近年深長荔/油尖旺拆線大行其道，點解冇中上環/灣銅拆線？

近年深長荔/油尖旺拆線大行其道，著名例子有68X/268X、35A/35X等。在眾多例子中，拆線明顯提升巴士對油尖旺乘客的吸引力，有效開拓全新客源。

但在對岸的港島，卻不見有此類重組方案。海量西隧巴士線(962系、968、969系等)由上環一直「慢碌」至銅鑼灣。此段路於繁時車程可達半句鐘。因此，西隧巴士線在菲林明道以東客量往往不足一半。同樣，也有許多東隧巴士線(619系、681(北行)、690系等)由銅鑼灣甚至北角「碌至」中上環，不單費時失事，也致此等路線在灣仔以前客量不足一半。

為何巴士公司不仿效九龍半島的成功經驗，在港島北岸分拆路線，如九巴分拆「線皇」968，以開拓客源呢？

619有619p 969/962早上有海量支線直達銅鑼灣，中上環，灣仔，然後觀塘又有641,621,601p，何來慢？

WongKinYat_WKY 發表於 2019-12-1 13:25
619有619p 969/962早上有海量支線直達銅鑼灣，中上環，灣仔，然後觀塘又有641,621,601p，何來慢？ ...

甚至連將軍澳也有690p

WongKinYat_WKY 發表於 2019-12-1 13:25
619有619p 969/962早上有海量支線直達銅鑼灣，中上環，灣仔，然後觀塘又有641,621,601p，何來慢？ ...

962有支線直達銅鑼灣？？

960/961拆左去銅鑼灣,總站係邊好?
九巴又話延長961成年無影?

但619X東行成日到銅鑼灣已經頂閘飛站，所以都唔一定。

tzuyu.taiwan 發表於 2019-12-1 13:28
962有支線直達銅鑼灣？？

962E過海後首站係歌頓道,算唔算?

DC3938 發表於 2019-12-1 13:32
962E過海後首站係歌頓道,算唔算?

我諗宜家大部份香港人眼中嘅銅鑼灣都唔係嗰邊囉。

旺角分界拆線成功例子都唔多，完全唔係「大行其道」
只不過41A/44、(2)68X、35A(X)三組，後者仲未全日分拆
63X只不過廢物利用，亦未發圍，287X係抽87A資源開嘅新線，唔係分拆出黎
但彌敦道左轉亞皆老街流量已經見頂

點解灣仔銅鑼灣無得同中上環分家，係道路網問題
繞道未通車嗰時，行告士打道唔係快好多，告士打道亦有得停站做中上環，根本就無快速公路
繞道通車後，灣仔出入口喺灣北，如果要出番灣仔銅鑼灣就會同紅隧或灣仔總站車爭路，撞正塞車黑點
灣北下個出入口就已經係北角連接東廊
所以港島西隧線相信會係西環至天后以及北角至小西灣，以炮台山分界

如果調轉以港島東本位去睇，因為有東區走廊直達灣仔或天后，其實城巴上場已經拆咗線
分界位分別係(18X/88X)中環(7字頭特快)灣仔(X或P尾特快)北角(慢線/區內線)

早幾年已有討論, 結論大致上係東隧擠塞, 東隧線點拆都係慢.

even現在有中環灣仔繞道, 東行由繞道出東廊北角段好快遇龍尾, 車龍無法爬頭焗塞入東隧, 隨時比北角上橋, 甚至西灣河調頭入東隧仲慢.

早繁西行有東廊特快線落灣仔告士打道, 然後直去金鐘 中環, 如果行繞道直出灣仔北入中環, 同西隧線行繞道往東區比, 快嘅程度唔明顯, 而直出上環再回頭入中環, 走回頭路感覺唔多好.

全日拆線呢, 睇唔到夠客喎, 只適宜開辦半全日, 較有潛質路線係619X, 但也只係九龍快港島慢, 因為港島的確無路可快, 而且快左就要擔憂夠唔夠客.

講番轉頭, 所謂深長荔油尖旺拆線, 都係講緊新界路線, 九龍東 將軍澳一早已經有各類X線, 如13X 14X 213X 215X 219X 224X 98D 296D 11X 15X 297, 要拆嘅已經拆晒.

2X 3X 5P 5X 26X活用太子道天橋之作, 避開九龍城塞車位, 咁港島除左繞道, 又冇咩位置有天橋避到塞車呢, 好似冇, 下繁東行有機會快過維園道/興發街上東廊過東隧嘅路, 大概就係告士打道 維園道 永興街 英皇道 民康街, 而事實上都係慢.