高鐵港深段「地鐵化」 研購票可不限時上車

Toz 發表於 2019-2-3 20:34
如果係用返現有列車去行, 應該唔會咁得閒將一等座換成二等座
如果係將來買新車專做大灣區自由席呢?
珠三 ...

如果港府肯參加大灣區城軌嘅話，除左買CRH6，一早應該起多幾個站啦，港島、東九、東大嶼甚至沙田都會有需求，但有直插市中心嘅膠鐵同無鐵路嘅港豬噢，要諗第二條跨境鐵路就有少少難度。
除非爭到珠海經港珠澳、東大嶼、港島、東九龍入新界上返深圳啦，但點接返珠三角城軌同點處理乘客經由香港但不入境又係一堆法律問題。而直接用高鐵軌做埋，又到CRH6系行得慢塞住哂。

巴士的膠 發表於 2019-2-5 15:55
如果港府肯參加大灣區城軌嘅話，除左買CRH6，一早應該起多幾個站啦，港島、東九、東大嶼甚至沙田都會有需 ...

西九龍站到深圳北站最高速度都係 200km/h
同珠三角其他去到200km/h 既城軌一樣，都可以用 CRH6A
深圳北以北，城軌就唔會行廣深港阻住人地條路，而係經贛深去廣深 I II 線，調頭入厦深，或經深湛鐵路過江段去中山珠海，呢幾條都係 200-250km/h 級別
將來 CRH6A 後繼版，或者會有 300km/h 級別（即 250km/h 營運）



宜家點都用要手上有既基建開左頭，做左先
將來做得起再算
起新野，尤其係跨境交通，點都要靠事實支持，唔係政治上過唔到關

港珠澳大橋一開始就無可能行珠三角城軌，除非全隧道
外國有重型鐵路既橋隧設計，人工島成三四公里長，係宜家人工島長度七八倍有多
人工島咁長，仲要起兩個，會阻住珠江口

巴士的膠 發表於 2019-2-2 19:24
之前搭過深圳北-西九短途車係用復興號，所以呢段係有機會咁行嘅。而如果難以超員，咁地鐵化就會比較困難 ...

短途用到復興號應該只係順便排到而已，要是真的有問題的話排除掉也應該不是太大問題

巴士的膠 發表於 2019-2-5 15:55
如果港府肯參加大灣區城軌嘅話，除左買CRH6，一早應該起多幾個站啦，港島、東九、東大嶼甚至沙田都會有需 ...

第三條新跨境鐵路=深港西部通道(九廣是第一條)

Toz 發表於 2019-2-5 22:08
西九龍站到深圳北站最高速度都係 200km/h
同珠三角其他去到200km/h 既城軌一樣，都可以用 CRH6A
深圳北以 ...

過江段起好左，經深湛去中山、江門、四邑都大把客（尤其計價因爲唔去廣州南，只係收深圳-香港同深圳-目的地嘅車費），甚至經深湛去深圳機場當機鐵用都大把人肯。

反而去老廣深應該都要用返380A，否則深圳北-塘廈都阻路，除非經深湛直通穗莞深去花都、白雲機場

巴士的膠 發表於 2019-2-6 16:05
過江段起好左，經深湛去中山、江門、四邑都大把客（尤其計價因爲唔去廣州南，只係收深圳-香港同深圳-目的 ...

深圳北到塘厦問題唔大
贛深高鐵無咁多車行，中短期內班次應該得廣深港深圳北到廣州南一半
慢車開出後留約 8 分鐘 lead time 快車再開，已經足夠，同埋贛深開得密深圳北個站都頂唔順啦
最多係部份繁忙時段用 380A 就得

講起深圳北唔夠用，如果慢車係飛深圳北，同後面深圳北開既快車 lead time 仲可以再短 2-3 分鐘


另去廣州南果種搵笨收費，一係長期有折，一係就等大陸既高鐵慢慢加價，唔係真係...

Toz 發表於 2019-2-7 00:10
深圳北到塘厦問題唔大
贛深高鐵無咁多車行，中短期內班次應該得廣深港深圳北到廣州南一半
慢車開出後留約  ...

廣州南一早應該長期有折，否則唔係扶老攜幼我都唔搭直車，轉一轉人均慳幾廿蚊。

而家廣深段繁忙時間都玩緊5分鐘班，計埋安全距離都就飽和，要再加容量就要轉長編組。新線可以駁老廣深，係咪接受到慢車車要隔耐啲先開下一班都係大問號，尤其長迼都多客之餘，香港所有班次都要經深圳北出入，深圳對進港車嘅態度都好影響。呢個亦係點解第二高鐵要考慮一下駁去珠海嘅原因。