要求九巴將 96R, 289R, 275R 等假日路線長遠延伸周六服務

生態旅遊為香港近年一個重要的旅遊產業發展項目，日前政府表示會大力支持推動綠色旅遊。
由於五天工作天已成中港雙邊之主流，周六本地及大陸遊客數目不少，為推動他們多去郊野公園，我認為 96R, 289R, 275R 等假日路線有需要將服務範疇擴展到周六。
越多人前往郊野公園，就越能為當地鄉郊帶來繁榮發展，舉例說，96R 及 289R 服務範圍涵蓋香港地質公園西貢東火山岩園區或到黃石碼頭轉船至鄰近島嶼，而 275R 總站所在地烏蛟騰除鄰近新界東北沉積岩園區範圍，附近亦有不少鄉村如慶春約七村進行復村及復耕，相關人士一律表示歡迎更多遊客。

長遠而言，為保持香港旅遊地位之競爭力，我認為該處鄉郊之可達度值得進行大提升，政府及巴士公司皆不應再以昔日為保護郊野公園而限制郊區路線之想法為導，周六恆常化上述路線是第一步，絕對是香港未來生態旅遊發展之一大出路，當然發遠計應該拓闊該處多條道路，例如西貢萬宜路及西貢西灣路，及考慮讓專營巴士駛入。

應該去F1?

現在96R, 289R星期六都有服務，只不過係臨時性質

九記依家都開始唔想289R開星期六仲想佢星期六服務？

政府話大力支持, 有冇講埋用咩辦法去支持, 係咪又拎舊錢出嚟益某啲社團去搞團就當支持咗, 係咁, 你開幾多班96R 275R 289R都冇用, 因為搞團唔會搭公交.

同時, 綠色旅遊唔係指去郊野公園, 搞得生態旅遊都會有人guide住, 文物古蹟岩石花木有人管理同講解, 先吸引到人認識, 好多嘢唔係睇展板掃二維碼就會有得着.

香港一啲專門展覽都有導賞團, 就係想畀遊人了解深入啲, 如果綠色旅遊冇導賞, 行入深山鄉郊村落齋望, 行多一兩個推介景點都唔知有咩特別嘅時候, 持續發展就會受到局限.

除非人人好似行旺角 銅鑼灣如數家珍講得出邊度有啲植物好特別, 邊度係某物種棲息地, 邊間屋一磚一瓦都有着特別意思嘅, 先好講開多啲巴士入郊區.

買多百零部短車至好up開發郊遊線

開左條郊遊線
又嫌路窄要求出工程開山擴路比12米8行
又嫌牛阻路阻住營運call漁護趕牛
咁惡,不了

西貢東交通問題有時唔係純綷道路問題,例如運輸署顧忌的士勢力亦令到萬宜水庫没有合理的專線小巴行走便是一個很明顯的例子

61233 發表於 2020-8-4 13:07
不嬲要啦! 依家西貢車星期六都好旺場
連299x都增密到去10分鐘, 班班mmc
另外唔差在全日埋92r, 比西貢人有全 ...

92R 可以先做去程試下水溫, 始終市區去西貢要轉車唔係咁方便