屯門南延線估算料增至160億 上蓋建2萬單位

巴士的膠 發表於 2019-6-11 10:12
港鐵有商業秘密，政府/九鐵無。

起西鐵果陣九鐵都收埋左唔少野唔出聲跟住一爆就...

如果你係講公務員直接參與, 我想問, 佢地有經驗咩

唔通搵起地鐵既熊谷組返黎起咩(馬時亨就係熊谷組...)

aaron 發表於 2019-6-11 11:48
似乎大家都搞錯一件事：「鐵路加物業發展模式」係融資方式，而非擁有方式
兩鐵合併後，相對「服務經營權模 ...

其實一開始板友引述田生反對服務經營權
支持改用「鐵路加物業模式」
正確嚟講
我都係搵返報導
//立法會鐵路事宜小組委員會主席田北辰表示，服務經營權模式下，港鐵作為項目管理人，若工程出現超支或延誤，並涉及向立法會追加撥款，工程一方將面對好大「死線」壓力，或因而出現趕工而寧願不上報問題。對於未來政府推展的新鐵路項目，他認為不應再採用「服務經營權」模式，直指「唔好再搞」，建議可以一筆過撥款予港鐵建造或批發展權予港鐵等模式。//

https://www.hk01.com/%E7%A4%BE%E6%9C%83%E6%96%B0%E8%81%9E/201544/%E6%B2%99%E4%B8%AD%E7%B7%9A-%E6%9C%8D%E5%8B%99%E7%B6%93%E7%87%9F%E6%AC%8A%E6%A8%A1%E5%BC%8F%E5%B1%A2%E5%A4%A7%E5%B9%85%E8%B6%85%E6%94%AF-%E5%B7%A5%E7%A8%8B%E9%9B%A3%E7%9B%A3%E7%AE%A1-%E7%94%B0%E5%8C%97%E8%BE%B0%E4%BF%83%E5%8F%AB%E5%81%9C

jpoon 發表於 2019-6-11 15:11
上市公司又點只證監會監察？佢起嘅嘢要有路政署/屋宇署監察，佢做嘅嘢有股東監察，而家係政府呢兩樣嘢做 ...

九鐵亦有路政署/屋宇署監察
九鐵年代西馬兩鐵有冇出現港鐵咁多安全事故？
九鐵、未上市嘅地鐵同路政署/屋宇署有密切合作先可以冇出現重大工作事故
但一合併咗港鐵
叫港鐵拎文件出嚟睇都困難重重
改圖則又唔通知政府部門
Claim 錢就claim 足
相反公務員驚揹鍋
有工程安全問題一定出聲
理得你係私人公司定政府全資擁有公司
依家問題係私人公司高層唔配合嘛
俾著係九鐵
政府一早可以換管理層

立法會亦可以如港鐵股東監測政府全資擁有公司
基本上同港鐵一樣
但最唔同係
港鐵股東最關注嘅係盈利同收入
立法會關注嘅遠比港鐵股東多

ryandroid 發表於 2019-6-11 17:50
九鐵亦有路政署/屋宇署監察
九鐵年代西馬兩鐵有冇出現港鐵咁多安全事故？
九鐵、未上市嘅地鐵同路政署/屋 ...

九鐵西門子單嘢唔知你又點睇呢?
股東會你又出席過幾多? 股東除咗股價股息仲會關注企業管治，仲有小股東甚至會關注票價、營運狀況，如果你去過領展周年大會甚至會聽到小股東反對大幅加租

ryandroid 發表於 2019-6-11 09:50
何文田站同金鐘站至少月台部分係同同綫車站其他車站係屬於同一間公司資產
......
所以就算日後沙中綫俾咗另一個營運商
新營運商只需要向政府交租以不用理會港鐵
租金及車票收入比例都可以按使用比例攤分

呢兩項有無證據支持？

另外，#77已說明「擁有權模式」係可能選項

jpoon 發表於 2019-6-12 16:24
九鐵西門子單嘢唔知你又點睇呢?
股東會你又出席過幾多? 股東除咗股價股息仲會關注企業管治，仲有小股東甚 ...

我都估到你講西門子
西門子只係財政安排上唔理想
但原意只係為及時通車
並不涉及工程安全及質素
再加上銀碼只係一億
係九鐵自己出

港鐵呢？
超時超支問政府claim
高鐵沙中綫超支過百億
出現嘅工程質素及安全問題兩隻手都數唔哂
九鐵講嚟講去都係西門子悶唔悶啲？

我冇去過股東會啊
我淨係知港鐵影子公司話股東反對港鐵設全年車費優惠去扺銷加幅囉
我就睇唔到呢幾年年股東大會有為沙中線同高鐵做過乜啦
領展小股東話唔好加咁多租就有報導嘅
港鐵股東大會有嘅話俾報導出嚟睇下？

hokachung 發表於 2019-6-12 17:16
呢兩項有無證據支持？

另外，#77已說明「擁有權模式」係可能選項

咁你話俾我聽
依家沙中綫何文田站同金鐘站月台嘅資產係屬於政府定港鐵呢？

擁有權模式係可能選項又點？
我只係話屯門南延綫用擁有權模式會有資產管理問題
你可以無視
就如當日好多人無視可加可減機制其實係只加不減機制
高鐵係全新項目都唔係用擁有權模式俾港鐵發展
屯馬綫/東西綫區區兩個站會搞「一綫兩制」？

不如調返轉問
你有咩證據話屯門南延綫一定用擁有權模式？