[問題]將軍澳清水灣半島以北的土地未來會否有發展?

從地圖可見，清水灣半島以北，環保大道以西，寶邑路/運動場以南，灣畔徑以東，有將軍澳石屎森林中罕有的大片綠化地帶，請問該處在短期內會否有任何發展?


因為之前聽聞過調景嶺有意起爬蟲類動物館、宿舍，將軍澳有意起暖水池&街市，
坑口及百勝角有意起插針樓，茅湖仔有意起宿舍，康城及137區有意起新樓，但印象中好少見講呢處。

呢個位置雖然陸路交通對區外人不便，但地理位置上仍算運動場對面，尚算方便。
唔知適唔適改建為新商場、體育館、熟食街市、圖書館、暖水池、單車租借處、
低密度karaoke/partyroom等娛樂場所、類似海皮嘅半露天式餐廳或類似單車館對出嘅大片草地等呢?

呢個位現時劃作綠化帶，下面有地鐵隧道。
（參考：法定規劃綜合網站2 https://www2.ozp.tpb.gov.hk/gos/）

綠化帶改劃會有好大阻力，而且該處係一座山崗，要有任何發展都要剷平座山，工程浩大。

你的幾個建議，頭五項區內已經有，好難再額外提供，至於其他：
－單車租借處：睇下有冇人做，用短期租約已經得，就算係都會揀平地
－低密度娛樂場所：遠離地鐵站，又要改劃地皮，商人唔會想投資
－半露天餐廳：都係商業設施，同上
－草地：區內已有其他公園，剷走一山樹換來一片草得不償失，除非決定平整作商業發展，撥一部分做open space

其實舊堆填區已經有一大片open space，有無必要剷埋將軍澳唯一一個山。

起間Round 1？

巴士的膠 發表於 2020-7-11 20:03
其實舊堆填區已經有一大片open space，有無必要剷埋將軍澳唯一一個山。

堆填區沉降會好勁,上面好似都唔建議起樓...

巴士的膠 發表於 2020-7-11 20:03
其實舊堆填區已經有一大片open space，有無必要剷埋將軍澳唯一一個山。

堆填區好似起唔到樓（樓上提嘅沉降問題），而可發展嘅土地淨返137區。
如果再要發展，一係就要用樓主講嘅地(?)，一係調景嶺以西剷山，一係將南再填海，
一係寶林坑口以北剷山，一係坑口以東、百勝角以北剷山，或者靈實以西再剷？

qunow 發表於 2020-7-14 19:35
起間Round 1？

好提議wo，香港好似唔係好多間，印象中天水圍好似有間(?)

清水灣半島以北的土地為百勝角範圍, 下方有將軍澳綫支綫隧道, 附近又有數座村落和消防及救護學院, 不見得會有任何發展。

tkf_2005 發表於 2020-7-15 01:47
堆填區沉降會好勁,上面好似都唔建議起樓...

唔止起「樓」，要等最少30年先可以起任何建築物

ViviTse 發表於 2020-7-20 16:53
堆填區好似起唔到樓（樓上提嘅沉降問題），而可發展嘅土地淨返137區。
如果再要發展，一係就要用樓主講嘅 ...

香港堆填區唔係焚化就有咧個問題，亦因本地環境絕少提 landfill mining 。但諷刺地，堆填區保留到咧啲空曠、綠化空間