hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (C) Transport 交通討論區 航空(C2) HX690 HKG-CTS 一個唔搭因航遭天譴的故事
開啟左側

[飛行報告] HX690 HKG-CTS 一個唔搭因航遭天譴的故事

  [複製鏈接]
HZ8186 發表於 2018-10-27 08:53 | 顯示全部樓層 |閱讀模式

                                    Advertisement



本帖最後由 HZ8186 於 2018-10-30 07:36 編輯


浸鹹水遇溺記 番外篇 - 夏日拜訪札幌記 HX690 HKG-CTS 一個唔搭因航遭天譴的故事 (?)

--- Preamble ---
事源小弟家人年初安排暑假到北海道遊玩時, 小弟犯左一個大錯 - 小弟將安排機票呢個重任交左俾家長處理 - 家長係睇見因航同廚叉既票價每位來回相差五百幾蚊時, 佢就二話不說買左張飛, 而小弟當晚收到電郵通知時已經為時已晚。 既然機票都買左, 咁咪放長雙眼, 睇下主打香港旗號既海南航空係有咩 offer, 而省下既 $500pp 究竟值唔值咯

順帶一提, 今次既飛行報告會比過往既飛行報告多勁多曲線, 希望筆者呢種筆風會帶俾大家一個 "很年輕, 很香港" 既感覺啦~~

--- Flight Info ---
HX690 B-LHD A330-343
HKG -> CTS
STD 0755 ATD 0816 (UTC+08)
STA 1410 ATA 1406 (UTC+09)

--- HKG ---

相信各位讀者都對 "香港國際機場" 呢個地方唔會感到陌生啦, 而小弟在此亦唔會詳細介紹啦~~

港航係採用一個自助既預辦登機及行李寄艙系統 - 係部 Self-Service Terminal 打印行李標籤後去櫃檯放低行李即可。 可能係HAGSL 既人員 (極之準確地) 預測到小弟家人係會對部 Self-Service 機 滿頭黑人問號, 佢地既人員係好主動地幫小弟家長印機票同行李標籤。 可能係因為時間尚早既關係, 基本上由抵達機場到入到禁區只係用左二十分鐘左右。

--- HX690 HKG->CTS ---

今日 HX690 有大約 60% Loading, 而登機程序都算係暢順。 播完 "勤力既啊俊時時都開 OT" 之後, 機長就開 mic 介紹今日既航班, 聽多次 "勤力既啊俊今晚又開 OT"之後, 機組人員便播出安全短片及示範, 再播多次 "勤力既啊俊時時都開 OT" (因為很重要所以要重複三次吧), HX690 就開始 Pushback 及排隊起飛。

到達巡航高度後, 機組人員便派發早餐 - 今日既早餐有炒麵, 燒賣, 蝦餃, 乳酪及餐包。 用一間四星級數既航空公司黎講, 呢個早餐係完全唔達標 - 個炒麵係偏濕, 而個燒賣係好重粉。 個餐包真係實到可以用黎起樓咁, 而粒蝦餃係皮厚而無味。 杯咖啡真係飲到小弟噴血 - 完全飲唔到咖啡味之外, 杯咖啡仲略帶少少奇怪既 Aftertaste - 唔知係商務艙 "勤力既啊俊" 杯咖啡係咪都係咁既西味呢?

港航 (嚴格上黎講係星航) 既硬件配置都算係標準, 配上 31吋既 Seat Pitch, 張櫈就算坐足四個鐘都算坐得舒舒服服。 硬件上唯一既不足就係張櫈既頭枕 - 小弟張櫈既頭枕係完全定唔到位, 將個頭枕拉高之後佢就自動 Sir 翻落黎 - 不過除左呢點之外港航係硬件上都算係達標既~~

