留意到西九龍填海區好多同原有陸地交接位並唔係同一水平,以下由北向南列舉一啲明顯嘅例子
- 深旺道同荔枝角道並行嘅一小段,深旺道係高咗一截,兩邊行人路需以斜路連接
- IVE黃克競分校海傍校舍嘅地面比深旺道低咗一大截
- 潤發倉庫嘅地面比深旺道低咗一大截,連帶該段深旺道南行綫嘅行人路都造低過車路
- 聖瑪加利男女英文中小學、英華書院校舍嘅地面都比深旺道低咗一大截,由深旺道進入校舍需要落樓梯
- 富昌邨,由東京街西嗰邊睇會留意到地面係低過深旺道,同時由東京街西嗰邊入去係要落樓梯
- 舊深水埗碼頭巴士總站嘅剩餘部分比深旺道低咗一截
- 聚魚道休憩花園,由深旺道嗰邊入去係要落樓梯或者斜路
- 樂羣街公園,由深旺道嗰邊入去係要落斜路
- 深旺道同旺堤街並行嘅一小段,深旺道高咗一截,中匯街巴士站要落樓梯先去到中匯街
- 櫻桃街近櫻桃街公園,西行綫明顯比東行綫高咗一截,導致後加嘅行人過路處中間要做斜路
- 櫻桃街公園近海庭道,比海庭道低咗一截,由海庭道嗰邊入去係要落樓梯或者斜路
- 文昌街公園,比欣翔道低咗一大截,由欣翔道嗰邊入去係要落樓梯
- 海泓道(延長段)同文昌街並行嘅一段,海泓道係高咗一截,兩邊行人路需以斜路連接
照計填海地嘅道路係由無變有,點解有意無意要設計成咁呢?
以往或者之後嘅填海工程都唔覺有咁嘅設計,係我孤陋寡閒定係西九獨有呢?
宜家睇返就覺得相當唔掂,人為製造咗好多不必要嘅樓梯同坡道去連接新舊陸地,對行人構成不便
|
|
|
|
|
填海造出黎嘅地,正路係向海岸線傾斜以利排走雨水。如果由原有嘅海岸再向外斜,咁新嘅地咪更近海面? |
|
|
|
|
我未聽過呢個講法
宜家呢個突兀嘅跌級設計,反而令到原有陸地變成低地,變相承受更多降水
而舊區(例如大角嘴)嘅排水系統一般都無新區咁好,咁咪會增加舊區水浸風險?
|
|
|
|
|
水平線水位上升 新海岸要升高
例︰上環低窪 vs 中環新碼頭一帶
低地水浸問題 由大型排水設施改善
ps 純估計 非專家
|
|
|
|
|
hokachung 發表於 2020-1-18 16:21
我未聽過呢個講法
宜家呢個突兀嘅跌級設計,反而令到原有陸地變成低地,變相承受更多降水
而舊區(例如大 ...
你嘅諗法有幾個問題
---“反而令到原有陸地變成低地,變相承受更多降水”---
呢個情況唔會出現。
先假設沒有地下排水渠嘅情況。
落雨後,水向低流。
落响舊填海地嘅雨水流到舊有海岸線,
無錯係積住佐,流唔到落海。
但同時,落响新填海地嘅雨水亦只會向海流,
而唔會返轉頭流入舊填海地。
你講呢個情況係唔會出現。
實際上,因為有地底排水渠,雨水會流入地底排水渠。
而地底排水渠亦係向海流,
所以唔會出現承受較多雨水呢個現象。
---“舊區排水系統無咁好”---
呢個說法,我唔知你响邊度聽番黎。
或許係舊區較多水浸?
撇除渠道淤塞呢類同好壞無關嘅問題,
舊區排水系統下游入海嘅主渠,
因填海工程需駁長。
因雨水需流更遠才能入海,
排水效能點都受影響。 |
|
|
|
|
留意到大角咀浪澄灣 一號銀海那邊, 由海帆道到海岸是向下斜, 意味高點就是近西九龍公路的位置.
會否和興建多層公路 鐵路需承受較大重量, 善用空間, 因此選擇直接在陸地上建造, 避免大量使用柱躉, 有助降低成本有關?
有機會到海盈邨及興華街西看看其水平又是否比公路低? |
|
|
|
|
|
Advertisement
Advertisement
Advertisement
Advertisement
Advertisement
|