本帖最後由 mckhgc 於 2018-5-15 18:58 編輯
強烈反對由47X抽車開辦47A全日, 要求增撥資源予47A 要求47X延長至新田圍 運吉回覆指47X有剩餘資源可以開辦47A全日服務, 應該不會影響47X現時班次 巴士公司表示不會從47X抽車開辦47A全日, 樂意增加資源
不過，重點唔係呢樣，而係原來早在1984年，有一條叫48A既九巴路線，來往新田圍及荃灣碼頭(經大埔道，當年未有城隧)，但開辦後不足兩個月，就因為開辦87B，48A總站遷往秦石，新田圍就冇左來往荃灣既巴士服務。後來48A輾轉轉型為城隧線，新田圍就一直成為全沙田區唯一冇城隧線既公屋，程已完亦廿幾年冇出過聲。
咁樣搬48A去人口、規模都比新田圍少既秦石，取消左新田圍本來有既來往荃灣服務，而又毫無保償，合理嘛？
我明白新田圍巴總未必同時有位擺87B同48A，亦明白當年冇八達通更冇BBI，但安排48A出秦石後或入秦石前，兜一兜新田圍以保留既有服務，根本非常合理。新田圍冇左48A，就由得人山長水遠去秦石搭；顯徑冇左88M，就去同邨其他分站搭281M都唔得，281M要兜顯徑巴總；新翠紅梅谷路冇左87A，去車公廟搭87B又唔得，係要87B就要兜紅梅谷路，
而家講老九對新田圍既種種惡行，就總有人又人口老化又人口少乜乜乜(不過都分析過N次，大把邨老人過少人過新田圍，但都唔會咁極品既待遇)，咁1984年時，成個沙田都係新開發新市鎮，新田圍亦只係入伙兩三年，又何來人口老化？但都係得到咁既待遇？到底又係得罪左老九乜野？亦證明老九對新田圍欺凌歧視，根本係「自古以來」，甚麼人口老化，係巴膠開脫籍口而矣。
| 
