點解有人可以面皮咁厚 拎5件”大行李”上車？

澄麗路截車  截左車突然向番巴士站行時都覺怪怪地  佢自己拎住一件”行李” 上車後司機關門 佢竟然話仲有  原來仲有四抽未拎上車   司機都多次講”我唔係載貨” 佢竟然可以仲話”我擺埋一邊 唔阻你既 司機”   
其實係呀 唔阻司機  阻乘客丫嘛


呢個世界  面皮厚真係無敵  俾著我係個司機 我就唔開番門 佢拎左一件”行李”上黎後就開車走  等佢要下站即落兼跑番去拎自己嘅行李 再深深反省吓去叫車啦

ps搬完5件行李 係司機問佢拍左卡未 佢先去俾現金咋（相片已是第四，五件行李 佢原本仲擺喺豬紙後面嗰個la位）

最誇張嘅情況係970

見過兩次翻學時間嚟運兩袋死雞加一兩袋生嘅蟋蟀，見到佢地喺度行嚟行去都唔開胃。嗰車廂又佈滿曬人，仲霸左成個輪椅/水塘位，真係恐怖。
心諗，你運死雞都算啦，仲要運蟋蟀，萬一個袋爆左成車人多得你唔少

但係四、五抽紙皮根本無可能過0.1公斤啩…（至少長度會唔會超標？）

上次在彌敦道有遇到呢類乘客，司機馬上以給輪椅客為由拒絕佢上車，差點報警收場

Anonymous 發表於 2020-10-10 11:40
最誇張嘅情況係970

見過兩次翻學時間嚟運兩袋死雞加一兩袋生嘅蟋蟀，見到佢地喺度行嚟行去都唔開胃。嗰車 ...

嘩，蟋蟀又真係離譜D喎......
紙皮都仲有個借口叫搵餐食，但成袋蟋蟀真係好影響其他乘客

回樓主，唔知位乘客最終邊度落呢？短途一兩個站，定一直去到市區？
不過好彩都係非繁，如果繁時就麻煩啦

ViviTse 發表於 2020-10-15 02:38
回樓主，唔知位乘客最終邊度落呢？短途一兩個站，定一直去到市區？
不過好彩都係非繁，如果繁時就麻煩啦 ...

司機喺大欖涌都同佢再拗一輪 架車停左喺度2，3分鐘 最後司機”投降” 問佢邊度落 佢答荃灣 但我喺眾安街落之後佢都係未落。。。。。



乜原來違規嘅行李仲要講重量？ 長度，件數都超標就已經不適合啦  而且落左車我諗佢都要靠朋友幫佢拎去目的地嫁啦…一早call車／搵朋友車接唔好？

lsc04d11 發表於 2020-10-15 06:37
司機喺大欖涌都同佢再拗一輪 架車停左喺度2，3分鐘 最後司機”投降” 問佢邊度落 佢答荃灣 但我喺眾安街 ...

因為貨既價值仲低過運輸費

之前有節目講過回收行業其中一個困境係運輸費用
一架貨van 既膠樽既價值都唔夠俾程貨van 錢

當然以上不是貨物佔用巴士既藉口