2018年9月至2019年2月高鐵、跨境服務和直通車的載客量數字

立法會財務委員會最近正審議來年既財政預算，有個別議員就過境鐵路服務提出問題，並要求列出最新既數字。相關文件可以係立法會財務委員會會議紀錄一頁(LINK)，4月10日既關於運輸既會議搵到。文件名為「政府當局就初步問題的書面答覆」(Link)。由於有7頁目錄，所以PDF頁數同內頁相差7頁，以下既頁數均指內頁。
首先係高鐵、跨境服務同直通車既載客量變化(內文第229頁)：

受惠於12月以及2月既假期，高鐵係12月及2月既客量都比較高，東鐵線既情況有上有落，而城際直通車穩定地比上年同期跌左三成左右。
至於內文第247頁，就有譚文豪議員問及每日乘客量，係乘客量最少既日子都從未有少過30,000人一日。


其次就係高鐵站點既售票情況，
係內文第104頁，提及到本地人同非本地人既比例，以及平日同周末既分別：

周末客量比平日多約37%
而係內文第165頁，就有每個月短途按車站以及長途既售票數字：

雖然短途，但自通車以黎，來往深圳北既車票賣得一直比廣州南為多，深圳北車票係2019年2月佔左近29%，連同福田，整個深圳市核心區(光明太遠唔算)佔整體車票大約48%，似乎反常地高鐵對短途客都有相當既吸引力，同以往高鐵主要吸引中程旅行唔同。係2019年2月，廣州南同長途客分別佔28%同20%。

歡迎討論

深圳北比福田多因為轉車吧？

一早已經講過，第一、短途塊餅大，市場佔有率低都可以有可觀的乘客量；第二、中港交通同一般唔同，中港之間只能在有限的邊境通道出入，中低速交通及高速交通都同樣做唔到直接點對點，高速交通在短途自然冇咁蝕底

正常 , 因為好多大陸2天團都有安排坐高鐵去福田，遲下冇左新鮮感可能旅客數字會下跌

深圳北附近多唔多發展？相比起發展蓬勃，又有好多地鐵嘅福田，深圳北多人會唔會純粹係有班人拆飛？高鐵客量似乎喺大灣區發展之前，都只會死守喺每日八萬嘅客量。另外東鐵專心食平客/新界客，似乎真係冇乜影響，反而直通車就有啲危。

如果假期高峰期旺角，有點客會善用深圳北車上補票

053h4 發表於 2019-4-12 09:49
唔係，深圳北對關外龍崗坪山光明來講更加方便。

以前比幾十蚊坐快車去羅湖，而家幾蚊坐E線到去深圳北重 ...

講開關外，由關外去香港，坐深圳北站直巴同高鐵時間差好多，但價錢差不多。如果貪平坐4號線轉東鐵，除非去東鐵沿線，否則都無著數。

去深圳北，除左拆飛客、轉車客，去深圳二線都好方便。

但觀乎大陸果邊，即使加到臨時車做復活節，都係無朝早7點幾去廣州嘅車，所以要早去廣州，都一樣要深圳轉。

廣州南平日仲比深圳北好客

ksmbh 發表於 2019-4-12 13:06
廣州南平日仲比深圳北好客

慢慢養到客好應該加返周未班次，果陣港鐵玩左一個月就減班，依家逢時過節就一票難求。