荃灣去新蒲崗譽港灣

聽日傍晚時間喺荃灣出發， 如果搭港鐵應該點樣去， 如果唔搭港鐵又可以點樣去。 順便問埋回程路線

地鐵可以搭去樂富或黃大仙, 出站後需步行約15-20分鐘, 車費$10.4:

樂富站(車頭)A或B出口接富美東街落去樂東樓, 再沿鳳舞街向東行, 橫過東頭村道接東泰里出彩虹道.

黃大仙站(車尾)C2出口橫過正德街進入下邨, 過龍吉樓/龍智樓後轉左出東頭村道, 橫過東頭村道後直行入啟德花園商場拍$2機作回程用, 穿出大成街再沿彩虹道步行前往, 或經行人天橋到爵祿街直行至景福街轉右.

巴士就搭40到美孚站原站以八達通免費轉6D, 彩虹道第一個站王仲銘中學落車, 行返轉頭去過路處過對面, 唔建議轉較慢的2A, 但2X 42 OK的, 惟沒有轉乘優惠.

回程可在彩虹道天橋前搭6D到美孚站轉40.

個人建議搭巴士, 平得嚟行得少, 但要留意花墟公園正進行大型活動, 有機會增加6D 42行車時間.

唔知樓主喺邊度出發，其實搭鐵都要行幾遠下。
如果喺荃灣站附近出發，我建議搭到旺角站 $8.5，B 出口出上天橋，花園街街市等 796C，譽港灣落車前喺八達通機拍多次卡，巴士一程 $4.6。
回程唔知你趕唔趕得切。如果未過轉乘優惠時限，可以喺對面搭返 20，油麻地落車，又或者搭埋落帝柏海灣，奧運站 (平少少) 上鐵，咁樣 20 果程可以免費。如果樓主要留耐少少 (例如去飲)，咁回程都係搭返 796C 着數，$4.6 去到旺角太子深水埗其中一個站轉鐵回程。
如果喺荃灣西站附近出發，又或者唔想塞旺角，咁就可以搭鐵到美孚，美孚站 (長沙灣道站位) 等 42 $6.4，同樣可以附近落車，但 42 唔停譽港灣，所以要喺景泰街落行返轉頭 (5 分鐘內)。
仲有一個方案係搭鐵落紅磡，轉隧巴返譽港灣。呢個方法會較易遇上塞車同比較轉折，所以唔建議。

其實仲有個方法，係去荃灣街市搭坪石小巴，景泰街落車

Ok唔該曬樓上咁多位， 最後搭咗290去黃大仙約埋朋友轉的士， 回程同樣