高鐵車票為何只能在西九取票/售票？

既然MTR都有自己獨立售票系統，點解高鐵既車票一定要係西九辦理？
依家直通車票都唔一定係紅磡站先買到，係沙田九龍塘都買得！咁高鐵嘅自動售票機可唔可以放一兩部係D大型地鐵站，好似喺機場站，香港站，尖沙咀，銅鑼灣，觀塘，甚至乎喺紅磡站方便更多本地人？

其實經香港系統買嘅，都可以利用西九站內售票機實名取票，一般嚟講，自動售票機因機多而買票人數相對少，因此無需特別排隊，而順利的話，取票過程都用不著兩分鐘。當然如果於其他站都設立取票機，都可方便乘客。現在最多人排隊嘅，仍然係於內地網絡買票嘅，排隊人工或自助取票，雖然自助取票機已運作，但排隊人數仍不少，估計增多一倍機也不為過，不過由於該系統已為內地人熟悉，所以取票過程已叫快了，而人工取票，個人認為開至15個櫃位才能適時消化人龍，不過就會影響其他港段賣票位，實際上所有港段而售票機可處理嘅，應該盡量搵人協助，分流去自動售票機處理，不過我今日再觀察，有關服務人員似乎自己對售票機運作未熟練，而且部分使用信用卡仍出問題，必須盡快訓練及處理。

solomon 發表於 2018-10-3 21:20
其實經香港系統買嘅，都可以利用西九站內售票機實名取票，一般嚟講，自動售票機因機多而買票人數相對少，因 ...

依家香港人要搭高鐵, 對於可以一到西九即買票即上車既信心係"零"

香港人要搭高鐵:
一係要當日預早到西九, 除左早45分鐘入閘, 仲要比45分鐘更多既時間去取票, 因為售票機唔包囉到票(經各大新聞傳出黎既感覺), 到時又要去售票處排隊;
二係去而到先買車票, 但最每班車開車前一小時以上, 已經停止售票, 而且車次有票售票機又唔一定有得買(經各大新聞傳出黎既消息), 結果又要去售票處排隊;

三就係預早去西九行一轉, 咁出發果日就可以一到西九就入閘.


以上兩個方法, 都係加重西九既人流, 同埋跟本預唔到時間去搭車, 高鐵車程省左既時間, 依家比MTR攪出黎既限制浪費晒, 攪到高鐵跟本快唔到


咁倒不如係西九以外既地方, 方便當區市民係當區可以購票+取票, 預早比香港人大票在手, 搭高鐵就可以更易預到時間