其實點解東涌線啲車非繁忙時間喺荔景同南昌停咁耐

非繁忙時間同星期六日東涌線幾乎班班車喺荔景南昌各停兩分鐘，好似聽講話就返機場快線，問題係而家機場快線疫情下成30分鐘一班，情況依然一樣

冇記錯嘅話通車初期青衣去香港只係11-12分鐘，而家通常成15-16分鐘（除咗頭尾車時段13-14分鐘），個別班次18分鐘都試過，有次喺荔景望到月台頭後面個cctv，見到counter係成百幾，最後開咗門成兩分鐘先開車

點解咩原因要東涌線車喺兩個站要停咁耐？就算對面月台冇車埋站都好，有時仲見喺青衣停成分幾兩分鐘先開，同埋西鐵啲車喺非繁忙時間喺南昌只係停幾十秒就走

如果東涌線早過最近果架荃灣線1分鐘都要死等

UR7523UV7523 發表於 2021-2-28 23:31
如果東涌線早過最近果架荃灣線1分鐘都要死等

亦都成日試過開咗門分幾兩分鐘，之後荃灣線車到站未開門而東涌線車直接閂門開走

龜鐵懶得整新時間表
而家非繁7分05一轉63分45已經跑得算快
之前夜晚6分假日6分半一轉65/66分跑得仲耐

我係常客, 的確係白痴安排, PIDS ETA 顯示時間又唔包埋嗰段特長 dwell time, 唔係同月台轉乘真係多得佢唔少 (因為唔知趕唔趕到).

PS. 11-12 分鐘係未有南昌站前先做到, 我都好懷念 2003 年前東涌綫得六個站, 23 分鐘行曬全程, 可惜……回不去了!

一向以來都係透過停站耐﹐去製造一個乘客轉車唔需要得好耐車的錯覺囉。
這個錯覺可以令到乘客以為班次唔太疏囉。


實情係花左好多無謂時間在轉車站等開車﹐等對面車之上。

最黑人憎係繁忙時間﹐4分鐘時段都要等對面車﹐仲要刻意重開車門。
但係﹐部車都上爆晒人﹐根本無作用﹐倒不如拿拿聲開車好過啦。

此情況﹐以青衣特車之後一班車﹐問題最大。

平日08:38荔景4台嗰班車，為咗等埋對面荃灣綫，經常閂咗門都開返嚟等

港鐵淨係blame乘客衝門會阻礙班次

依家全程27/28分鐘已經算好，之前非繁10分鐘果陣一程行成30分鐘

其實呢個措施應該擴展到所有跨月台轉車站，包括太子、旺角、油塘、調景嶺、北角、金鐘等，只要部車上完客見到對面線嘅車入緊站，就一定要等埋，無論繁忙時間定係非繁忙時間都要咁做，而且喺編時間表嗰陣考慮呢個因素入去。

kei_hk 發表於 2021-3-1 09:46
一向以來都係透過停站耐﹐去製造一個乘客轉車唔需要得好耐車的錯覺囉。
這個錯覺可以令到乘客以為班次唔太 ...

我試過好多次喺南昌西鐵北行轉東涌線南行，西鐵開門冇5秒東涌線列車就閂門... 之後又要等8分鐘...