hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (C) Transport 交通討論區 航空(C2) 浸鹹水遇溺記 第十二回 AF185 BM1882 尋找 ERJ145 既故 ...
開啟左側

[飛行報告] 浸鹹水遇溺記 第十二回 AF185 BM1882 尋找 ERJ145 既故事

[複製鏈接]
HZ8186 發表於 2019-4-9 23:01 | 顯示全部樓層 |閱讀模式

                                    Advertisement



本帖最後由 HZ8186 於 2019-4-9 23:06 編輯

繼 浸鹹水遇溺記 第十一回, 小弟十二月中乘搭法航由英國返港渡假後, 今次小弟乘法航由香港返英國繼續小弟既學業 - 唯今次小弟係坐經濟艙既。 同上回既 AF188 一樣, 今次 AF185 係由一部 4-Class 既 B777-300ER 營運, 唯小弟到達巴黎後係會乘搭一部 ERJ145 前往英格蘭西部城市 Bristol, 而此航班係由 flybmi 聯營。

*小弟係於一九年一月中乘坐此航班 - 雖然 flyBMI 已於一九年二月十六號踏入歷史, 不過小弟都希望帶大家小弟對 ERJ145 既座後感。 小弟亦係文章末端寫左一段對歐洲 Regional Airlines 既感想, 希望大家細嚐~




--- Flight Info ---
13/1
AF185 HKG -> CDG
B777-300ER F-GZNC
HKG 2330 (2340)
CDG 0550 (0515) (+1)
14/1
AF5542 (BM1882) CDG -> BRS
ERJ-145 G-CKAF
CDG 0955 (0955)
BRS 1015 (0955)

--- Hong Kong International Airport ---

係香港預辦登機手續係一件非常暢快既事 - 小弟當晚乘 A21 到達機場後, 便把行李寄艙及通過安全檢查, 基本上到達機場後, 三十分鐘內小弟已經係禁區候機。

--- AF185 HKG->CDG ---

當晚登機同起飛都算非常暢順 - 航班於 23:40 起飛, 不久後航班已於深圳上空向歐洲進發。 飛機進入巡航高度後, 機組人員便派發濕紙巾及餐牌。 小弟係非常欣賞法航依然堅持派實體餐牌呢個決定 - 乘客可以確保餐飲入面唔會有致敏源之外, 機組人員既工作量亦可以大大減低。 同時, 法航派發既濕紙巾係同小弟上回 <遇溺記> 搭乘法航商務艙由倫敦前往巴黎機上派發既紙巾一樣。

起飛後不久, 機組人員便開始派發晚餐 - 今日頭盤有俄羅斯式沙律, 而主菜則有豬肉配薯菜及雞肉炒麵兩個選擇。 晚餐配有餐包及芝士之外, 甜品方面則有一份石榴蛋糕, 而主菜方面小弟點左份雞肉炒麵。法航既膳食質素只算一般 - 雞肉炒麵既麵質有少少奇怪 (半伊麵半扁意粉既麵?), 唯配上中式蜆汁後, 味道則算可接受。 石榴蛋糕係比較乾身, 同時今餐份量方面係偏細既。 順帶一提, 法航係極少數會於經濟艙提供香檳既航空公司之一 - 雖然佢用既香檳唔係名牌貨色, 不過如果閣下想廉價享受係三萬呎高空開香檳飲呢個享受既, 咁呢個都算試下無妨既~~

講翻今日既座位先 - 小弟今日坐係 28A, 係第一排經濟艙座位。 呢個位係唔需要加錢選購, 唯 YCL & PEY 之間係有一道牆, 變相呢排座位既 legroom 係稍為有限。 法航座位既 recline 都算 ok 既, 就算小弟身高大約 180cm, 當晚都瞓左六個鐘左右。 另外, 由於呢個位前方係無電視, 小弟既電視係放係座位既右下方, 同時托盤亦收納於手柄內。 由於 Air France 既商務艙同經濟艙係採用同一個 Inflight Entertainment System, 小弟係呢度就唔花篇幅介紹法航既 IFE 啦 - 唯一特別既係系統上既互動式地圖原來係用  Open Street Maps 既 API 既 - 呢個地圖係可以無限放大縮小既 - 而唔少地方甚至係會顯示埋地鐵站同路名添~

