建議在 市鎮公園北兒童遊樂場 興建 元朗市首座酒店

S3BL417 發表於 2019-12-26 13:07
元朗其實早在60年代已經開咗間叫做新港酒店，至今仍然營業。

嗰間時鐘酒店就算啦。

EX-TL 發表於 2019-12-26 03:23
旅客來港目的大多數睇香港繁華一面, 日本人會行山, 內地人係爆買兼且唔會睇郊野景點, 去郊外都係破壞居多.
...

除咗推廣本土旅遊，接待大陸團當然亦係酒店客路之一，呢樣唔洗講吧。

發覺你好多「分析」都係憑自己觀感角度出發。我幾時話過去大棠一定係睇紅葉？大棠南連大欖郊野公園，喺大棠出發，可以縱遊黃泥墩、大欖涌二塘。觀鳥好專門？濕地公園、米埔每年搞好多入門級生態導賞團。至於本土歷史，你講緊歷史建築？元朗區最出名嘅係屏山文物徑，但其實旅客風評都係一般，好多人表示入面唔少建築都係私人擁有唔入得，而且容易喺村入面迷失方向。試諗下最出名嘅屏山文物徑都係咁，散落元朗各鄉裏面嘅「歷史建築」幾唔方便遊客參觀。加上唔少建築都日久失修，我真心覺得吸引力麻麻。反而元朗區嘅美食，例如盤菜、月餅、老婆餅、涼粉等對可以俾遊客一路遊逛元朗市一路品嚐，體驗更好。

仲有，你有個諗法好奇怪。成日話元朗家下冇咩人去，所以就難搞旅遊業。問題係你要有旅遊配套先吸引到遊客嚟㗎嘛。我唔明點解永遠只睇當下需求去決定供應，而唔係由供應引導返需求，做大塊餅。

tzuyu.taiwan 發表於 2019-12-26 14:15
除咗推廣本土旅遊，接待大陸團當然亦係酒店客路之一，呢樣唔洗講吧。

發覺你好多「分析」都係憑自己觀感 ...

憑自己觀感角度, 你又何嘗唔係, 你幾時聽過政府或旅發局等介紹過元朗市發展旅遊區, 元朗歷史源遠流長, 並唔係睇下展板玩下裝置行下屏山文物徑就明白, 一定要搞團去推廣, 慢慢介紹先會令遊客提起興趣, 日後再來港參加更深度的團.

本土歷史係講緊元朗作為香港原居民集散地, 涉及文化風俗, 唔止係睇建築咁簡單, 例如你講緊嘅盤菜係元朗美食之一, 背後故事係點嚟, 每條鄉村建築風格, 亭臺樓閣 圍牆 護城河作用, 點解會咁起, 屋頂每塊瓦片鋪砌, 簷頂圖畫具有咩特別意思, 每個族群佢哋遷居至香港背後故事, 落戶元朗區原因, 定居後點樣影響到日後鄉村壯大或沒落, 昔日務農為生, 佢哋貿易往來係點呢, 節慶活動對每個村落嘅意義, 日常及節慶用具通通都有一堆故仔可以講, 繼而認識埋元朗市點樣由市集慢慢變成今日繁華一面, 老婆餅點樣成為昔日元朗手信, 新市鎮發展點樣同鄉村共存, 兩者有冇矛盾同衝突, 至本世紀市鎮發展對鄉村帶來的衝擊, 再去品嚐你所講嘅涼粉等美食, 一邊行一邊睇一邊接觸, 串連埋一個幾日團去搞, 咁先係一個完整嘅元朗團, 唔係就咁畀間客房人, 之後行大馬路食下睇下買下, 就當係旅遊, 係咁嘅點解唔去旺角.

大棠唔睇紅葉去郊野公園睇水塘睇山景, 港島大潭 薄扶林 西貢東吸引力還要大, 甚至粉嶺鶴藪環塘一圈都好出名, 黃泥墩水塘根本連好多港人聽都未聽過, 你喺外國嘅旅遊指南有冇大力介紹元朗畀人識, 唔係你一個酒店經營者話做到就做到, 唔睇政策同未來發展藍圖, 只係講自己認為可行嘅方案去游說人起間酒店出嚟就會有客, 真係唔知邊個憑自己觀感角度出發, 邊個奇怪!

tzuyu.taiwan 發表於 2019-12-26 13:55
嗰間時鐘酒店就算啦。

話哂老字號，落成果陣肯定唔係用黎做時鐘。

S3BL417 發表於 2019-12-26 13:07
元朗其實早在60年代已經開咗間叫做新港酒店，至今仍然營業。

元朗新港酒店其實位於坳頭,與元朗站有一段距離.參考Google網民評價,指新港酒店內設施多年不替換,明顯嚴重老化.

你話公園使用量低...你都係憑空想像啫，又無實質文証確認，你都係返去迷你嘅偶像啦，唔係喺度FF。

反建議起hostel吸引背囊友，全世界嘅hostel都起喺交通命脈附近，香港得YMCA尖沙咀同美荷樓喺市區

EX-TL 發表於 2019-12-26 15:04
憑自己觀感角度, 你又何嘗唔係, 你幾時聽過政府或旅發局等介紹過元朗市發展旅遊區, 元朗歷史源遠流長, 並 ...

欣賞你對元朗歷史嘅豐富知識

Stanley 發表於 2019-12-26 22:20
你話公園使用量低...你都係憑空想像啫，又無實質文証確認，你都係返去迷你嘅偶像啦，唔係喺度FF。
...

我唔係政府部門，好難提供實質數據。

而更重要係，無論遊樂場宜家使用率高定低，喺元朗公園北面重置佢都算係合理嘅補償。

P.S. 你會咁同kay兄講嗎？