直通車入境前折返廣州 乘客轟港鐵無通報

又有人拎一地兩檢借題發揮，以前一樣有羅湖快車紅磡出境
不停站直達羅湖，然後經特別通道直接前往中方關卡
咁多年又唔見話驚有人偷走？

我都覺得係不為多過不能，尤其是內地啲車站一定有公安，喺深圳搵佢哋帶乘客喺羅湖口岸通關唔係咩難事。

如果係都要好似 lokwah2a 咁樣，藉口多多，咁被人鬧都抵喇

238X 發表於 2019-7-26 02:14
我都覺得係不為多過不能，尤其是內地啲車站一定有公安，喺深圳搵佢哋帶乘客喺羅湖口岸通關唔係咩難事。

如 ...

我都覺, 車入羅湖叫班人做入境手續吾難吧

238X 發表於 2019-7-26 02:14
我都覺得係不為多過不能，尤其是內地啲車站一定有公安，喺深圳搵佢哋帶乘客喺羅湖口岸通關唔係咩難事。

如 ...

MTR 無通報/通報太遲﹐這一點就走唔甩。

但係部車係唔係一定要折返﹐似係雙方鐵路+出入境運作上的安排問題多一點。


直通車的安排﹐一開車就唔可以隨便落客﹐直到總站為止。
而上落車的月台﹐全部都係要特別安排﹐唔容許出現乘客未有辦理出入境手續。
除非﹐列車本身有緊急事件﹐要全部做疏散﹐例子: 火警。


問題就出現在唔可以隨便落客之上。

上面有人講﹐去到大埔再搵入境/轉巴士接駁去紅磡。
問題就係點確保車上乘客唔會走散﹐同埋當時大埔站的混亂﹐是否可以確保直通車乘客上到適當的巴士。

無錯﹐之前都有直通車乘客緊急情況要下車。MTR/KCR 都要封左一個月台﹐成個月台要無晒其他乘客﹐才可安排直通車停大埔站﹐安排相關乘客落車。
落車乘客就由入境派人做出入境手續﹐如入境處未能即時到場﹐就由警員看管﹐直至完成辦理出入境手續。


又有人講﹐去到羅湖就叫班客自己過關。
問題又來了﹐要車站職員特別開一條通道﹐淨係直通車乘客才可以行﹐由非禁區位置去到入境大堂。
羅湖站現時有無條件做到﹐我真係唔知。但係車站本身人手唔多﹐再加埋爆大鑊﹐人手更緊張﹐有無人帶旅客去入境大堂真係成疑。

仲未計直通車此時要佔用月台﹐在已經本地線班次運作混亂的時間﹐再加埋要扣起一個月台唔用得﹐我都唔知可以點。

以前羅湖直通車﹐日日有此安排又唔同﹐日日有安排人手去打開特定通道直入羅湖橋﹐日日有人手去控制乘客唔會行錯路/唔會有遺留﹐日日都係跟編定的班次去運作。日日做﹐成個程序當然無問題。
但係有特發事件﹐爆大鑊的情況下﹐仲要有特別安排﹐即係玩死前線員工﹐因為人手未必足夠﹐亦未必可以清空個別月台。

至於在深圳站落車再由中方人員「押」乘客去羅湖橋﹐除非深圳站有一條封閉式的通道﹐否則好易出事﹐風險好高﹐唔會這樣做。
(等同香港要中途停站﹐都要空清月台一樣)
就算有封閉式通道﹐大陸公安點解要做相關協助?
之前又無做過這些特別安排﹐都唔知條封閉式通道有無問題﹐例如中途有房間可以進出/有toilet﹐令到乘客會走失。
現在又唔係真係要成車緊急切離﹐當然唔會亂做啦。



成件事﹐只好怪MTR通報大陸一邊出問題。直通車本身一開車之後﹐就真係太多因素﹐就只可以折返或呆等。

其實列車停在羅湖橋，可安排香港入境處及海關人員登車為乘客辦理入境手續(車上檢)，完成後列車駛至大埔墟落客，mtr再安排接駁巴士開往紅磡， 這才是正確可行並對乘客負責任的解決方法。

wawa0006 發表於 2019-7-26 13:38
其實列車停在羅湖橋，可安排香港入境處及海關人員登車為乘客辦理入境手續(車上檢)，完成後列車駛至大埔墟落 ...

羅湖得2條軌(月台)﹐唔知當時情況﹐本地線列車有無長期佔用。
如果需要長期佔用﹐派人上車做車上檢﹐就會進一步打攪本地線的服務﹐令到東鐵本地線列車調運﹐再增添複雜性。
有機會出現有列車﹐要長時間在兩站之間停留。

同一時間﹐羅湖站是否有足夠人手空清一個月台﹐供政府人員做出入境手續。


認真講﹐唔好進一步增加前線人員的工作量啦。


PS. 真係羅湖派人上車做出入境手續﹐倒不如順便派頭等車票給相關乘客﹐等乘客自己選擇點離開羅湖。

kei_hk 發表於 2019-7-26 10:02
MTR 無通報/通報太遲﹐這一點就走唔甩。

但係部車係唔係一定要折返﹐似係雙方鐵路+出入境運作上的安排問 ...

似乎最簡單既安排就一係將列車停在羅湖聯檢大樓附近清客去港方入境櫃檯，一係就直接停深圳站清客且抽起哂當日直頭車部關卡既乘客出境記錄刪除哂叫果班客再排口岸重新過關。

咁都諗唔掂有咩資格運作任何兩地兩檢既交通工具(雖然呢條雞肋鐵路線就黎摺，但海路空路仍有大把兩地兩檢既交通工具)。

當然今次梗係港鐵負最大責任，
一來港鐵識得停哂北行但冇通知中方亦要停哂南行，
同埋港鐵只顧救工程車救到淨係俾直通車駛去紅磡站竟然唔得。
https://www.hk01.com/突發/356129/港鐵事故-圖輯-十小時沙田大埔交通癱瘓-工程車移正拖返車廠