早餐係降落於前兩小時派發 - 今日早餐有一個蘋果酥, 乳酪, 生果 及一份配 Custard 既法式多士。 味道方面呢份早餐則算一般 - 個蘋果酥簡直係不知所謂, 不過個法式多士係既香口既。 同晚餐一樣, 早餐份量都係偏細, 不過整體上法航機上既膳食都算 ok 既。

餘下既旅程則好 uneventful - 收回早餐既托盤後, 機組人員便開始準備降落巴黎。 機組人員亦於降落前派一粒硬糖, 而航班於巴黎時間早上五點十五分降落, 為小弟既法航經濟艙初體驗畫上一個句號。



AF185 既晚餐 - 味道方面係ok既, 唯佢個雞肉炒麵麵質係好獨特

法航為經濟艙乘客提供既 Inflight Entertainment System - 法航當晚提供一個幾多元化既電影&電視劇選擇, 而小弟當晚則選擇重溫 BBC 既 Sherlock S3


螢幕呎寸係同位於椅背既螢幕一樣, 唯閣下係要用唔少盲力先可以調教螢幕角度


AF185 既早餐 - 雖然個份量係偏細, 不過被咖啡係非常之香濃~~


法航既經濟艙座位 - 可見 Row 28 前方既 Bulkhead 及 3-4-3 既 Cabin Configuration

--- Paris Charles de Gaulle ---

係巴黎戴高樂機場轉機都算係一個輕鬆既體驗黎。 由於 Air France 同 flyBMI 並沒有簽定 Interline Agreement, 小弟當日係要到達巴黎之後入境, 攞行李, 並步行至 T3 再次辦理等既手續。

(呢點小弟其實係感到詫異既 - 小弟既兩程機票都係經法航出, 而嚴格上小弟第二程機既航班篇號係 AF5542 而唔係 BM1882, 竟然咁都無 interline arrangement?)

既然當日小弟係有四個鐘既轉機時間, 入境法國後, 小弟就走左去逛 T1,2&3 既離境大堂。 巴黎戴高樂機場既 T1,2&3 係三個唔相連既客運大樓黎, 唯三者之間係有一條免費既無人列車 "CDGVAL" 連接。

T1 既離境大堂則以餐廳為主 - 雖然有大半餐廳都係午市先開門, 不過食早餐係有唔少選擇既。 T2 既離境大堂都係以辦理登機手續既櫃檯為主, 而整個客運大樓都唔係好見有商舖或餐廳。 T2 作為 CDG 最新開既客運大樓, 佢既室內設計當然係好 Mordern 好 "chic", 唯實際上小弟係覺得個大樓係偏暗 - 日頭既話其實個效果係做得幾好, 唯未天光既時候個客運大樓其實係幾陰沉既。 最後, T3 既 Landside 係非常簡陋 - 除左有間 Coffee Shop 同一間 Relay 之外其實真係咩都無。 當然, 使用 T3 既航空公司都係中少型既航空公司居多, 同時 IAG 既 LCC Level 以及 Vueling 都係同 CDG 既 T3 既。

flyBMI 既 Check-In Counter 於航班起飛前九十分鐘開啟。 辦理登機手續後, 小弟通過安全檢查及辦理離境手續便進入 T3 既 Airside。 (T3 係有做 Schengen & Non-Schengen 既航班 - 而 T3 既 Airside 亦用一塊玻璃分隔兩邊候機室) 雖然 T3 既 Airside 相對上比較係細, 不過佢既空間感同配套係做得非常好。 就算 Non-Schengen 既 Terminal 3 只係有七個閘口, 不過佢都有間 Relay, Pret, 同一間 Duty-Free。 同時, 落地玻璃配上合適既燈光, 令到全個候機範圍感覺上好空曠同好舒服。



