西九站往深圳北「地鐵化」,港鐵研購票不限搭指定班次

巴士的膠 發表於 2019-5-5 19:23
但亦無城際班次行高速線(250kph+路段)，鐵總似乎都唔想高速線上有非劃位車次。

暫時似乎只有福田車條件 ...

只有去深圳先有自由席的需求，去廣州要劃位我覺得好合理

現時紅磡站及旺角東站上車前往落馬洲/羅湖的乘客每日有成5萬人，依兩個站同高鐵直接競爭，政府想吸當中的2-3萬過去高鐵的期望其實好合理，部分九龍塘站乘客其實都係由油尖旺深水埗過去，都係高鐵的競爭力範圍，加埋現有福田的萬幾名乘客就有成4萬幾5萬人，所以政府想搞短途不劃位係正常

現時要預早規劃行程、又要攞飛、又要早到車站呆等、趕唔到車又好麻煩，只為15分鐘車到深圳，當然唔受歡迎。但若果可以定點20分鐘一班、到站有車即上即開，就算趕唔到等下班20分鐘都可以接受，乘客量一定急升

Kaix 發表於 2019-5-7 01:17
只有去深圳先有自由席的需求，去廣州要劃位我覺得好合理

現時紅磡站及旺角東站上車前往落馬洲/羅湖的乘 ...

如果港深段自由席班次可以開放埋免實體車票，仲方便到通勤乘客密密來回，
另一邊廂東鐵本地線都可以減輕好多負荷

kevincch 發表於 2019-5-7 14:04
如果港深段自由席班次可以開放埋免實體車票，仲方便到通勤乘客密密來回，
另一邊廂東鐵本地線都可以減輕 ...

二代回鄉證可以自助印飛，其實都好方便，最緊要係公交化後班次夠密。依家福田車唔夠多，深圳北反而因爲有長途車顯得較密。

巴士的膠 發表於 2019-5-7 15:11
二代回鄉證可以自助印飛，其實都好方便，最緊要係公交化後班次夠密。依家福田車唔夠多，深圳北反而因爲有 ...

其實有好多飛走福田的深圳北終到班次，先將依d班次加停福田已經好好多

Kaix 發表於 2019-5-10 10:37
其實有好多飛走福田的深圳北終到班次，先將依d班次加停福田已經好好多

另一個考慮係大陸流傳緊天津、重慶、南寧、肇慶、佛山都會開進港車，「要去深圳/廣州轉」嘅客可能會減少，加密深圳北-福田-西九龍先吸到更多短途客。

依家上去玩，由於確定到出發時間，所以去程買高鐵唔難，但回程如果無即班/隔好耐嘅話，搭返4號線轉東鐵更加方便實惠。呢點令短途客好難谷得起，因為等得20分鐘以上，高鐵嘅時間優勢就唔明顯。

巴士的膠 發表於 2019-5-10 14:03
另一個考慮係大陸流傳緊天津、重慶、南寧、肇慶、佛山都會開進港車，「要去深圳/廣州轉」嘅客可能會減少 ...

回程買飛即上算方便

主要係睇班次點

Kaix 發表於 2019-5-7 01:17
只有去深圳先有自由席的需求，去廣州要劃位我覺得好合理

現時紅磡站及旺角東站上車前往落馬洲/羅湖的乘 ...

我認為整條短途線直到廣州南都應該通勤化，因為同屬泛珠三角都會區的一部分，有龐大通勤需求，應該統一停站如下：
西九龍 - 深圳北 - 廣州南（每小時兩班）
西九龍 - 福田 - 深圳北 - 虎門 - 廣州南（每小時約五班）
西九龍 - 福田 - 深圳北 - 光明城 - 虎門 - 慶盛 - 廣州南（每小時約三班）

一旦高鐵被通勤化，深圳西北遠郊地區，如光明等可因高鐵效應獲急速發展。

而長途車則只停西九龍或深圳北其一（前往廈門方向除外），以及廣州南，每小時約兩班前往不同目的地。

miklcct 發表於 2019-5-10 19:06
我認為整條短途線直到廣州南都應該通勤化，因為同屬泛珠三角都會區的一部分，有龐大通勤需求，應該統一停 ...

你查下廣深段（同其他珠三角內路線）依家排點排成點先講你啲偉論啦，人哋今年通完穗莞深城軌，已經計劃緊廣深第二高鐵了，仲未計其他只連接廣州/深圳其中之一嘅路線（例如南廣vs南深高鐵）。

大陸自己都唔夠slot開更多班次，加車都係靠重聯同拉長路線，邊有咁多位比你搞通勸高鐵（雖然絕對不愁無客）。