hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (R) Railway 鐵路討論區 香港鐵路 (R1) 荔枝角站D出口問題
開啟左側

荔枝角站D出口問題

[複製鏈接]
hokachung 發表於 2020-1-29 07:41 | 顯示全部樓層 |閱讀模式

                                    Advertisement



本帖最後由 hokachung 於 2020-1-29 07:41 編輯

呢個post唔知放喺A10定R1好

唔經唔覺荔枝角站D出口都開咗成10年咁耐
當年都覺得怪怪地,明明西九四小龍係同期發展,商場都互有連接(唔計碧海藍天),點解D3出口就做到內嵌喺商場入面,D4就唔得呢?
翻查地政資料,原來係地契要求唔同
昇悅居要求隧道連接點 VS 宇晴軒要求隧道連接點
結果宇晴軒個出口係用設定地役權方式去徵用

順便睇埋泓景臺嘅地契要求,就有新發現
原來泓景臺除咗兩條行人天橋之外,仲有要求隧道連接點
發展項目內的連接點和行人通道,將會連接一條擬建的隧道及毗鄰的荔枝角道行人路。

而且用詞同昇悅居嘅極為相似,只係多咗「擬建的」三個字,因為真係仲未起
隧道連接點和行人道須按政府要求興建。由於該擬建隧道未有發展計劃,因此未須興建連接點和行人通道。發展商已提供銀行擔保書和承諾書,將於接獲要求時完成有關工程。

由於泓景臺本身已經要起行人天橋去荔枝角道,無理由仲要起條一樣嘅行人隧道
基於合理懷疑,呢個好有可能係唔知點解無起到嘅荔枝角站出口
而D4出口就係為咗替代呢個出口而後加,所以就出現咗「明明係新發展項目,而地契無要求過起出口,但最終起咗個外置出口出黎」嘅情況




ryandroid 發表於 2020-1-29 11:54 | 顯示全部樓層
昇悅居商場個出入口係起樓時
已經由三個地盤嘅發展商夾埋傾掂數
由昇悅居商場做主入口
經昇悅居商場再駁通宇晴軒商場及泓景臺商場
隧道嘅建築費就三個地盤分擔
唔直接駁哂三個商場應該係為咗慳錢
所以其實可以係冇D4出入口
不過順便起埋D4出入口去地面可能當初預商場關門後有另一個出入口通往地鐵

不過後來長實嘅泓景臺起完天橋就走數
所以昇悅居商場就封咗駁去泓景臺嘅商場通道

而昇悅居個D3出入口個鋪位原本係商場業權
要負責管理及維修
後來商場將鋪位業權送咗俾屋苑硬食維修費
可見發展商係慳得就慳
地鐵隧道只係賣樓噱頭

https://www.nanoapple.com/hk-finance-a-finance-daily-article-20060706-6100335
//泓景臺及昇悅居,原先是長沙灣船廠用地。長實、信德及新地當年經過多年收購,或與船廠傾妥合作發展,當初長實、信德及新地三方一邊起樓,一邊與地鐵洽商興建直駁荔枝角地鐵站的行人隧道。因考慮到兩商場會相通,最後大家都同意在昇悅居商場內,和在宇晴軒旁地面設出口,泓景臺商場則不設出口。
相關新聞:商戶指受騙擬提早解約


售樓書標榜商場暢通無阻
長實由01年底宣傳開售泓景臺第一期,至03年底沽清整個屋苑單位,行人隧道一直是促銷賣點之一,每期樓書都必定提及。其中在開售泓景臺第一期時隧道未有定案,一期樓書上曾顯示,隧道有可能直通泓景臺。然當第二期及第三期開售時,樓書顯示已有不同,三期樓書內的隧道模擬圖已暗示了,必須通過其他商場才可到達泓景臺。
雖則兩屋苑的地契內,無規定兩個商場一定要打通,但根據他們向城規會提交的總綱發展藍圖,商場一直都是暢通無阻;再加上毗鄰又是長實跟新地合作發展的宇晴軒商場,故上述屋苑發展商當年賣樓花時,經常誇耀該小社區內有超過28萬方呎通行無阻的購物天地。
然而,當長實沽清泓景臺單位,又根據泓景臺地契規定,興建了其中一條由泓景臺商場,橫跨荔枝角道至對面街的行人天橋,長實便諗「縮數」,不肯「夾錢」與地鐵、信德及新地等合作建隧道,據聞信德及新地對此大感不滿,信德命令管理昇悅居商場的旗下信德物業管理,封堵通道,唔益對方。
行人隧道方案在去年中刊憲時,政府接獲4個反對意見,據知其中一個便來自泓景臺商場管理公司:長實旗下的港基物業管理。港基反建議,要求在泓景臺行人天橋下建出口。但所有反對意見都不被接納,方案於今年6月中更獲行政長官會同行政會議批准興建。//