係 CDG T2 既入境層望落候機區 - 當時係凌晨五點半, 呢個候機區/商場係空無一人既


CDG T2 既 Landside - 小弟係非常鐘意呢個呢個木紋天花板設計, 唯小弟覺得 T2 Landside 真係唔夠食肆同商舖。


CDG T3 既 Departures Board - 使用 T3 既航空公司主要都係比較細型既公司為主, 而 T3 當日只處理大約二十五班航班左右


CDG Terminal 3 既 Airside - 由於所有閘口都係 Bus-Gate, 因此呢個客運大樓其實只有地下一層。 雖然候機空間唔多, 不過個環境係幾舒服既。

--- BM1882 (AF5542) CDG->BRS ---

係候機室逛左一個鐘後, 小弟便乘接駁巴士到停機坪登機。 當日航機上只有四十幾人, 而登機程序則相當快捷。

由於機艙空間有限, 當日航班係設有一個 Valet Bag Service - 登機前乘客係會把比較大件既手提行李交俾地勤代為寄艙, 而降落後地勤亦會第一時間把手提行李還俾乘客 (機上 A 位上方係無 Overhead Bin Lockers, 而 BC 位上既儲存空間亦相當有限)。 用左十幾分鐘滑行到跑道之後, 航機於十時正準時起飛, 並向 Bristol 進發。

講翻今日既用機先 - 今日執飛 BM1882 既係 G-CKAF, 係一部有二十年機齡既 Embraer ERJ145。 呢部巴西製既客機係原先由 Air France 旗下既品牌 Regional/Hop! 營運, 而於2017年轉售予 bmi Regional。 呢部 ERJ145 係可以載五十位乘客, 而機艙係用一個 1+2 既座椅排位。 flyBMI 既原名係 bmi Regional, 係當年 British Midland International 既旗下品牌之一。 漢沙集團於 2012年把 bmi 連同 bmi Regional 售予英航之後, bmi 既航線被英航納入自己版圖之內, 而 bmi Regional 同年被拆售。 bmi Regional 2015年被 AIL (Loganair 既母公司) 買下, 而 2018年則改名為 flyBMI。

到達巡航高度後, 機組人員便開始派發小食同飲品。 雖然當日航程只係有一小時左右, 不過機上係依然會提供輕食既。 當日係有一塊曲奇同一杯果汁 - 雖然份量絕對食唔飽, 不過都可以滿足閣下既口隱既~~

雖然飛機已經有廿年機齡, 不過機上既配置都算係保養得宜 - 機上既皮櫈係非常之舒服, 而機艙內既設置目測都係有定期清潔既。 硬件上唯一缺點係張 fold-down tray table - 小弟座椅前方既檯係非常唔穩陣既。 另外, 機上既座椅應該係"二十年不變" - 座椅既手柄係依然設有煙灰缸既~~

不久後, 飛機已經飛越英倫海峽, 開始降低飛行高度, 並準備降落 Bristol。 繞過 Bath 既上空之後, 飛機便係 09:55 係 Bristol 降落。



呢部 Primera Air 既 A321 係 Terminal 3 對出停泊, 當時小弟都無唸過 flyBMI 會係一個月後步上 Primera 既後塵


ERJ 145 係設有內置樓梯既, 登機既時候係唔需要另外用 airstairs 既


ERJ 145 既機艙係用一個 1+2 既座位排位, 而 A 位上方係沒有 Overhead Bin Lockers。 同時, ERJ145 既機艙隔音係做得幾好 - 就算當日小弟坐係 18A (i.e. 機艙最後一排), 引擎聲係可接受既


flyBMI 既座位同座距都係非常之舒服 - 個皮櫈既 padding 做得好足, 而就算小弟坐係機艙最後一行, 張櫈依然係可以 recline 既。


每一個座位都設有一個煙灰缸 - 相信二十年黎應該無人用過呢個煙灰缸, 不過同樣二十年黎都無人清潔過呢個煙灰缸咯~~


其實呢部飛機有唔少位都好 90s feel - 位於座位上方既 Control Panel 相信就係一個好例子~~


flyBMI 提供既 Reading Material - 安全卡以及其 Inflight Magazine - Elevate。 由於 flyBMI 既主要目標客源係 Business Traveller, 因此呢本雜誌入面唔少文章都係介紹相關景點同滑雪場等。