港航既 IFE 系統對小弟黎講亦係有好有壞 - 雖然其電影選擇係偏少, 不過佢既歌曲選擇則非常多廣東話歌。 而其電視劇既選擇則對小弟黎講有少少驚喜, 連英國既 The IT Crowd 都有兩集可以播。 用一個四小時既航班而言佢既 Entertainment Choice 係算綽綽有餘。 唯港航 IFE 既 User Interface 則非常難駕馭 - 個 IFE 頁面係設計已經奇怪, 配上一個 "收到收唔到真係睇彩數" 既遙控, 呢五粒鐘 (同埋回程既四粒鐘) 係小弟磨練 EQ 既好機會。

--- CTS ---

過左五個鐘既航程後, HX690 準時降落新千歲空港。 可能鑑於有兩部廣體機同時到步既關係, 當天既入境同埋攞行李都係相對上緩慢既。 換埋電話卡之後, 小弟便乘坐 JR 北海道前往札幌駅, 為小弟既 "廚叉初體驗" 畫上一個句號, 並標誌小弟北海道之旅既開始。

--- Verdict ---

總括 HX690 呢個五小時既航程, 小弟係覺得呢程機整體上係算係不過不失。 對比同樣都係香港直航札幌既國泰黎講, 當然港航既經濟艙產品係無得揮啦, 不過就算計埋兩者機票之間既差額, 小弟依然覺得國泰既性價比係高於港航。

無論係機上既 Inflight Entertainment 定係膳食方面, 相信國泰都會比港航既經濟艙產品優勝 - 國泰既 IFE 係內容上豐富程度相信大家都有目共睹, 而小弟亦相信大家係山水豆腐花同Haagen-Dazs兩者之間識揀雪糕啦 - 而兩者係硬件上都差唔多既時候, 小弟係絕對唔會介意俾多五百蚊換一個更加好既 "Soft Product" 同服務既~~

同時, 港航係唔少細節位上都依然有唔少進步空間 - 佢既網上預辦登機既頁面係唔易用之外, 當日係機上有位外籍人仕同機組人員問嘢時, 位機組係用一個 "很年輕,很香港" 既英文去答佢 - 當然, 呢個有可能係個別例子, 不過從此可見港航係唔少方面上依然有進步空間。

當然, 從一個極之現實既角度出發, 日本線上既機上用膳係未必對香港人黎講無咁重要 - 既然到達目的地之後第一時間已經可以食翻件中拖羅壽司, 所以機上膳食既質素未必會係香港人選擇航空公司既首要考慮 - 當然如果閣下係飛日本以外既地方既話, 咁就敬請閣下對機上既膳食帶有心理準備

順帶一提, 雖然 "勤力既啊俊" 老是常出現, 不過呢個絕對唔係壞事黎 - 香港航空成立已經有十二年, 而航空亦有邁向成熟既跡象。 香港航空大力推廣其商務艙亦代表佢正在鞏固其 "Full Fare Airline" 既形象, 並努力開拓 Premium Cabin 既收入來源。 雖然今趟旅程係無令小弟對港航刮目相看, 不過小弟亦希望香港航空有日能變成一間真正 "<del> 一鑊熟 <del/> 很成熟·很香港" 既航空公司。

--- 後記 ---

讀者睇到呢度可能會問: 咁究竟筆者最終遭到咩天譴呢? 下面有一篇 北海道苫小牧-茨城縣大洗港 汽車郵輪既 Trip Report, 你自己睇飽佢啦。 (傳送門)

讀者睇到呢度亦可能問: 咁其實港航既性價比只係差因航少少, 咁筆者家長都唔算係犯好大既錯姐? 佢犯既錯係唔記得上 ANA 同 JAL 既網站格價 - JAL 既價格係同 HX 若干, 而 ANA 既價格更平多 $100 左右~~ (雖然回程係經關西 i.e. 都係會遭天譴)



可能係因為 HAGSL 既 Staff 太生猛既關係, 小弟一家人今日係被自助預辦登機手續既~~ (認真 - HAGSL 班人真係值得一讚)


其實如果港航想真係塑造 "很年輕·很香港" 既形象既話, Boarding Music 應該播JW既 "自由飛翔" 而唔係 "我的驕傲" 咯, 既可以俾班港女 high 下又可以警惕下班 (好似小弟咁既) 港男, 何樂而不為?