https://m.facebook.com/story.php?story_fbid=143849235662984&id=169326259753160

//2010年5月17日的第七次港鐵及保安小組會議,管理處表示收到港鐵的合作條款(即最近提及的營運及管理協議)作審議,律師費用由發展商負責。其後管理
處曾表示這將會是一份三方的協議
,包括港鐵(地界外的D3出口擁有人)、信德物管(作為屋苑公共地方,即隧道連通路的信託人)及商場業主(即原G01中原舖的業權人)。


。。。


當晚會議期間大約開始大半小時,期間只由管理處講解有關與港鐵的營運及管理協議,唯其後管理處表示港鐵要求有關協議只能與一方業主簽訂,因為擔心業權的轉易影響出口的運作。因此,管理處表示商場業主不同意出入口部份(即G01舖的空間)將由公眾使用而要他們付費維持,於是在不情願下將G01舖以送贈方式給屋苑作公共地方。當時住宅委員仍提出了不少的查詢,包括營運 開支及責任等,而將送贈的G01舖圖則也要在要求下才由管理處職員離開會議室去取來給委員查看。管理處並向出席委員說,若不獲批准,便不能與港鐵簽訂協
議,D3的開放將會延遲。最終,送贈獲得通過批准,期間列席的業戶有要求事情應向所有受影響的業戶公佈才作決定。


11月5日,在會所設施小組會議後,有約20位業主與管理處討論有關的事件的詳情,包括聽取管理處解釋在獲贈G01舖後,基本的每月開支估計約$8000,由公共地方賬目支付,即根據公契的分攤方式,住宅業主須負擔82.91%的開支,這並未計算這個空間所帶來的責任,包括保險費開支,保固期後的設備維修保養開支。//

 樓主| hokachung 發表於 2020-1-30 04:19 | 顯示全部樓層
ryandroid 發表於 2020-1-29 11:54
昇悅居商場個出入口係起樓時
已經由三個地盤嘅發展商夾埋傾掂數
由昇悅居商場做主入口

如果三個地盤嘅發展商一早傾掂數,點解泓景臺地契嘅最終版本仲有「隧道連接點」同「行人通道」嘅要求呢?

昇悅居嘅「隧道連接點」同「行人通道」係要求「全日向公眾開放」,所以「預商場關門後有另一個出入口通往地鐵」嘅講法並不成立
而實際上,由港鐵管理嘅部份亦唔係24小時開放
睇返圖則,D4出口嘅東面係「擬建在宇晴軒內的地鐵緊急疏散通道」,橫切面無顯示有任何地面/地底嘅結構,相信係畀緊急車輛駛入咁解
但係睇返街景,又唔見現場有消防通道嘅指示牌或者劃線
所以D4係咪有緊急出口作用都唔清楚

P.S. 有啲懷疑蘋果隻故係加插咗啲穿鑿附會入去,同事實有一定出入
更奇怪嘅係,深水埗區議會似乎無參與過荔枝角站D出口嘅規劃
aaron 發表於 2020-1-30 11:04 | 顯示全部樓層

                                    Advertisement



hokachung 發表於 2020-1-30 04:19
如果三個地盤嘅發展商一早傾掂數,點解泓景臺地契嘅最終版本仲有「隧道連接點」同「行人通道」嘅要求呢? ...

過往大眾對兩級議會重視程度無依家高,尤其是區議會。翻查過往深水埗區議會會議記錄,2004年3月25日交通委員會曾討論過長荔街行人隧道及新出入口。至於相關區議會文件,當時無上載到網頁,似乎就未必搵得到了~


火車遲遲未到站
ryandroid 發表於 2020-1-30 11:26 來自手機 | 顯示全部樓層
hokachung 發表於 2020-1-30 04:19
如果三個地盤嘅發展商一早傾掂數,點解泓景臺地契嘅最終版本仲有「隧道連接點」同「行人通道」嘅要求呢? ...

