要求九巴將 96R, 289R, 275R 等假日路線長遠延伸周六服務

S3bl430 發表於 2020-8-4 13:12
西貢東交通問題有時唔係純綷道路問題,例如運輸署顧忌的士勢力亦令到萬宜水庫没有合理的專線小巴行走便是一 ...

認同你講，運輸署縱容的士業界係東壩落地開花，係令到該地區唔能夠大搞公共交通服務的主因，正如 9A 小巴司機都透露過運輸署睇 9A 班次睇到實，開多一兩粒鐘都係度嘈。
但我又咁睇，白腊發展係一個俾政府做嘢嘅大好機會，城規會可以此作為擴闊西貢萬宜路之理據，運輸署亦可以此作為加強公共交通之理據，
想當年，7 號小巴來往西貢市及海下，都一樣係僅周末服務，但 2003 年後都轉為每日服務，
我覺得可以考慮逐步走，先加強 9A 小巴服務至每天服務及總站延至西貢市中心，09:00-18:00，平日一小時一班，假日廿分鐘一班，以疫情前情況來看，應該唔擔心無客。
日後等條路得咗，再考慮引入專營單層巴士駛入。

keilingha 發表於 2020-8-4 23:06
認同你講，運輸署縱容的士業界係東壩落地開花，係令到該地區唔能夠大搞公共交通服務的主因，正如 9A 小巴 ...

9A已經係當區勢力人士開

第二係
當區已經有用AM車做固定公眾交通

萬宜路冇可能做擴闊，擴闊肯定比班環保團體嘈話不保育生態!同埋入邊啲村民擔心一拓闊後會引來交通流量增多而反對：

ma2 發表於 2020-8-5 08:41
萬宜路冇可能做擴闊，擴闊肯定比班環保團體嘈話不保育生態!同埋入邊啲村民擔心一拓闊後會引來交通流量增多 ...

北潭涌至西壩一段要擴建唔難(砍樹就得),問題在西壩至東壩果段,幾肯定要另外開一條路出黎,

與其係咁, 點解唔直接在東壩起一個碼頭出黎俾旅客上落, 然後改善東丫至白腊的行人路連接呢...
假日西貢和東壩一早一晚各對開1班船,相信已足夠疏導旅客.
船無疑係慢(所需時間相信和馬料水去塔門(非直航)差不多),但西貢東外海其實才是看六角柱的最佳地點,
總有一定的吸引力

S3bl430 發表於 2020-8-5 09:32
北潭涌至西壩一段要擴建唔難(砍樹就得),問題在西壩至東壩果段,幾肯定要另外開一條路出黎,

與其係咁, 點解 ...

東壩所在位置長期食正東風，浪唔細，加上離西貢市中心航程頗長，就算起咗碼頭，都好懷疑係咪可以俾公眾渡輪行走，相對橋咀洲的問題大得多。
而西貢萬宜路沿途留守原居民唔多，而且大蛇灣、北丫、東丫 (糧船灣)、沙橋及白腊等村落皆離西貢萬宜路有好一段距離，我認為反對聲音未必係重點，主要睇政府肯唔肯做嘢。
如果有心做，除咗萬宜西壩一定唔能夠擴闊外，其餘位置都可以削坡做到。

keilingha 發表於 2020-8-5 15:01
東壩所在位置長期食正東風，浪唔細，加上離西貢市中心航程頗長，就算起咗碼頭，都好懷疑係咪可以俾公眾渡 ...

起條新路，同在東大嶼填海(倒錢落海)沒有分別

條路最慘係東不成西不就，可以用到長陣小巴但路面容量有限，沿途郊野公園地帶不能發展，惟有希望改善下路況。例如
1.整多點避車位，
2.將急灣位附近路段擴闊至雙線(好似白腊附近一段萬宜路咁)，
3.另加在西壩至東壩一段萬宜路附近開發行山徑(如果將部份麥1搬去花山就非常好)

GA6072 發表於 2020-8-5 00:46
9A已經係當區勢力人士開

第二係

除創興以外還有其他 AM 車？

ccicoltd 發表於 2020-8-5 23:58
除創興以外還有其他 AM 車？

設立配額及預約制唔係壞事,
步行不受限制即可,但太多車
入去無論任何形式都不可取。

因為設立的士附加費等於
政府認同勢力人士去到寫落
法例嘅地步,無法辦別居民/訪客
或者令居民無車搭,定得唔夠高睇嚟
又會私下收返多啲,因為無UBER競爭。

ccicoltd 發表於 2020-8-5 23:58
除創興以外還有其他 AM 車？

閘內係得創興

閘外北潭涌都有AM車