同幾乎所有 A330 既 Operator 一樣, 港航既 A330 係採用一個 2-4-2 layout。 (要唔人道既例子既話大家可以睇下菲律賓航空既 A330-300 - 佢真係333黎)


座位既 Fold-out Table - 其實小弟一直都唔明點解航空公司會係經濟艙既位裝鏡 - 呢個feature又唔多人用, 而要Certify塊鏡又唔平 (留意翻呢部機係星航既二手機黎 - 而相信除左個櫈皮之外其實張櫈係無變過)


Flight Map


Did you see the ludicrous display last night?
The thing about Arsenal is that they always try to walk it in~~
"The IT Crowd", Channel 4


成份早餐小弟最鐘意就係餐盤右下方既插圖, 而呢個功勞係歸一位名叫倪傳婧既插畫家, 個畫工真係好正~~


無獎問答遊戲: 勤力既啊俊今晚有咩做呢?
A. 開 OT
B. 開 OT
C. 開 OT


安全卡 - 呢張卡可能係小弟見過最少字既安全卡之一 - 對小弟黎講大部份圖都算簡而易明, 不過如果閣下係比較少飛行經驗既話, 插圖既內容則可能要一段時間先解讀到。


搭港航當然要搵呢本朋友送既刊物旁身啦~~


到達札幌~~ 值得一提既係當日CX580 同 HX690 既預計起飛及到達時間都係一模一樣 - 而當日執飛 CX580 既客機係 B-HNA



如果閣下鐘意小弟既飛行報告既話, 不妨睇埋小弟之前寫落既飛行報告~~
浸鹹水遇溺記 第一回 LX139 LX460 HKG-ZRH-LCY 巧遇 Avro RJ100 的故事
浸鹹水遇溺記 第二回 BE1429 SOU-EMA 一個乘搭 Repositioning Flight 的故事
浸鹹水遇溺記 第三回 KL888 KL1515 HKG-AMS-NWI 尋找 Fokker 70 的故事
浸鹹水遇溺記 第四回 KL1426 KL887 BHX-AMS-HKG 被 Avro RJ 尋找的故事
浸鹹水遇溺記 第五回 OS58 OS455 HKG-VIE-LHR 不怕神一般的對手, 只怕鹹魚般的乘客?
浸鹹水遇溺記 第六回 探訪退役協和號 G-BOAF 的故事
浸鹹水遇溺記 番外篇 CX416 HKG-ICN 商務艙 冬日拜訪漢城記
浸鹹水遇溺記 第九回 LX467 LX138 LCY-ZRH-HKG 尋找 CSeries 的故事
浸鹹水遇溺記 番外篇 出北海道記 北海道苫小牧-茨城縣大洗港 MOL Ferry Sunflower


評分

參與人數 3aPower +3 HugeC +30 收起 理由
alsonchc + 1 + 10 大師級作品
DIH + 1 + 10 有圖有真相
S3BL100 + 1 + 10 大師級作品

查看全部評分

clivetock 發表於 2018-10-27 11:56 | 顯示全部樓層
但係JAL同ANA都好似冇直航CTS,你家長制唔制先?
DIH 發表於 2018-10-27 21:25 | 顯示全部樓層
本帖最後由 DIH 於 2018-10-28 14:27 編輯
clivetock 發表於 2018-10-27 11:56
但係JAL同ANA都好似冇直航CTS,你家長制唔制先?

