[問題] 市區與新界的單車徑應否/有無可能連接起來？

因應東九龍及新界的單車徑發展，未來啟德及觀塘一帶將試驗單車、行人共融通道，
而連接新界來往荃灣、深井、屯門、天水圍、元朗、新田、上水、粉嶺、大埔、
馬鞍山、西貢等單車徑的工程亦一直在研究之中，而將軍澳藍田跨灣大橋亦將設海上單車徑，
惜來往市區及新界的各段單車徑仍然未有計劃連接，故希望研討一下以下議題：

1. 啟德、觀塘海濱的單車徑能否連接起來，並在未來研伸至藍田/油塘等地，並考慮任何延長至將軍澳南的可能性？
我個人估計前者可行性應較高，而後者因為隧道的indoor air quality問題、山路太斜而未必適合；
但若果經五桂山以南來往將軍澳海濱，甚至發展五桂山等，會唔會有任何可能性呢？

2. 有無可能將新界區各段單車徑連接起來呢？例如馬鞍山至西貢、西貢至將軍澳等？
之前有印象見過有文件講話太斜所以起唔到(?)，但仲會唔會有其他技術做到呢？
（例如之前見出面某d講呢類比較斜嘅單車徑嘅post好似話外國有d機幫單車上斜(?)，但我唔清楚詳情係點）

3. 現時將軍澳區嘅單車徑最南端係康城站對開迴旋處，但未來康城以南、佛堂澳(aka 137區)都會繼續發展，
會唔會有任何可能將單車徑延伸至將軍澳工業邨、佛堂澳等地調頭呢？

歡迎討論！！

DEL

1.
a.啟德、觀塘海濱的單車徑能否連接起來? 會, 規劃中
b. 研伸至藍田/油塘等地，並考慮任何延長至將軍澳南的可能性? 個人認為沿五桂山海旁起就得
2. 有無可能將新界區各段單車徑連接起來呢？連接工程進行中, 但屯門至灣景段仲規劃緊, 至於馬鞍山至西貢亦係2009年計劃之內, 但因為要斬過千樹木班環保L唔制最終放棄左, 西貢至將軍澳就更加冇可能, 起樓又唔見佢地出聲
3. 會唔會有任何可能將單車徑延伸至將軍澳工業邨、佛堂澳等地調頭呢？當然有啦, 除非政府on9

將軍澳特快 發表於 2020-5-6 00:55
1.
a.啟德、觀塘海濱的單車徑能否連接起來? 會, 規劃中
b. 研伸至藍田/油塘等地，並考慮任何延長至將軍澳 ...

1. 感謝意見，我主要考慮緊啟德/觀塘嘅單車徑通常沿住海濱起，暫時我仲諗緊若果落到藍田會由邊個位駁落油塘。
而油塘至調景嶺方面，係應該喺華永以南沿海起，定係五桂山上高起呢？因為我諗緊高度/斜度問題。

2. 我都記得馬鞍山<>西貢果part好似好耐之前嘅事，但唔記得咗邊年(多謝告知係2009)。
但我諗緊最主要係斜度問題，因為西貢公路沿線應該海拔較高，而落到坑口應該較低？比較想知工程上起唔起到。

3. 其實之前見康城站條鐵係「／」字型咁起，已經非常失望，因為第時再延伸去工業邨/佛堂澳係非常困難。
反而如果當初條鐵係調景嶺站直駁康城、工業邨、佛堂澳，效果應該會好好多，當然寶琳站都唔應該單台啦。
至於單車徑方面，我諗緊工業邨係咪應該沿海起，然後去到佛堂澳u-turn呢

仲有港島東區走廊下面果條單車徑, 都係傾好左好耐但未起.

letter_li 發表於 2020-5-12 10:32
仲有港島東區走廊下面果條單車徑, 都係傾好左好耐但未起.

講起又好似有印象有樣咁嘅嘢，但果條規劃中嘅單車徑好似只係喺港島北岸（駁唔到去任何地方）。

會唔會有咩方法可以延長少少去吸引多D人呢（好似太局限喺果個位，東區又去唔到，中西區又唔得）？

環保大道有單車徑咖，條單車徑由領都開始，一路去到工業村駿宏街，睇下環澳路D工程搞掂之後點樣起條單車徑駁埋海邊

ViviTse 發表於 2020-5-12 20:19
講起又好似有印象有樣咁嘅嘢，但果條規劃中嘅單車徑好似只係喺港島北岸（駁唔到去任何地方）。

會唔會有 ...

駁去北角碼頭，用渡輪駁埋啟德-觀塘碼頭的單車徑，相信會有吸引力
未來仲可以經鰂魚涌公園駁去西灣河碼頭，駁埋珊瑚海渡輪

jpoon 發表於 2020-5-13 01:08
環保大道有單車徑咖，條單車徑由領都開始，一路去到工業村駿宏街，睇下環澳路D工程搞掂之後點樣起條單車徑 ...

但有無可能可以同康城果段連接呢？果段印象中係唔連接將南嘅單車徑

2076 發表於 2020-5-13 11:30
駁去北角碼頭，用渡輪駁埋啟德-觀塘碼頭的單車徑，相信會有吸引力
未來仲可以經鰂魚涌公園駁去西灣河碼頭 ...

同意，駁去東區可以考慮吓，尤其是quarrybay park果邊休憩嘅用地。但啟德～觀塘段嘅單車徑應該比較難用郵輪駁港島，我意思係觀塘駁去油塘/將軍澳可能易過過海。