德國NRW RRX新車參觀

之前回應版友貼文時提過，NRW（大陸人叫北威州）之後嘅RE會換新車，早前就對公眾展出左呢款車型，來緊12月就會行駛RE11來往Düsseldorf 同Kassel，行車時間3小時，差不多半條IC嘅路程。

其實之後有關幾條RE線都會執過位，仲要改線名做RRX添，不過淨係話遠景2030, 無講實際幾時落實。（資料來源）

一抽車四卡，頭尾兩卡係單層，有廁所，中間兩卡雙層，似乎較現有RE雙層為短，有關方面話將來會以兩抽重聯運作，應該可以應付需求喎。












最欣賞係佢兩卡之間嘅設計做得好通透，唔使好似而家要開兩度門經過一個黑洞先過到去。




最後RRX同將來RE11 營運公司Abellio 現有列車嘅合照。

多謝分享。德國機器先天吸引力大，而且唔知點解，根據個人經驗，
DB 本身車廂打理得唔差，但外判出去既，車廂潔淨同保養似乎往往更勝一籌

唔知 RE 變 RRX 之後，會唔會增加班次？

同埋而家本身 DB 用緊既雙層 Bombardier Twindexx 都唔算好舊（以 RE 5 為例），
外判變成 RRX 之後，唔知堆原有車輛會調去邊？

S3BL100 發表於 2018-11-12 07:34
多謝分享。德國機器先天吸引力大，而且唔知點解，根據個人經驗，
DB 本身車廂打理得唔差，但外判出去既，車 ...

DB車廂大致良好嘅，要比較嘅話RE車較多人用，S車通常較少人坐、又無廁所，衛生程度會好一啲。
至於RRX會唔會加密啲，我都未睇到資料，但如果有任何一條線會由一小時一班加密到半小時一班，佢應該會好明顯咁宣傳，但我未見到。

舊車嘅出路我都唔擔心嘅，你唔畀佢油過隻色、執一執內裝又再用咩，況且呢啲車德國周圍都用得，唔難搵到第二個地區要啫。

仲未益到成日用德文去追呢啲益野，恕我畀到資料唔多！

RRX喺12月9日落地了，每小時一班來往 Düsseldorf 及Paderborn，部分班次前往隔離州嘅 Kassel。

第一日我就走去搭左一下，全車兩抽共八卡，去到Hamm會放低一抽，只有一抽去Kassel。

車門好闊，並且會伸出一塊小板來連接車廂同月台，方便無障礙上落。


車廂影嘅相唔多，日後有機會再影。