建議區議會重新分區

其實政府各個部門都有佢地各自既分區模式，無論係醫療、警務定消防都同區議會選區無關，而且根據基本法香港政府以下唔可以設立地方政府，
所以區議會點樣劃界，其實只係影響區議會既產生以及人口統計。
因為只係影響到區議會呢個只得咨詢作用既組織既產生，
我認為各個分區之間人口平唔平均其實並唔重要，反正政府部門唔係依賴區議會分區提供服務，
相反重要既只係區議會會議能唔能夠作出有效討論。
有D區議會議席太少，例如灣仔只得13位議員，理應合併，
有部分選區議員數目太多，例如黎緊2019年選舉後，元朗區有45位議員，
就算每個議員就一個議題講5分鐘，已經需要3.75個鐘俾所有議員發言一次，
無辦法做到有效討論，理應分拆。

所以我認為區議會需要作出以下既合併/分拆：
灣仔區、中西區應該合併，以提升議會效率，減少浪費資源，
40席以上既選區應該分拆，例如沙田可以分拆東西兩岸或馬鞍山，
元朗可以分拆元朗市及以東鄉郊為一區，天水圍洪水橋合組新區
大嶼山雖然只得10個民選議席，但連當然議席有18席，可以保留…

為左增加議會效率，有部份邊界改動可以考慮：
離島區應該包括整個大嶼山，避免迪士尼既任何變化都要咨詢兩區區議會
馬灣應該放入葵青區，因為大部份前往馬灣既交通工具都會經過葵青區，無謂改一條巴士線咨詢兩區區議會
西貢北應該歸入西貢區

其他邊界儘量唔變，免得勞民傷財，亦都唔應該為平均人口而改動邊界

Hopuco 發表於 2018-1-9 13:37
其實政府各個部門都有佢地各自既分區模式，無論係醫療、警務定消防都同區議會選區無關，而且根據基本法香港 ...

西貢北（水浪窩以東）唔應該當係西貢，因為最主要嘅交通工具係馬料水來往黃石嘅街渡。

離島區雖然人少, 但地多, 未來應該有持續嘅人口增長,
認同應該保持

坪石劃入黃大仙區我幾認同
無論點計, 佢都係同黃大仙區關係密切啲

石澳+鶴咀半島其實可以劃入東區, 反正人少少

認同合併維城區同坪石劃黃大仙

清麗苑同華荔邨、荔欣苑應該要對調分區

不過講真，區議會最應該搞嘅係小選區劃分方式，
起碼坑口果啲好明顯係gerrymandering

日後洪水橋新市鎮都橫跨了屯門/元朗兩個區