機上既 light snack - 雖然呢個 '早餐' 既份量真係細, 不過都滿足到小弟既口隱既~~


我知道
天漸暗 只得你像當初的勇敢
不用怕 率真挺下去拒絕淪陷
哪怕伶仃海一片陌生


到達 Bristol - 地勤人員正卸下既係乘客既手提行李, 而乘客一踏出飛機就可以攞翻 Gate-Checked 既手提行李


BM1882 既起飛/降落片段 - 機上既 RR AE3007 spool up & shut down 既聲音真係好正 (Engine Shut Down @ 07:40)
順帶一提, flyBMI 既 ERJ145 係無裝 Thrust Reversers 既。 根據網上論壇, ERJ-145 上既 AE3007 既 Thrust Reversers 係可有可無既, 唯 Air France/Regional 當時則沒有購買呢個選項。

--- Bristol (BRS) ---

flyBMI 係 Bristol 都係用 Bus-Gate 既。 步行落機後, 先係 Valet Baggage Cart 攞翻手提行李, 後再乘搭接駁巴士辦理入境手續。係 Bristol 入境英國亦係一件極之輕鬆既事黎 - 搭啱英國入境處職員既問題之後 (i.e. 你係邊度讀書? 你讀咩科? 你點解要係 Bristol 入境?) 小弟就獲放行入境。

同 Norwich 同 London City 一樣, 機艙行李送抵既速度係同機場大小成正比既 - 小弟辦理完入境手續已經見到小弟既行李係輸送帶上面轉緊。 小弟攞左行李之後便乘搭當地既機場巴士前往市區, 為小弟既 法航 Multi-City Trip 畫上一個句號。

十六小時後, 小弟終於到達 Bristol, 為呢個法航 Multi-City Trip 畫上一個句號。 小弟亦會係五月乘坐 Eastern Airways 既 Jetstream 41 由威爾斯北部飛往威爾斯首府 Cardiff, Stay tuned!

--- Verdict ---

總括 AF185 BM1882 兩程機, AF185 係合乎小弟期望既, 而 BM1882 對小弟黎講係有驚喜。

無可否認, 擁有 3-4-3 Cabin Layout 既 777-300ER Econ 位一定係會比較逼同狹窄, 唯張櫈recline到盡既話 (同埋如果閣下有心理準備既話) 坐足十二個鐘既感覺都算尚可既。 AF185 上提供既膳食味道係幾好, 唯早晚兩餐既份量都係偏細。 當然, 係一個 red-eye 航班上, 飛機餐既份量未必係咁總要, 唯如果閣下係搭法航過大海既話, 咁我會建議閣下帶少少零食上機啦~~

小弟係非常欣賞 BM1882 上既服務 - 雖然 flyBMI 係一間細既航空公司, 不過佢既服務係依然做得好足。 首先, 雖然今日只係有一位機組人員當值, 不過佢既服務係非常專業同周到, 甚至係可以睇得出佢對份工既熱誠。 硬件方面, flyBMI 既保養係做得幾好 - 雖然部飛機仲老過小弟, 不過除左張檯鬆鬆地之外, 座位同座距都係非常舒服, 而成個機艙係非常整潔既。 順帶一提, flyBMI 係會按航班時間而提供餐飲既, 小弟之後上網翻查資料見到佢其他航班係有三文治同酒水提供添~~

價錢方面, 呢個半 J 半 Y 既 LHR-CDG-HKG, HKG-CDG-BRS 既 Air France Multi-City Trip 總共係用左萬二蚊左右

LHR-CDG-HKG JCL £810
HKG-CDG-BRS YCL £320
*購票當時 GBP:HKD 為 1:10.6, 折合港幣約 $12000 左右

雖然呢個價格係有下調空間, 不過論服務同硬件, 呢個定價係非常合理既。 當國泰既倫敦香港經濟艙學生飛都係賣緊$12000既時候, 同樣價錢買一程 JCL 一程 YCL 其實係幾抵玩既。 (當然, 國泰既學生飛係可以俾你免費無限次改期同儲里數既, 唯當日小弟既 Ticket Class 係無得改期+只係有 50% 里數 - 咁要唔要加錢買 flexibility 呢個就由閣下決定啦) 法航既價格係幾抵玩既 - 佢係有 U26 既 Youth Fare 提供, 而 LHR-HKG 既 YCL/PEY Youth Saver 價格係由 £228/£308 起跳。 如果價格合適既話, 小弟日後都會考慮乘搭法航來往香港及英國既。

