珠江客運「高明」號 @ 紅磡南碼頭

kei_hk 發表於 2020-5-29 09:35
我記得當年相關的報導/訪問﹐這這條航線剛剛做到有起色﹐多人使用。
就因為工程問題要停航﹐都算係相當可 ...

絕對係！我搭開6點去尖東，有20-30人左右。我當時睇過佢張乘客記錄表，你當以前北觀咁諗，緊時好啲，非繁時一定小貓幾隻，不過北觀依家非繁都唔係個位數了。

講真當日唔係被逼停航，應該養到客，今日仲可能喺度。尖東個位行一陣就到火車站，反而中環碼頭遠離市中心，但行得出去都唔介意啦。

愉景灣中環尖東線初時係用 100 座飛翔船，就係後來尖東碼頭搬近咗火車站加上做好宣傳，做起咗東鐵紅磡過海客路，先至要用二百幾座嘅單體噴射船（全盛時期好似有雙體船加班tim）。

而愉景灣放棄呢條線嘅主因應該唔係尖沙咀鐵路工程，而係睇淡中環搬碼頭之後嘅客量。

愉景灣營運尖東線期間，中環方面一直係泊愛丁堡廣場（皇后碼頭傍邊），食到中環同埋金鐘返工客，到海佑接手之後不久先至因為皇后碼頭拆卸而搬去八號碼頭。

搬去八號碼頭之後，客量果然仆直，同埋八號碼頭租貴，咪執笠收場囉⋯

今日所見停咗喺八號碼頭，相信已經送咗畀富裕小輪

以前聽過大船泊碼頭,碼頭要有人發SIGNAL,唔知係咪要咁做,去試呢D程序?

但富裕輪又唔係大船

lonhro2001 發表於 2020-6-5 16:52
今日所見停咗喺八號碼頭，相信已經送咗畀富裕小輪

這隻船真係 "注資" 入富裕﹐又適合行什麼航線?


PS. 想問問﹐這款船身高度係幾高?

kei_hk 發表於 2020-6-8 12:02
這隻船真係 "注資" 入富裕﹐又適合行什麼航線?

如果行屯門至大澳就未必會，因為有可能唔到橋底

lonhro2001 發表於 2020-6-8 14:37
如果行屯門至大澳就未必會，因為有可能唔到橋底

唔係用於屯門大澳線﹐仲有那條航線合適?
如果無航線合適﹐送隻船給富裕﹐又有什麼用途?



我唔記得邊處睇過﹐東涌碼頭附近的一組橋好似係限高8米。

統粹睇上面幾張相去推測﹐假設1層客倉係2米高﹐以此高度去對比﹐船桅都有成2米﹐下層地台到水平線又約2米﹐加埋應該約8米。

不過﹐隻船的船桅係可以放低的﹐有機會唔過8米。

所以﹐我好想知隻船的實際高度。


以現時富裕的航線﹐最用得著就係屯門<>大澳航線 (如果無航道限高問題)﹐但係燃油成本高﹐未必會有盈利。
港內線又未必用得著咁大隻船﹐加埋運作成本高﹐唔似用於港內線。(短暫應急用都OK﹐長期就....)