快運研飛北海道, 大家仲有什麼日本航點想快運開?

唔好牙 到時成個北海道都充斥著大量寒酸客

我睇快運遲下會連東北都插旗，東北北海道會比班cheap精客整到雞犬不靈

volvobus7500 發表於 2019-4-26 18:34
我睇快運遲下會連東北都插旗，東北北海道會比班cheap精客整到雞犬不靈

另一方面，都會有一班有消費力但唔想舟車勞頓的客可以受惠。

我唔敢話我係貴客，但我及屋企人角度都係寧願慳機票，落地豪住豪食。UO直航 vs BR/NH轉機，我屋企人會揀前者。

以函館為例，就算而家都有入門級團客，函館山迫爆都唔係新鮮事，而東北景點分散，一係駕車一係課金買pass，cheap精客覺得冇癮都未必會去。

東北其實差一張JR東北PASS (大約賣10000円)
其實當年岩手縣開機場開花卷唔開盛岡係失策，否則盛岡空港一定係東北首選

同埋其實UO函館機票都應該唔會平，起碼要比東京貴一個等級 (東京正常價798，函館應該要賣1088)
寒酸客其實就係怕幅射客，(知識水平較低)，UO開東北(仙台)都食唔到呢班客
函館就早已被攻陷，鐘意東北的客其實唔會鐘意函館，所以飛函館落返東北的客都係課金客，真心想去東北的客

UO開九州航點己經開到成個九州，香港人遊客仲多過日本人遊客

AVD1 發表於 2019-4-22 11:12
但係函館始終都叫有條新幹線掂到，過返個海去東北都唔算話好長時間，
最重要係而家 KA 條仙台線都唔見得 ...

嚴格黎講新幹線都未算掂到函館，因為要新函館北斗轉車。上次試過東京搭新幹線去計埋駁腳都要4個幾鐘，要趕行程始終飛機吸引啲。佢開香港直航搶到唔少客。UO 唯一可取既地方就係肯開二線城市線，所以小弟都幾捧佢場。想佢東北或者北海道加航點。

2076 發表於 2019-4-27 00:51
東北其實差一張JR東北PASS (大約賣10000円)
其實當年岩手縣開機場開花卷唔開盛岡係失策，否則盛岡空港一定 ...

花卷機場就算數啦, 又唔係大, 轉去其他地方又唔算方便
整個東北仙台機場見得下人, 內陸機班次都多啲

講起寒酸客, 我三月尾趁雪季未完去過一次岩手青森, 遇見嘅香港人唔係好多
可能佢地仲係對東北有戒心, 再埋東北景點分得好散, 搭車都要轉來轉去先得, 比起關東關西差太遠
如果要揸車先叫方便啲話, 起碼會少咁一堆人有興趣
成日話振興東北, 有幾多人想去都係問題
(而家BR有TPE-AOJ/SDJ, 我諗呢種轉機都已經滿足到要去東北嘅人)


不過真係開函館的話, 坐5個鐘LCC真係不了, 幾平都咁話
我坐MM去關西我都覺得好辛苦 (無論日夜機), 咁長時坐喺個位度都咪話唔辛苦, 咁遠我相信有好多客都怕怕
最尾其實都係講UO用咩機飛同計唔計掂數, 有數圍的話開嚟插下旗都唔錯

bombmanhk 發表於 2019-4-27 02:25
花卷機場就算數啦, 又唔係大, 轉去其他地方又唔算方便
整個東北仙台機場見得下人, 內陸機班次都多啲

仙台唔會做得住，香港人戒心太重
其實鐘意去東北玩的人，多數都會東京入用JR EAST超抵玩PASS，北海道出入冇乜著數 (冇PASS啱用)
有FD過往3年每年去2次東北，就係鐘意民風純樸，觀光化的地方亦都做得好

日本航點在東京以西其實UO只差北陸，開埋北陸UO想再擴展版圖難免要向東北/北海道發展
試玩HKD/AKJ其實都係冇得揀之下的選擇

2076 發表於 2019-4-26 08:45
香港同台灣又唔可以一概而論，單係航程就由3:30變成5:00
一到5:00，LCC其實就難做，一來crew turnover唔 ...

neo應該可以推高個有競爭力距離，但問題係可以去到幾高