--- 後記 Afterthought ---

小弟於一月中搭完呢兩程機之後, 唔過一個月小弟就收到 FlyBMI 結業既消息。 實不相瞞, 小弟並沒有對呢個消息感到震驚, 畢竟近期已經有不少歐洲中少型航空公司接二連三咁倒閉 (SkyWorks, Germania, Primera, Colbalt, Darwin, Monarch, VLM...) 或許小弟已經對此事感到麻木吧...

flyBMI 發出既新聞稿將公司倒閉事宜矛頭直指英國脫歐, 唯小弟則不敢完全認同 - 的確 Bresh*t 為歐洲既航空業帶黎極大既不穩定因素 - 唯小弟相信 flyBMI 結業既主因係佢既市場定位早已過時, 以及其母公司可能*早已為 flyBMI 另有安排吧。

之前都聽過唔少熟悉歐洲航空市場既人表示, 由於近年歐洲唔少航空公司有過度擴張既情況出現, 唔少歐洲航線普遍都係有供過於求既情況出現。 flyBMI 係唔少歐洲路線同 easyjet 重覆, 再加本身 flyBMI 既主要目標客源係 Regional Business Traveller 呢個 niche, 變相 flyBMI 既處境近年係比較艱難既。

flyBMI 既母公司 AIL 對 flyBMI 結業既取態亦係耐人尋味既 - flyBMI 結業後不久, 同樣都係 AIL 旗下既 Loganair 已經宣佈會接管 flyBMI 部份既英國及愛爾蘭航線, 而 flyBMI 旗下既部份 ERJ135 既 ERJ145 亦以光速轉投 Loganair 既機隊。 (批 ERJ135 係會用黎替換年事已高既 Do328 添) 雖然機師同機組人員既安排小弟唔清楚, 不過一個咁合時宜既倒閉配上一個咁順暢既交接... Hmmm... 小弟都係唔好作咁多胡亂既猜測啦 ????

不過論歐洲既 Regional Aviation 既將來, 小弟認為將來真正獨立既 Regional Airline 係會越做越少, 而大部份中小型航空公司一係會被大公司買下, (例如而家屬於漢沙集團既 Air Dolomiti 等) 一係同大公司玩 Codeshare 及 Interline。 (例如近期開始做 AF, KLM 航班聯營既 Widerøe) 除非本身個航空公司有獨有既地理優勢, 例如連接英國及英屬離岸島嶼 Guernsey 既 Aurigny, 及專做瑞典內陸航班既 BRA Braathens, 否則該公司一般都難以生存。

呢個趨勢亦可以係歐洲既廉航業入面見到 - 係傳統航空公司開始轉營以及係 Ryanair 維持其市場策略既情況下 (i.e. 見你條線做得唔差就過黎踩場) 基本上小型同初創既 LCC 同 ULCC 係被困於兩難之間 - 為維持客量增長而發展新航線, 或係現有既航線上面割價促銷 - 因此中小型既 LCC 係剩餘極少既生存空間。

當然, 事到如今, 小弟除左可以惋惜呢個航空公司既沒落之外, 則只可以冷眼看 2019年呢個歐洲航空界既嚴冬啦。


---
如果閣下鐘意小弟既飛行報告既話, 不妨睇埋小弟之前寫落既飛行報告~~


浸鹹水遇溺記
第七回 BE7671 NCL-BHD-IOM 尋找 Jetstream 41 的故事 - 不日推出
第八回 BA3287 IOM-LCY 尋找 Saab 2000 的故事 - 不日推出



評分

參與人數 3aPower +3 HugeC +30 收起 理由
vilo + 1 + 10 多謝分享
KV8948 + 1 + 10 正!!
S3BL100 + 1 + 10 E145

查看全部評分

英雄 發表於 2019-4-10 00:18 來自手機 | 顯示全部樓層
提示: 作者被禁止或刪除 內容自動屏蔽
S3BL100 發表於 2019-4-10 00:40 | 顯示全部樓層
份早餐個法式多士睇落好似普通餐包