哈哈,以我屋企為例,長輩們好抗拒轉機,幾年前跟團去四國,未有直航,搭華航台北轉去高松,中轉時間一個鐘左右,回程因桃園繁忙而在高松被拒起飛個零鐘(但這與直航與否無直接關係,正如北海道大雪搭國泰都會被點到陀陀擰啦,而華航在台北hold住返香港班機再專人escort我地成團轉機),佢地幾年下來都係耿耿於懷,覺得轉機好麻煩,就算人地安排得幾smooth都唔會appreciate。如果搭日籍公司去日本,轉機要先入境及可能要轉大樓,一定「畢生難忘」。

我就覺得平平地搭多兩程機食多兩次餐又可以搭下外埠公司及航機(嘩我上次搭到兩程A340喎,如果自己買華航分分鐘有得坐747上層),有賺啦,反正畀你快得一個鐘去到日本都係天黑食晚餐。而家高松有直航都係快運之嘛。我屋企自由行搭快運冇餐食冇電視佢地又OK架喎,長輩最緊要係直航直航直航。

另一方面,長輩們亦好重視「同聲同氣」,搭外埠公司佢地會周身唔聚財好緊張,當然我唔知樓主家人背景如何。

至於餐食,這個炒麵比起我2015年搭時好少少,當年係豉油皇炒幼麵,個盒都fill唔滿,而我揀西餐長通粉都覺得好唔夠。
S3BL100 發表於 2018-10-27 23:17 | 顯示全部樓層

                                    Advertisement



本帖最後由 S3BL100 於 2018-10-27 23:22 編輯

well... 樓主覺得個炒麵餐唔掂,但賣相肯定好過我月頭坐 AA 由香港返美國多多聲喎,
而我坐 AA HKG-LAX 個餐,真係唔多掂

不過當時篇飛行報告入面,OTIS401 師兄指出炒麵餐通常都係伏

唔知 HX 係邊間公司上餐?

fb.com/scientisthk2usa/
ccicoltd 發表於 2018-10-28 01:08 | 顯示全部樓層
S3BL100 發表於 2018-10-27 23:17
well... 樓主覺得個炒麵餐唔掂,但賣相肯定好過我月頭坐 AA 由香港返美國多多聲喎,
而我坐 AA HKG-LAX 個 ...

HX 由 Gate Gourmet 供餐。

至於上面指要選擇哈根大師還是百福豆花,我反而覺得後者沒那麼膩,而且真的「很香港」,回程時吃到豆腐花,就知道快回到家了。還試過把鄰座的都吃掉。

19 大坑道↔筲箕灣 $4.2
053h4 發表於 2018-10-28 11:07 | 顯示全部樓層
提示: 作者被禁止或刪除 內容自動屏蔽
簽名被屏蔽
lokwah2a 發表於 2018-10-28 13:38 來自手機 | 顯示全部樓層

                                    Advertisement



提示: 作者被禁止或刪除 內容自動屏蔽
cruisesnet 發表於 2018-10-28 18:12 | 顯示全部樓層
用$500買兩杯哈根大師?
lokwah2a 發表於 2018-10-28 18:33 來自手機 | 顯示全部樓層
提示: 作者被禁止或刪除 內容自動屏蔽
superay 發表於 2018-10-28 19:28 | 顯示全部樓層

                                    Advertisement



本帖最後由 superay 於 2018-10-28 19:33 編輯

今年二月同五月同家人兩次跟團去過北海道,兩次都影低同食過d飛機餐可以比較

通常我會同屋企人選不同餐然後食之前交換下熱餐入面的食品試下兩份餐的分别

去程由於間係早餐一間午餐所以無得比較,只比較回程份晚餐


CX:日式午肉飯
CX583-A.jpg
質素同香港吉野家差唔多,個汁比吉野家甜。

另一份係長通粉
長通粉比較乾同有點硬,味道一般
CX583-B.jpg


兩份餐入面都有冷麵,幾好食

HX:炒意粉同冷麵,炒得幾乾身好食
但食完之後個口會有陣茄汁味落機仲感覺到
HX691-A.jpg

另一份漢堡扒飯勁鹹
HX691-B.jpg

兩份餐入面都有個沙律同啫喱, 好食, 但見到好多人都無食個啫喱

我覺得HX飛機餐最大缺點係太重味道,調味輕手點會比較好食。



您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 09:52

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表