觀塘線延線設站問題…

tonyng 發表於 2018-10-25 21:53
與其話QE/KP一帶沒地鐵站，倒不如話真.何文田不在何文田站（果條長長嘅天橋唔計）500米半徑範圍內好過喇。 ...

其實要徹底解決何文田站大幅偏南、真正何文田市中心冇地鐵直達嘅問題，最有效都係將東九龍綫向西伸延，列車經過鑽石山站後，到達衙前圍村以東嘅新蒲崗站，其後到九龍城廣場西南面嘅九龍城站，之後到界限街同喇沙利道交界嘅九龍仔站，再到One Homantin以西嘅何文田站 (通車後，原何文田站易名何文田南站)，其後到拔萃男書院以西嘅旺角東站新建月台 (可轉乘東鐵綫)，然後到太子站新建月台 (可轉乘荃灣或觀塘綫)，之後抵達福全街同合桃街交界嘅大角咀站，最後到達奧運站新建月台 (可轉乘東涌綫)。

newlife 發表於 2018-10-25 22:45
其實要徹底解決何文田站大幅偏南、真正何文田市中心冇地鐵直達嘅問題，最有效都係將東九龍綫向西伸延，列 ...

旺東 > 太子 > 奧運呢段好似一個大 S，而且最後三個站過近

但係可以服務到大角咀北面 (此帶地區剛好位處幾個地鐵站之間 (南昌、深水埗、太子、奧運)，位置吊腳但又有不少人口，而且屬市區範圍，有設站需要)，我覺得值得兜多少少。否則可考慮另一方案，以羅湖 / 落馬洲分岔模式，列車離開One Homantin西面嘅何文田站後，到亞皆老街同花園街交界嘅花園街站 (此站剛好位處旺角站同旺角東站之間，可轉乘呢兩站)，之後開始梅花間竹式分岔，每一班往奧運站新建月台，之後就有一班往港灣豪庭東南面嘅大角咀站。

paul2357paul 發表於 2018-10-24 16:07
衛理道沿線有幾個球場有間醫院即係有唔少街客。
同埋堆出入口可以拉到公主道食埋愛民邨居民客流。
呢個京 ...

一間醫院有幾多人出入呀？夠唔夠一個屋苑咁多呀？我朋友住京士柏，佢話當年衛理道起座通風樓居民已經好～唔鐘意，你仲話起個站？愛民邨依家咪有天橋升降機到何文田站囉，又要加個站？洗唔洗條條村都整個站呀？你估係地圖畫條線畫過框就搞掂呀？

屆時南港島線西段興建瑪麗醫院站,係全港第二個個以醫院命名的港鐵站。

groom1002 發表於 2018-12-12 12:03
屆時南港島線西段興建瑪麗醫院站,係全港第二個個以醫院命名的港鐵站。

第一個係？

iPenguin 發表於 2018-12-12 13:40
第一個係？

屯門醫院輕鐵站

tonyyang 發表於 2018-12-12 06:34
一間醫院有幾多人出入呀？夠唔夠一個屋苑咁多呀？我朋友住京士柏，佢話當年衛理道起座通風樓居民已經好～ ...

咁我諗如果有地鐵站接駁佢家, 又唔會好似漁安苑班豬咁反對GE

hihiman 發表於 2018-12-25 02:15
咁我諗如果有地鐵站接駁佢家, 又唔會好似漁安苑班豬咁反對GE

咁又未必，有車站就會有閒雜人入去，影響到豪宅區治安啦