, 無他, 將綫北端係掘頭路, 而且以住宅為主.

…香港地理係咁嘅啦，唔係仲想由邊度搵位，唔好話新界西北

所以遲下如果發展137區，好應該起多條東部外走廊鐵路，由東區經將軍澳東部、科大、蠔涌谷入沙田。

巴士的膠 發表於 2018-12-14 16:52
所以遲下如果發展137區，好應該起多條東部外走廊鐵路，由東區經將軍澳東部、科大、蠔涌谷入沙田。 ...

經西貢基本上都唔使考慮喇

JX9097 發表於 2018-12-14 20:44
經西貢基本上都唔使考慮喇

如果考慮成本，由將軍澳去沙田，最直而唔起太深嘅隧道，基本都係連接小瀝源（近大老山隧道收費廣場）同蠔涌谷。香港亦有唔少快速公路/鐵路隧道穿過郊野公園範圍，我又唔明有乜問題。

小瀝源一邊固然起哂樓，蠔涌本身亦唔係天然河道，兩邊亦起哂村屋，基本上生態價值都有限。

巴士的膠 發表於 2018-12-15 17:02
如果考慮成本，由將軍澳去沙田，最直而唔起太深嘅隧道，基本都係連接小瀝源（近大老山隧道收費廣場）同蠔 ...

西貢人連擴闊西貢公路都反對
而且西貢一向都係後花園
加地鐵站的話, 唔計破壞環境, 淨係additional人流都足已畀居民反對
仲有本身西貢有唔少祖墳, 亦都係一個阻力

而且呢條新線港鐵亦未必有興趣
因為沿路冇乜物業發展

巴士的膠 發表於 2018-12-14 16:52
所以遲下如果發展137區，好應該起多條東部外走廊鐵路，由東區經將軍澳東部、科大、蠔涌谷入沙田。 ...

137 唔係繼續工業咩……就算住人，呢種走線都唔見得會分流到幾多現有客流，條外走廊太過外。

以香港近年唔迫爆都唔做野的作風，將軍澳跨灣大橋算係工程浩大但潛在用量甚低（每邊兩線），最直接受惠只有日出康城及工業邨。

連呢條橋都肯起，其實都好應該向南，在工業邨東南起一條隧道去小西灣附近，而家真係可望而不可即。可以填了貨物裝卸灣做出口再將貨物活動推出新填海區，杏花邨及藍灣半島海景盡量不打擾。東廊在東隧以東應該有剩餘流量應付來往將軍澳東南的車流。

[FF]呢個主題亦令我聯想到，當初爭議三跑時有人提議索性在香港南面建多一個機場。但係，現時香港南部陸地大部分係多石鄉郊，而新路落腳點必然接近港島，若不大規模加建繞道，會對本已超負荷的港島道路網帶來更大壓力。若要在南面建新機場，假設選址在蒲台島一帶，也許需要用東龍洲及佛堂洲一帶做緩衝，加建上述東南海隧，同時修建幹線連接柴灣及黃竹坑，令4號幹線成為港島環線。[/FF]