中環及灣仔繞道最新之修訂建議（涉及東區走廊之改動）

據昨(2020年9月25日)日之憲報，運房局擬修訂中環及灣仔繞道計劃，包括：

- 原有中環及灣仔繞道入口至興發街一段東區走廊西行線，將維持繞道通車前的四線行車。
即取消原有削減一/兩條行車線的計劃。
- 興發街至中環及灣仔繞道入口之一段東區走廊東行線，將修訂至三線行車。
並須擴闊這段東區走廊的天橋，以容納多一條行車線。
即己建成的隔音屏障或需砍掉重煉

憲報網址：https://www.gld.gov.hk/egazette/pdf/20202439/cgn202024395375.pdf
修訂計劃：https://www.thb.gov.hk/tc/psp/pu ... endment%20Scheme%20(Chin)_0918%20Final.pdf
修訂圖則：https://www.thb.gov.hk/tc/psp/pu ... ombined%20Plans.pdf

個人認為，重建天橋接駁林士街天橋東行及畢打街行車隧道，更有迫切需要

本身方案要畫部份行車線出黎做路肩(唔係淨係做花槽)，如果維持行車線數量，需要擴闊先乎合道路設計，
林士街天橋已經重建緊(拆緊中間石壆同修定橋邊位置)，由香港站上林士街天橋將會由停線變做虛線匯合干中車輛，
而干諾道中西行會用埋東行原本行車線。

on11358 發表於 2020-9-26 18:31
本身方案要畫部份行車線出黎做路肩(唔係淨係做花槽)，如果維持行車線數量，需要擴闊先乎合道路設計，
林士 ...

始終解決唔到東行林士街天橋落畢打街隧道既問題？

天空之神 發表於 2020-9-26 19:36
始終解決唔到東行林士街天橋落畢打街隧道既問題？

其實將塞車搬出碼頭果邊好過喺交易對出塞，之前有林士街天橋果陣因為落左畢打街隧道之後喺大會堂cut返出去干諾道中，
經常塞到返林士街果邊，而家干諾道中東行塞車主要係調頭返西行入去域多利皇后街。

on11358 發表於 2020-9-26 20:06
其實將塞車搬出碼頭果邊好過喺交易對出塞，之前有林士街天橋果陣因為落左畢打街隧道之後喺大會堂cut返出 ...

而家畢打街隧道東行車好少，如果劃死雙白落橋再直去政總後先可以轉線會好好多

天空之神 發表於 2020-9-26 19:36
始終解決唔到東行林士街天橋落畢打街隧道既問題？

東行落畢打街隧道要橫過繞道西行往林士街天橋，下面就唔夠位過，即係要上面起天橋跨過去，有冇空間起呢條咁高嘅新天橋係問題

clivetock 發表於 2020-9-26 20:52
東行落畢打街隧道要橫過繞道西行往林士街天橋，下面就唔夠位過，即係要上面起天橋跨過去，有冇空間起呢條 ...

低過就撞行人天橋 ,

高過就林士街以東唔夠位做落斜位 , 中保出面條行人天橋會阻擋到落斜路

最大機會就係移民吉街垃圾站同埋拆林士街巴士總站 ,

係林士街天橋左邊線做下沉支路返回原有干諾道中東行
不過成件野代價好大

天空之神 發表於 2020-9-26 20:31
而家畢打街隧道東行車好少，如果劃死雙白落橋再直去政總後先可以轉線會好好多

...

繞道開左迫啲車由愛丁堡廣場入返干諾道中，已經大大減少左大會堂對出出現死亡交叉，
所以畢打街隧道保留cut返出干諾道中東行係無問題。
而家中環主要塞車問題係紅棉路天橋往中環/上山令到車龍頂返出夏愨道西行，
源頭來自皇后大道中近雪廠街一段三線經常因為上落客/上落貨得返中線行。

其實解決左一個樽頸位只係造成另一個樽頸位，只要進出中環內街/上半山車無減少的話，
塞車總會存在，尤其係星期五繁忙時間，
最怕好似干諾道中/域多利皇后街/德輔道中/砵甸乍街呢類貪食蛇，龍頭好快就追到車龍尾頂死。

天空之神 發表於 2020-9-26 21:02
低過就撞行人天橋 ,

高過就林士街以東唔夠位做落斜位 , 中保出面條行人天橋會阻擋到落斜路

响道路工程入面，重置或改建行人天橋係好常見。

如果跟舊有走線，爬過主線天橋後向下斜，的確撞到
只要將改建天橋，改變天橋連接位置就解決到問題。
而按幾條行人/車天橋的設置，應該唔會搞到連接恆生總行果條。

至於民吉街垃圾站同巴士總站，
垃圾站响橋底、巴士總站毗鄰海港政府合署。
照計兩者都好難受影響，除非連政府合署都郁埋。

clivetock 發表於 2020-9-26 20:52
東行落畢打街隧道要橫過繞道西行往林士街天橋，下面就唔夠位過，即係要上面起天橋跨過去，有冇空間起呢條 ...

如果向下過係接入民吉街，其實未必唔夠位過，
問題係有機會斬斷統一碼頭道巴士站入口。

但其實只要將林士街總站出入口對調，
再更改干諾道中/林士街路口馬路設置，
令干諾道中東行巴士可以直入總站新入口，
就可以解決問題。