[一至五返+放工用] 元朗東頭工業區<>杏花邨

早上0830要到東頭
晚上1830放工
而家用緊 都會票+ 屯門 -紅磡全月
通
請問使用九巴月票可行嗎？
如果不可行， 請問有沒有咁平的方法？( 計埋交通補貼)
先謝

不好意思，是更平

睇見就辛苦, 而且杏花邨幾可肯定係港鐵見, 就算收工想歎下, 用九巴月票搭968出港島, 之後都係搭鐵路, 估計你唔會諗興發街轉8吧, 咁張九巴月票假日都用就冇所謂, 唔用就大蝕水.

返工:
港鐵杏花邨-尖沙咀-尖東-南昌-朗屏

放工:
港鐵朗屏-南昌-尖東-尖沙咀-杏花邨

根據港鐵車費建議http://www.mtr.com.hk/ch/customer/st/index.php

使用屯門-南昌全月通加強版, 總車費$999/22程, 係最平選擇

使用屯門-紅磡全月通加強版, 總車費$1084/22程

如果返工全程港鐵, 收工搭巴士
元朗西 - 968 - 天后總站 - 興發街 - 8 - 杏花邨
總車費$1236.4/22程, 到時港鐵全月通又會蝕

可惜118P來回程都唔啱時間, 唔係嘅話最平應該係118P+港鐵屯門-南昌全月通加強版, 總車費$946.2

所以, 建議你專心做港鐵奴隸啦!

Thx

唔介意南昌出閘的話，可以試買都會票。依家都會票收緊 $435 40 程，即 $10.875 一程。至於用 75 折優惠，南昌至杏花邨收緊 $14.7，折咗之後係 $11.025。
提一提如果想用盡優惠，可以喺月頭同月尾買，咁樣可以獲得更多回贈。
假設月頭同月尾都買，即係一個月支出係 $435*2+$515*2=$1900，當中 $1500 有 25% 回贈，即 $375，但基於已到頂，只能獲取 $300。減返，$1600 可以用 2 個月，即係 $800 一個月。不過以上只計每月 40 程，實際返工日數應該會多少少 (視乎公眾假期數目)。

啱啱計過一輪，始終坐長途地鐵真係好辛苦，有時夏天遲日落，未天黑就開始搭鐵，喺地底上返地面果陣個天已經全黑，感覺真係搭咗好耐!
基於你 0830 返工，我唔知以下方案趕唔趕得切，最好揾日試一次先，因為萬一塞車 (雖然朝早路況會比較暢順，同你你係逆向通勤) 或者遲咗起身，咁就大鑊了。
85 頭車開 0600，然後 694 頭車開 0610。如果由杏花邨搭出西灣河，如無意外應該可以趕得切頭車。
694 搭到去觀塘，就行去轉 268C，總站落。但 268C 要喺元朗兜圈，萬一沿途交通唔順暢，例如龍翔道撞車，0830 係咪穩陣到總站都有少少勉強。所以你試一試先，又或者揾日早少少起身，打開 ETA 計計架車幾點可以到朗屏。
回程無時間限制，可以先搭 268C 返觀塘。619 九巴頭車開 1950，所以到觀塘可以無車搭，可以考慮下食個飯先，又或者搭到落油塘轉 613。返到北角就可以 85，或者用你喜愛的方法返屋企。
車費上，每日額外車費係 $3.7*2+$10.3=$17.7，基本上都幾貴下。計計埋埋，$17.7*22+$780=$1169.4，津貼 $192.35，減返即係 $977，但星期六日或者放工出街，有張九巴月票可能有得節省少少。

其實我唔係太明﹐點解樓主要買 "都會票+ 屯門 -紅磡全月通"﹐這樣成本仲高。

以今個月計算 ﹐樓主方法要 $435 + $600 =$1035

同樣地以今個月計算﹐一張西鐵南昌月票﹐連用接駁餘下車程﹐只需$999。
(以MTR官網的車票建議提供的資料﹐1-5返工來回2程﹐紅日休息。會用尖東轉TST 再轉車過海計算車費﹐實際坐車係唔需要這樣坐的)

註 : 我唔排除每個月份﹐因為日數唔同﹐會有不同的結果出現。

而九巴月票就$780﹐應該係最平﹐但問題係要夾到你過海的一程車﹐一定要係九巴時段。
樓主係要慳錢﹐又夾到全部九巴車﹐就可以$780/30日。

kei_hk 發表於 2019-1-2 17:00
其實我唔係太明﹐點解樓主要買 "都會票+ 屯門 -紅磡全月通"﹐這樣成本仲高。

以今個月計算 ﹐樓主方法要 $ ...

「而九巴月票就$780﹐應該係最平﹐但問題係要夾到你過海的一程車﹐一定要係九巴時段。
樓主係要慳錢﹐又夾到全部九巴車﹐就可以$780/30日。」

保證係九巴, 銅鑼灣968就至抵, 加一程新巴8, 杏花邨去銅鑼灣$6.1, 興發街去杏花邨$4.4, 一日就搭左$10.5新巴, 968用月票任搭, 一個月22日的確係平過鐵路.

問題係咁搭巴士法, 仲辛苦過搭鐵, 路面大塞車, 冇鐵路咁容易為僱主接受.


另回6#, 85-694-268C真係好轉折, 既然係用九巴月票, 8-968轉少一次車, 心理負擔都輕D, 但要在上環-天后慢慢碌, 都唔係好受, 回程268C去唔到油塘, 過到海又要轉車, 試都唔駛試.

EX-TL 發表於 2019-1-2 17:37
「而九巴月票就$780﹐應該係最平﹐但問題係要夾到你過海的一程車﹐一定要係九巴時段。
樓主係要慳錢﹐又 ...

我只係想到去紅隧口轉118之類路線，不過又好似唔到杏花邨。

最終又應該要多程車接駁，攪的來就一張南昌月票好過，時間又易控制。

EX-TL 發表於 2019-1-2 17:37
「而九巴月票就$780﹐應該係最平﹐但問題係要夾到你過海的一程車﹐一定要係九巴時段。
樓主係要慳錢﹐又 ...

我唔否認經九龍東轉車係轉折，但我最初只係想避開潛在塞車位。
當然你可以問會唔會咁早就塞車，而我覺得呢點好難講。
所以如果朝早搭巴士，一係就經塞車機會小的道路，一係就選擇逆向通勤方向。
搭 8 轉 968，無錯咁樣會平同無咁轉折，但由杏花邨到中環都係通勤方向，塞車風險增加，可能要更早出門口。
當然你亦可以話 268C 經觀塘道，亦有塞車風險，不過如果真係要搭巴士，我覺得只能咁選擇。況且如果返東頭工業區，入到新界其實都要轉多程車，一係就行路。我亦有諗過搭鐵到上環轉 968 之類，但咁樣搭就不如全程搭鐵好過。
至於回程，反正唔趕時間，搭咩都無所謂了，當然回程搭 968 會更好，呢樣我諗漏。
或者本身樓主呢個行程就唔適合搭巴士。