本帖最後由 VocaloidMikuBus 於 2017-11-11 16:34 編輯
(麻帆良市時報記者高坂 穂乃果報導)
中巴雖然已經喺 1998 年冇左港島巴士嘅專營權,
佢旗下一條來往港運城同北角政府合署嘅非專利巴士路線,
更喺 2015 年7 月正式停止營運, 亦象徵中巴完全結束所有巴士業務,
但係點解依家又話重裝上陣呢? 其實所指嘅,
係今日新到嘅呢兩架中巴 Leyland Olympian 11m 新巴士,
適逢市長 Super Bus 上個禮拜四生日,
呢兩架新到埗嘅中巴 Olympian 就成為 Super Bus 嘅生日禮物啦,
雖然係遲左少少, 我地都係廢話少講,
一齊嚟睇下呢兩架新巴士到底有乜來頭啦,
去相!!
本來中巴 LA16 已於前兩日收到,
但係店方寄錯左架 LM1, 於是即時通知店方,
店方真係好識做即刻寄番架 LM5 比我, 仲喺今日火速到埗!
喺呢度首先要多謝店方
LM5 今日火速登陸, 當然要同 LA16 來個合照啦~
至於架 LM1 已經喺尋日寄回店方
Leyland Olympian 11m LM5, 證書編號 077, 限量 600 架
空調版 Leyland Olympian 11m LA16, 證書編號 0041, 全球限量 500 架
正式落地!! 小惠惠都嚟捧場喔~
首先有呢架人稱 "瘋狂巴士" 嘅非空調版 Leyland Olympian 11m,
佢係中巴喺 1993 年引入嘅 10 架非空調版 Leyland Olympian 11m 巴士嘅其中一員,
佢地原本係空調巴士底盤, 但係就用上非空調巴士規格嘅 "變種巴士",
並且編號為 LM1 - 10。由於引擎無需再驅動空調系統,
所以馬力超強。雖然彼岸嘅九巴喺同期引入為數 50 架,
編號 S3BL421 -470 人稱 "老虎頭" 嘅同款巴士,
佢地亦用上同規格嘅機械同車身配搭,
但係呢十部巴士落喺車神雲集嘅中巴,
佢地嘅強勁起步同加速能力同喺橫街窄巷左穿又插嘅靈活本領,
都比九巴嘅 "老虎頭" 發揮得更加淋漓盡致,
就連在下都領教過呢批巴士嘅威力,
"瘋狂巴士" 嘅綽號從此不逕而走
單係睇呢架 LM5 號車身塗裝已經與別不同,
講穿左其實佢就係上左慶祝中巴 60 週年嘅特別圖案,
車身上嘅港島區地圖係呢架 LM 5 嘅最大特色,
十多年前 Buses 推出左另一架唔同版本嘅中巴 60 週年嘅特別圖案巴士 LM1,
已經期待佢會出埋 LM5, 想不到十多年後終於得償所願,
而且呢架 LM5 更使用同廠嘅全新模具推出,
雖然係遲左少少, 不過都已經成為在下最佳嘅生日禮物啦!
同 LM1 相會
大家一齊慶祝中巴 60 週年!!
今次 LM5 係新模, 到底同舊模有乜分別?
來一個對比先~~
真車相, 攝於 1994 年小西灣
跟住就係空調版 Leyland Olympian 11m 巴士,
中巴喺 1991 -1992 年間一共引入合共 25 架空調版 Leyland Olympian 11m 巴士,
編號 LA1 - 25, 以提升巴士服務質素, 同期望喺南區與當時急速冒起嘅城巴直接競爭,
本文主角 LA16 係中巴喺 1992 年接收嘅第二批為數 20 部,
編號 LA6 - 25 嘅空調版 Leyland Olympian 11m 巴士嘅其中一員,
雖然佢地嘅冷氣夠凍確實值得一讚,
但係空調巴士竟然依然使用硬板椅背, 乘坐感覺總係覺得 "不是味兒",
想同城巴鬥高質素服務, 淨係呢點已經要扣分!
同中巴空調版Volvo Olympian 11m 巴士相會
VA40 雖然係成廿年前嘅舊模,
精細度自然唔可以同 LA16 同日而語,
但係依家見到 Corgi 出品嘅 VA40, 一有呢架 LA16 對比之下,
不其然有一個想將架 VA40 即時丟入垃圾桶嘅衝動......
真車相, 姊妹車 LA20 @ 780 攝於同日小西灣
另外由依家開始, 我已經轉用 Imgur Upload 相片,
棄用食錢食到發癲嘅 Photobucket,
要收成 $400 美金先至可以喺論壇 Forum share 相, 真係冇野下嘩?!!
Thanks for reading~ |
