(麻帆良市時報記者高坂 穂乃果報導)
城巴喺 1980 - 90 年代嘅業務發展, 不論係專利或非專利巴士服務,
都同 Leyland / Volvo Olympian 有著不可分割嘅關係,
自 1992 年城巴奪得中巴 26 條路線嘅專營權,
城巴向英國 Leyland 車廠訂購 Olympian 新巴士,
以趕及喺 1993 年 9 月投入服務,
呢批巴士亦係 Volvo / Leyland 位於英國 Workington 嘅廠房關門大吉前,
最後一批喺該廠房生產嘅 Olympian 巴士之一。
本文主角 409 原本為屬於該新車訂單之中,
但係卻與另外 14 架新車 (396 - 408, 410 同 411),
由 volvo 生產, 屬 12m 雙門規格, 沿用 Leyland 時代嘅標準動力配搭 --
有250 匹馬力嘅 Cummins LT10 引擎同ZF Ecomat 5HP500 5 前速自動波箱。
及後喺 1995 年, 城巴再接手原中巴 14 條路線嘅專營權,
為此城巴亦要增購新巴士, 向 Volvo 增購新一批 Olympian 12m 新巴士,
本文叧一位主角 468 就係其中之一, 而呢批巴士亦改用新嘅機械配搭,
使用由原廠 Volvo 提供, 符合 Euro 標準嘅 TD102KF 235 匹馬力引擎,
連接由德國 Voith 提供嘅 DIWA 863 三前速自動波箱。
佢地分別喺 1994 年同 1995 年投入服務,
經過十多年嘅喺城巴車隊嘅辛勞服役生涯,
直至 2011 年同 2013 年正式退役。
今日, 麻帆良市正式歡迎城巴 Volvo Olympian 12m 巴士登場!!
Volvo Olympian 呢款巴士對香港人嚟講一定唔會陌生,
因為九巴曾經有近千架呢款巴士服役,
城巴喺九十年代更係以呢款巴士打江山,
作為市長 Super Bus 最喜愛嘅車款之一,
佢話雖然城巴 Volvo Olympian 依家已經幾乎絕跡於城巴車隊,
但係佢地新落地投入服務時嘅英姿, 至今依然記憶猶新,
今日到埗嘅呢兩架 Volvo Olympian 12m 巴士,
正好等大家有機會懷愐一下佢地昔日新車落地時嘅風采,
同當年城巴雄心勃勃發展嘅年代!
今日同場仲有期待已久, 棣属中巴嘅 Volvo N10 工程車,
呢架平時難得一見嘅工程車, 平時只會停泊喺中巴柴灣車廠某角落,
有大件事先至會出場, 到中巴專營權由新巴接棒,
呢架工程車亦跟隨過檔新巴為新主人效力,
依家呢架工程車亦已經退役良久,
呢架全港獨一無二嘅中巴凸頭 Volvo 工程車,
佢嘅退役或多或少令人覺得可惜,
但係始終佢車齡都唔輕, 退役亦無可厚非,
幸好今日呢架中巴 Volvo N10 工程車推出左模型,
將佢喺中巴服役時嘅樣子重現我地眼前!!
隆重歡迎! 城巴 Volvo Olympian 12m 巴士,
And~~~~~~中巴 Volvo N10 工程車, 見參!!
409 @ 70, 證書編號 0265, 限量 928 架
468 @ 40M, 證書編號 0393, 限量 928 架
中巴 Volvo N10 工程車, 證書編號 0353, 限量 500 架
正式落地!! 三架 Volvo 新車正式進駐!!
409 @ 70, 70 亦係在下入香港仔探親常坐路線之一
70 亦係在下入香港仔探親常坐路線之一
468 @ 40M
三架城巴 Volvo Olympian 12m 相會
城巴唔同批次接收嘅 Volvo Olympian 12m, 佢地喺車身細節上都各有分別,
由以下相片, 大家又數唔數得出佢地有乜分別?
真車相, 姊妹車 FX4150 (401) @ 107, 攝於 1994 年馬頭圍邨外
接住就係中巴 Volvo N10 工程車,
中巴時代長駐柴灣車廠嘅佢, 冇乜大件事都唔會見佢出街蒲頭,
不過有幸一次喺中環見到佢拖住一架行唔郁嘅 260 Dart 仔由交易廣場返廠,
可惜當時相機冇菲林...
真車相, 友人贈送相片, 佢亦曾經喺中巴工作
小故事~~
話說城巴繼 1993 年接收中巴 26 條巴士線之後,
1995 年又收多 14 條前中巴路線,
呢架 468 行走嘅 40M 線就係其中之一,
點知呢架巴士今日首航, 就中途跪低
呢個時候, 有架中巴工程車經過, 見到架城巴跪低, 駛埋一邊查看一番...
(城巴) 師父, 我架車死左火行唔郁, 唔該可唔可以幫我拖返廠呀?
(中巴) 幫你拖返廠? 你地 Cut 左我廿六條線依家又食左我地十四條線,
入左咁多新車竟然連拖車都冇架?? 本來想幫你都嫌費事,
今次當係可憐你幫你一次啦, 不過要收番錢㗎,
加埋油錢同返柴廠嘅車馬費, 係咁意盛惠收你一皮算啦!!
(城巴)吓, 一皮咁乸脷呀......?? 唉, 冇計啦, 一皮就一皮啦,
最多開公數叫阿爺比番錢啦......
Thanks for reading~! |
樓主