請問807A／807C運作

我今日頭先要去聽濤雅苑，喺大學站要搭小巴807A先去到（807C唔得，因為行恆安邨嗰邊去馬鞍山）。我喺巴士總站見到個小巴站牌，上面只係寫咗807A，另外有格被貼紙遮咗。

咁喺807A塊牌嗰度，有部小巴貼咗個807C嘅紙牌，但無807A紙牌，但係又喺807A個站頭上客，咁即係A定C呀？！我要去聽濤雅苑，只可以上A，唔上得C，問司機呢部係A車定C車，佢話係A車，咁我就上咗車。但車上又有人以為呢部係C車（咁好大穫，上錯A車會去唔到恆安邨，同樣道理，上錯C車會去唔到欣安邨同聽濤雅苑）。

開車後，小巴先途經欣安邨，再去聽濤雅苑。但係紙牌一直得塊807C，欣安邨又上咗幾個客，嗰度A車同C車好似同站頭喎，A車去馬鞍山，C車去大學站。架車轉咗去聽濤雅苑方向，欣安邨上車嘅乘客又無人質疑部小巴係唔係行錯路，即係佢哋睇通咗部車係掛C牌實際係A車，可以搭去馬鞍山？！

究竟807A同807C係要睇點分呀？我見巴典甚至有圖，部小巴同時插A同C牌，咁欣安邨嘅人點上車？！

運作就係亂咁來, 冇運作~~

根本改組一見咁就知出事.. 事實上807C頭段跟807K完全重疊, 個班次根本SUPPORT唔到尾段欣安既客量..

結果除左改組頭幾日有807系車跟過807C條線行之外, 係冇車行過807C全程..

全部都係欣安入, 部份班次警署出, 但大部份都係行返舊807A線, 欣安走..

只得一隻野話咁會好左既者...邊隻? 個件唔算係人既野LAW...信者戇居....
講漏左件真正始作俑者~~邱門公遠公是也~

hkbw 發表於 2018-12-25 23:29
運作就係亂咁來, 冇運作~~

根本改組一見咁就知出事.. 事實上807C頭段跟807K完全重疊, 個班次根本SUPPORT唔 ...

當日重組最錯係烏溪沙到大學呢條線打小巴主意而唔係巴士(巴士公司做唔做就另一回事)。冇錯對烏溪沙嚟講係快咗，但用人地唯一擁有嘅資源嚟換自己快嗰廿分鐘，佢點講到X線好多人搭要密車都係講唔通。而且烏溪沙堆私樓又唔係同馬鐵站隔好遠，點遠都遠唔過雅景臺/耀安行最少15/20分鐘去馬鐵站咁遠，根本唔應該有呢啲不停中途站點對點嘅線，條X線最少都拉埋耀沙路/白石做到大學呢段都好睇過淨係開到烏溪沙站樓下，依家成件事同幫私樓做嘢冇分别，泥涌井頭一段西沙路就乜都唔理。

當然，807系一日轉唔手做，點樣重組都係死，相信日後唔會有公司夠膽掂807呢個辣手薯仔。

實際營運唔會分開兩條線，而係跟返重組前嘅 807A（大學站開經欣安、聽濤、頌安、福安、西沙路海柏花園、海港酒樓往海柏花園總站，海柏花園開經福安、頌安、錦鞍苑、欣安往大學站）往馬鞍山方向插 807A 牌，大學站方向插 807C 牌

馬鞍山方向嘅小巴去到欣安係停公廁出面，而大學站方向係停後面往市區方向嘅巴士站，所以唔會上錯車