新城取消唔到4號, 郁唔到40/40M又諗D古怪野
如果呢項改動既宗旨真係「減少同4號拍拖返華富既情況」, 唔應該去刪走一齊行既路段, 應該去諗下點解會咁先啦
真係想唔貼住行既應該將4X係交易廣場孖坑停一停, 做個定時點, 又或者視乎4號幾點到中環再dynamic咁安排幾點開
4號同4X的確係有時一齊行, 問題係有時第一架爆曬咁都仲有第二架可以上, 而家有到站時間直頭可以睇有無後車跟住 (最緊要後車唔好爬頭就得)
以前無到站時間, 係上環等四個字半個鐘4/4X真係後悔唔行過去中環坐70, 而家有到站時間, 即使我係等四個字半個鐘我都唔會怪新巴, 因為知道係塞車先變成咁, 問題係等左四個字半個鐘之後, 5分鐘內有4架4/4X一齊黎大把位。
拖卡既源頭係中環之前一段路程, 會唔會有人因為4X唔經上環特登等4X返華富? 華富往中環一段路就無改, 而家係點將來都會係點, 到時4號早4X幾分鐘到, 中環既人上曬4號費事等, 4X吉車離開中環, 去到HKU又跟住40/40M, 4X最終吉車返華富跟住又可以話4X無客cut淨早繁? 新巴d路線計劃有幾多料大家心中有數
咁耐以黎南區新巴搞D特快線, 我諗最正常都係4X。論客量, 回程最有價值既一段路根本係中環至上環, 如果4X唔經上環, 絕對唔能夠講提升, 直頭係削減服務。希望最終會反對。
|