我成日形住香港出發既餐膳往往差過外站出發,估計 AF 亦可能有同樣情況,
如果樓主日後有機會坐 AF 經濟艙返香港,不妨比較下

CDG 我兩次都係用 T1,係幾靚但無乜特別感覺⋯
平時 EU 轉機會直接所有行李 check thru,今次你要出境再入境,我覺得有少少詫異

ERJ-145 係其中一款我想坐既機型,本來舊年有個 trip 有機會坐
但最後臨 book 果陣因為要同人夾時間而 bypass 左,
E145 數目直線下降,希望日後仲有機會試下

呢個世代下,只用細機做生意,成本高,根本好難生存。
要玩就應該好似美國咁,專門接三大航空公司外判既 regional 生意,定額向三大收費,

保障會大好多,甚至好似 Skywest 咁玩到近五百架飛機既規模。
當然歐洲又可能碰到更大既工會問題⋯


fb.com/scientisthk2usa/
 樓主| HZ8186 發表於 2019-4-10 06:30 | 顯示全部樓層

                                    Advertisement



原來連 S3BL 兄都無坐過 ERJ145
實不相瞞 小弟係誤打亂撞先搵到呢班機
原先睇回程 HKG-CDG-LHR YCL 個價要成五百磅
咁小弟就上左 ITA Matrix 睇飛英國其他機場既價錢
咁就好好彩地搵到呢班 AF5542 (BM1882)
機票平二百磅又可以試新機種

小弟之後亦上網翻查資料
原來 Air France 旗下既 Hop! 以前都係用 ERJ145 營運 CDG-BRS 航線
惟前者近年退出該航線,並由 flyBMI 接管該航線
呢點亦有可能解釋到點解 Air France & flyBMI 會係呢條線上有聯營航班而無 Interline Agreement

雖然小弟係無搭過 CRJ系列
不過睇完 S3BL 兄篇 CRJ900 既飛行報告後
相信 1+2 排位既 ERJ145 點都會比 2+2 排位既 CRJ200 好坐
Legroom 又多,座位又闊
如果就到時間既話其實真係值得坐
 樓主| HZ8186 發表於 2019-4-10 07:13 | 顯示全部樓層
呢個世代下,只用細機做生意,成本高,根本好難生存。

呢點我非常之認同
無政府補貼既話其實好多線都唔使做
文中提及既 Wideroe 有一半路線係 PSO (Public Service Obligation) 線黎
小弟五月會乘搭既 Flybe Anglesey-Cardiff (VLY-CWI) 都係 PSO, 由威爾斯既納稅人幫手埋單
要玩就應該好似美國咁,專門接三大航空公司外判既 regional 生意,定額向三大收費

當然,美國呢套好難 100% 搬過去歐洲既
歐洲既大城市密集咁多 又有 High Speed Rail
Regional Aviation 當然無美國咁發達啦
(何況大西洋呢邊係無 '薪水同飛機大小掛勾' 既 Scope Clause 或相關條例)
不過呢d專門做 Scheduled Wet Lease 既航空公司係歐洲近年都開始多
Helvetic Airways (for SWISS)
Air Nostrum (for Iberia Express)
CityJet (for KLM, Aer Lingus & SAS)

或許呢個係歐洲獨立既中小型航空公司既出路之一?
雖然個彈性低好多, 不過 '唔駛煩賣飛' 呢點相信對唔少航空公司黎講係好吸引
S3BL100 發表於 2019-4-10 13:35 | 顯示全部樓層
本帖最後由 S3BL100 於 2019-4-10 13:38 編輯
HZ8186 發表於 2019-4-10 06:30
原來連 S3BL 兄都無坐過 ERJ145
實不相瞞 小弟係誤打亂撞先搵到呢班機
原先睇回程 HKG-CDG-LHR YCL 個價要 ...

