平日早繁 富安花園往耀東

要 0900 前到，最好唔好太趕 (10 分鐘 buffer 左右)。基於我唔係好肯定時間 (幾早出門)，所以喺度問一問。
我諗到幾種方案，前提係我唔係好想行路上去。
1. 682A，西灣河落咗再行上去。如果搭 0725 開果班，會否太趕?
2. 如果搭 85M 89D 等路線轉 373，到東隧再轉 613，第三程如無意外應該無轉乘優惠?
3. 如果搭 682A 到東隧，再轉 678/694 落西灣河，行程會唔會快少少? 如果搭 0740 果班趕唔趕得切 (我見 678 尾車相對上都幾遲下)? 基於轉第三程上耀東應該有 BBI，唔知早繁等 2A/77/99 等路線上山有無風險呢?
4. 如果真係趕唔切 (e.g. 起唔到身)，我諗都係會全程搭鐵。不過係咪唔建議紅隧轉 110? 我唔肯定 110 早繁會唔會好疏，同埋多唔多北角特。
5. 981P 經西隧係咪無咁着數? 基於 722 循環線班次可能不穩，而且咁轉法會比較貴，我應該唔會選擇轉 722。如果 981P 搭到港澳碼頭落地底呢? 同全程保鐵差幾耐左右? 基於我唔係常客，應該要版友解答所需時間同沿途交通狀況，先感謝。

新界東去港島東行東隧是常識吧。所以建議680P、681P、682A東隧口轉694，再轉2A、77、99、722上耀東。

去到東隧口有606X都可以考慮，喺筲箕灣搭返77、99上耀東。

同埋唔建議火車轉110，呢條係假特快，而且可能遇上短途車。真係趕時間都唔好搭火車，都要搭返東隧線特快過咗海，追返時間先算。