咁蘋果都寫咗泓景臺嘅發展商長實都有喺一期售樓書標咗有隧道直接連接地鐵站
隧道工程刊憲時泓景臺反建議行人天橋下面起出口但遭反對
泓景臺同昇悅居中間又明明可以打通又封咗嘅話
咁長實走數嘅可能性都好大嘅

或者長實原本個plan 係同地契一樣
但可能技術問題、業權問題或者政府/港鐵更加計劃
冇得駁埋泓景臺商場
之後長實就走數掛

地契有寫起隧道但政府刊憲工程又可以唔跟地契
政府又唔接受天橋下面起出口
問題係長實自己走數唔跟地契定係政府默許長實走數囉

D4實情係點就唔知
不過昇悅居同宇晴軒都有新地份
有協議係唔奇嘅
而且地鐵出口多數上路面
好少起條長隧道但淨係直接駁入商場(時代廣場應該係少數)
sancouve 發表於 2020-1-30 12:09 來自手機 | 顯示全部樓層
ryandroid 發表於 2020-1-30 11:26
咁蘋果都寫咗泓景臺嘅發展商長實都有喺一期售樓書標咗有隧道直接連接地鐵站
隧道工程刊憲時泓景臺反建議 ...

想問一問「泓景臺同昇悅居之間封咗嘅通道」喺邊度?咁多年一直都有由昇悅居行過去泓景臺,甚至乎尋日特登去都仲見到條路
hkaiw 發表於 2020-1-30 13:51 | 顯示全部樓層

                                    Advertisement



只知道昇悅居商場內分別往宇晴軒及泓景臺的商場之出入口一直都不是24小時開放,兩者都是於早上10時正才開放。
喵...
ryandroid 發表於 2020-1-30 16:14 來自手機 | 顯示全部樓層
sancouve 發表於 2020-1-30 12:09
想問一問「泓景臺同昇悅居之間封咗嘅通道」喺邊度?咁多年一直都有由昇悅居行過去泓景臺,甚至乎尋日特登 ...

應該係講緊兩個屋苑入伙到起好隧道之前
兩個商場都各自未打通條通道
後來泓景臺拆咗牆先
但昇悅居有一段時間都未拆牆
可能起好隧道就拆牆食埋去泓景臺嘅客流
實際情況係點
要問返當年早期居民先有機會清楚啲

//信德及新地回覆本報查詢時指,02年中曾主動邀請泓景臺及宇晴軒發展商,合作發展完善安全的行人通道,貫通3物業至荔枝角地鐵站,惟建議未獲所有發展商同意,現只貫通昇悅居及宇晴軒。
長實回覆則指,泓景臺與昇悅居同屬一綜合發展區,發展初期彼此就商場內外整體設計包括貫通商場位置取得共識。長實已拆除兩商場之間的分隔牆,實踐公司承諾,現只待昇悅居發展商拆去其商場分隔牆後,兩商場便可貫通。
地鐵公司方面指,該隧道是由地鐵及附近物業發展商合作興建,現已向政府申請臨時交通改道措施,預計今年底會招標及展開工程,09年中落成啓用。但未透露建造費及各發展商的分擔比例。//
 樓主| hokachung 發表於 2020-1-31 03:39 | 顯示全部樓層
ryandroid 發表於 2020-1-30 11:26
咁蘋果都寫咗泓景臺嘅發展商長實都有喺一期售樓書標咗有隧道直接連接地鐵站
隧道工程刊憲時泓景臺反建議 ...

長隧道淨駁入商場/大廈地庫嘅例子仲有:
  • 中環站L出口
  • 金鐘站F出口
  • 灣仔站D出口
  • 尖沙嘴站D3出口,D1、D2出口同時為隧道嘅緊急出口
反而銅鑼灣站A出口本來係諗住直出街,後來先改成只通往時代廣場地庫,原有出街樓梯當作緊急出口使用
 樓主| hokachung 發表於 2020-1-31 04:13 | 顯示全部樓層

                                    Advertisement



本帖最後由 hokachung 於 2020-1-31 04:19 編輯
hkaiw 發表於 2020-1-30 13:51
只知道昇悅居商場內分別往宇晴軒及泓景臺的商場之出入口一直都不是24小時開放,兩者都是於早上10時正才開放 ...

呢個安排夠曬復仇,朝早最多人去搭港鐵嘅時間就唔開條路比你行
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-28 21:30

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表