別了 italk

我累了。
我知自己脾氣差。見到一D唔合邏輯嘅歪理，或者係唔合理嘅建議，永遠就會忍唔住爆出呢。指出咗係咪代表好威威？其實唔係，而我亦都唔係想咁樣。我只係希望其他人可以分得出邊啲係合邏輯、邊啲係唔合邏輯嘅。
問題係我可能太高估自己嘅能力。首先係比人挑釁之下，我唔係每次都可以保持到理性。結果每次就引起大大小小嘅誤會同紛爭，對件事係完全冇幫助。
其次，我覺得自己有能力去令到其他人睇得出某啲人嘅論證一直存在好多問題，咁但係我係做唔到呢樣嘢。當然唔排除係因為大家都同佢有同樣嘅思想，所以覺得佢冇問題，但我相信係我未能保持理性，而令到其他人唔信服我。無論點都好，簡單嚟講就係做唔到要做嘅嘢。

其實停版嗰時係一個幾好嘅機會比我去反思。咁問題係我做出嚟嘅嘢仍然都係符合唔到我想要嘅結果，有部份更加弄巧反拙。

為此，我決定自行無限期停版。今次係認真。

最後我要感謝喺度有唔少嘅前輩，指出咗啲我有嘅問題，例如有時好容易會忽略咗某啲嘢。咁你哋講過嘢我係記得嘅，咁亦都係真係比以前諗野喺出面咗少少。亦都好多謝充斥著呢個版面嘅一啲反面教材，你哋令到我知道我唔可以犯同樣嘅錯。

有緣再見。

呢度係自由港,入定走唔駛通知人

如果你因為咁小事而自我停版，咁你人生都應該幾痛苦下。講真好多野都唔係三言兩語就可以說服到人，對好多價值問題都揾唔到一個客觀答案。
至於事實問題，如果事實擺在眼前，對方都唔信的話，把口生喺人地度，咁咪算囉。
唔係叫你對每件事都咁悲觀，而係好多時盡咗力都做唔到一件事，咁就不如算數，保留資源 (例如你的時間) 做其他野好過。
例如我聽過有人由旺角去觀塘，睇埋價錢牌都仲話搭鐵平過搭 1A/16，咁可以點啫，咪由佢下次搭貴車囉。
新一年喇，如果喺 italk 討論唔係你想做的野，咁咪揾過其他目標。例如你鐘意收集客量數據，如果時間同金錢許可，大可以好似 1005 咁開個網站，長遠仲可以分析客量變化，又或者透過數據計算出邊個站上會開始無位坐等等。

tonychow 發表於 2019-1-2 13:55
如果你因為咁小事而自我停版，咁你人生都應該幾痛苦下。講真好多野都唔係三言兩語就可以說服到人，對好多價 ...

好多野確實需要時間沉澱。
例如https://www.hkitalk.net/HKiTalk2 ... ewthread&tid=379590講緊仲係要繞經梅沙既E11咁樣，已經默默地提升至無價了。
同埋數客比起例如set機拍行車片係更深入既統計方式，遇著例如祖國某些個別站點一野谷至頂閘既旺線數客肯定係極難數。