8/2星期六中午12點半左右本想搭101牛頭角站去西營盤, 喺快餐店開定ETA睇, 睇見連續兩班九巴開17分鐘一班, 食完嘢啱啱趕唔切, 費事等下一班, 走去睇619 ETA.
一睇619, 真係當黑, 又係九巴, 要等15分鐘先有車, 等得嚟蚊都瞓, 最後都係搭鐵囉!
以為上到月台安心搭鐵, 等車期間竟見一ATENU@619轉緊落雅麗道, 我前後都用左5分鐘左右上月台, 即係ETA誤導啦, 真係抵你九巴冇客㗎喎!
回程我喺金鐘東搭601返觀塘, 16:02送新巴峻源全廣12.8米車尾, 架車駛走左唔夠一分鐘, 計埋我有六個客等下一班車, 下一班16:12係新巴能源全廣12.8米, 上車客數二十以上, 過海前坐滿+企十幾個.
如果畀九巴做, 唔派單層唔減班已經偷笑.
臨到和樂邨之前, 架車停喺同仁街口, 清楚見到裕民坊總站3D排隊人龍排到出晒車路橫跨17車輛入口去到同仁街行人路, 但站上三線都有車泊站.
3D咁高客量, 最後諗下都知, 架雙層車一定逼滿人, 增加互相感染機會. |