咁我舊年 bypass 左坐 ERJ-145 機會果次,換來既係坐多一次 AA MD-80
(而且應該係最後一次)既機會

揀飛機坐,好多時魚與熊掌不能兼得,有 trade-off,尤其是長程。
我通常會考慮埋邊隻機比較稀有,坐既機會比較少,仲有就係時間同埋 delay 機會有幾大

CRJ 我由 2014 年第一次坐到而家,都數唔到坐過幾多次啦,
可以話係無咩新鮮感,只係好多時因為時間或者目的地原因而焗住坐。

CRJ-200/700/900/1000 都坐過,最難頂當然係上一代最侷促既 CRJ-200,
一兩個鐘還可以,但最痛苦一次其實係舊年 DEN-YYZ 果程 CRJ-700,
三個半鐘機程,加上 full load,咁長程其實真係唔應該用 CRJ

反而唯一一次坐 Air Nostrum 既 CRJ-1000,因為 legroom 夠多
而且旁邊無人,所以舒適度比起平時坐 mainline 有過之而無不及

咁講到尾,legroom 都係航空公司自己訂既姐。
不過你提醒我,原來美國加州有間叫做 Contour Airlines 既支線航空公司,
旗下半豪版 ERJ-135 有 34-36 寸 legroom,坐得 30 個客,應該會幾舒服
呢間野算係填左傳統幾大航空公司加州中部既缺口。
六月有個計劃緊既 trip,會去加州幾個目的地,
可惜先後次序唔完全係自己話事,否則一定要試坐

當然,美國呢套好難 100% 搬過去歐洲既
歐洲既大城市密集咁多 又有 High Speed Rail
Regional Aviation 當然無美國咁發達啦

你亦提醒左我,美國除左華盛頓到紐約之間,無真正高鐵。
但同時坐得 regional aircraft 既,好多都係接駁其他航線

而美國早幾年 RJ 係去到氾濫既地步,
好大程度係各大航空公司為左加班同節省自身營運成本而亂玩外判。
好彩今日回頭是岸,終於發現 CRJ-200 同埋 ERJ-135/140/145 unit cost 太高,
而家 50 座飛機數目係直線下降中。

而留低既唔少都係三大外判名義,做政府補貼既 Essential Air Service 航線


fb.com/scientisthk2usa/
 樓主| HZ8186 發表於 2019-4-14 07:27 | 顯示全部樓層

                                    Advertisement



E145 同 CRJ7/9/10 一樣都係一個鋁罐兩個風筒, 基本上除左 CRJ 要派多個機組之外同 Unit Cost 貴d之外佢地既維修成本同營運成本係一樣。 當然, 後者可賣多廿張飛, 而條數對唔少航空公司黎講應該幾易計

不過頭先小弟上網睇過關於美國既 Scope Clause - 原來航空公司同工會定下既協議入面除左定明可以外判既服務既 Seat Count 之外亦 Cap 左機隊數量

根據維基資料
Delta may contract out the operation of...
Up to 348 50-Seaters,
Up to 102 70-Seaters &
Up to 153 76-Seaters.

而其他航空公司亦有類似既協議, 變相就算就算間航空公司想增加其 Regional Fleet 既載客量, 佢依然要符合呢個 Scope Clause 既機隊限制。

相信 United 都係呢個原因, 退批 CRJ200 既同時, United 係會選擇訂左批 50座既 CRJ550, 而唔係批正常 70 座版本既 CRJ700。 (註: CRJ550 同 CRJ700 兩個型號論機件外觀長度係完全一樣,唯 certification 上有座位數目既分別)

呢個亦代表就算 ERJ 145 & CRJ 200 逐漸老邁同退役, 只要工會一日唔讓步, 唔改 Scope Clause, 一日就會繼續有 50 座既 Regional Jet 係北美洲飛

10897106606 發表於 2019-5-31 03:23 來自手機 | 顯示全部樓層
提示: 作者被禁止或刪除 內容自動屏蔽
yuenpo 發表於 2019-5-31 12:17 | 顯示全部樓層
ERJ系的座位一向係比CRJ系闊,好坐D的,個人喜歡坐佢的A位 (窗口+路口位)
想在北美坐ERJ145就要坐UA,由 Expressjet 或 Trans State operate 的航班
又或者 AA ,由 Envoy 或 Piedmont 執飛的航班都可以
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 00:27

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表