華御結 新店即將開幕

華御結的產品以御結為主，由2011年於葵涌開設首間店，至今分店數量已增至56間。迎來「收成期」，公司未來更有意向200間分店的目標進發，一星期開一間新分店。由於發展迅速，加上改了一個日本色彩濃厚的店名，不少人誤以華御結是日本品牌來港發展，又或者是香港連鎖飲食集團旗下的品牌，但其實它是由一個居港80後日本年輕人西田宗生創立，是香港土生土長的品牌。

西田宗生憶述，在有華御結之前，香港市面上是沒有類似產品的，最初來光顧的客人不少是第一次食，所以剛開店時鬧了不少笑話，甚至有人以為他們賣的是壽司，希望他們提供豉油。苦惱如何向客人推介這新產品之下，他們由「飯糰」的日文漢字為基礎略作改動，最後決定將產品叫「御結」。

對於全港開200分店的目標，西田充滿信心，他表示之前做過實驗，在同一地區（例如荃灣），有多過一間店舖，銷售額是不會被分散的。早年擴充步伐較慢，主要是因為御結生產到了瓶頸，所以去年搬了去新工場，料足以生產足夠御結予200間分店。日後會以一周一分店的速度，不斷擴張，甚至會考慮到大灣區發展。


@荃灣西鐡站 新店即將開幕

市面上是沒有類似產品 ?

西龍傳香飯糰係乜 ? 只係最後變哂自動售賣機 ...

andy92 發表於 2019-8-5 14:06
市面上是沒有類似產品 ?

西龍傳香飯糰係乜 ? 只係最後變哂自動售賣機 ...

牛奶公司旗下既7仔魚尙什至OK便利店都出飯團啦魚尚自己有蟲反而幫華御結打強心針
你點可以用西龍傳香飯糰黎同華御結比
你真係太睇少香港人對家鄉既情懷
SPAO都做唔著要敗走等GU入主荃灣

荃灣西鐵站即係邊度? 荃灣西站定荃灣站先?
P.S.下次可唔可以唔好寫咁多鱔稿，寫清楚邊度開舖好唔好

jpoon 發表於 2019-8-6 04:29
荃灣西鐵站即係邊度? 荃灣西站定荃灣站先?
P.S.下次可唔可以唔好寫咁多鱔稿，寫清楚邊度開舖好唔好
...

乜會有人唔明咩係荃灣西鐵站咩

dogdog002 發表於 2019-8-6 23:04
乜會有人唔明咩係荃灣西鐵站咩

荃灣西站幾時改咗名

jpoon 發表於 2019-8-7 17:22
荃灣西站幾時改咗名

一來 位於荃灣的西鐵站

二來 可以話係荃灣西西鐵站，疊字講少一個

三來荃灣西鐵路站

乜真係會有人聽到荃灣西鐵站而覺得係綠楊坊樓下果個

荃灣西鐵站 ... 03 年西鐵一開果陣已經好多人咁叫，連小巴路線牌都係咁寫


因為「荃灣西西鐵站」真係好繞口

andy92 發表於 2019-8-8 14:14
荃灣西鐵站 ... 03 年西鐵一開果陣已經好多人咁叫，連小巴路線牌都係咁寫

就咁叫荃灣西站唔得咩，係要加個鐵字咁拗口

jpoon 發表於 2019-8-9 17:50
就咁叫荃灣西站唔得咩，係要加個鐵字咁拗口

唔知點解身邊唔少人甚至街頭聽人講都較少就咁稱呼港鐵站為<站名>站，好多時都會加入鐵路種類，例如<站名>地鐵站、<站名>火車站、<站名>西鐵站等，甚至有時指述同區之港鐵站時只稱呼<鐵路種類>站，個人感覺呢個情況喺西鐵新界沿線車站特別明顯

可能西鐵通車時屬新事物，又有大幅報導和宣傳，令「西鐵」呢個名知名度高，市民自自然然就會稱呼其車站為「西鐵站」，加上荃灣本來已有地鐵站，市民便稱呼「荃灣－西鐵站」以便和「荃灣－地鐵站」區分；時至今日，荃灣區內仍然有唔少街坊以「地鐵站」和「西鐵站」分別稱呼區內兩個港鐵站，而不是「荃灣站」和「荃灣西站」