港鐵東九龍綫發展討論及建議

背景資料：《鐵路發展策略2014》中曾提及港鐵「東九龍綫」的方案，東以寶琳起，停經寶達、秀茂坪、順天、彩雲，西以鑽石山為總站。

按照未來「沙中綫」建成，「東九龍綫」將可於「寶琳站」轉乘「將軍澳綫」，及於「鑽石山站」轉乘「觀塘綫」及「屯馬綫」。
當時，區議會曾建議於「寶琳站」及「寶達站」之間興建「康景站」，以服務將軍澳半山居民。
同時，於2013及2014年，觀塘北綫(來往油塘站至鑽石山站)之方案亦曾被重新提出討論。
另外，亦有學者提出將「東九龍綫」延長至「科技大學」，以方便乘客。


討論及建議：
首先，我覺得東九龍綫「坐足全程」ge乘客(i.e. 鑽石山<>寶琳)未必有想像中咁多，
而將軍澳區內其他部分(康城/坑口/將軍澳/調景嶺)相信亦唔會坐去寶琳、轉東九龍綫去鑽石山......
換言之，要唔好「嘥」咗東九龍綫(將軍澳段)就應該喺寶琳以外設站，而最合適ge就係加「康景站」&「科技大學站」。
如果拉東九龍綫落將軍澳山下，相信唔比將軍澳綫本身吸引，而山上呢一帶相信會有新客源。

其次，安達、安泰兩邨陸續入伙，而安達臣發展區仲一直發展緊，
建議寶達及順天兩站分別開出口上去安達、安泰，以確保非繁忙時段都有足夠客量支持。

第三，觀塘北綫唔係唔可行，但同東九龍綫兩者，我諗客量、資源分配等等ge問題，二者只可取其一。
東九龍綫係夠快出黃大仙，但落港島就實個個繼續搭巴士(除非沙中線通咗)，但去東區ge繼續613......
而觀塘北綫夠快入港島，但寶達以東成個將軍澳半山依家未喺MTR cover範圍裏面ge地方(包括科大)繼續係做唔到，而觀塘北綫入將軍澳又繼續係極慢。
所以不如觀塘北綫同東九龍綫「2合1」，3個終點站，詳情睇埋第四站之後下面講。

第四，康城果個問題始終到依家都仲未解決過：
非繁康城疏車少客，兩繁康城ge唔想等車、寶琳ge又可能「伏咗上車」，而康城一直無車去將軍澳北，113又貴、寶琳果架小巴又開咁耐都未開到+要入埋將工。
之前諗過幾個解決方法：觀塘綫拉入康城(但工程上好似除咗唔停將軍澳站之外好難做到，唔可行)、「迪士尼綫式」康城綫(就算去觀塘綫都要轉完又轉，唔可行)。
所以不如觀塘北綫同東九龍綫果個mix做埋康城，全日有車開密d，唯一係要學識接受用「全日唔洗轉車直出觀塘」去換「只有兩繁唔洗轉車出港島」，
但呢個建議都有個壞處，就係油塘站始終要擴建(只要一日有觀塘北綫ge成份，都表示油塘要開多個月台)，
而調景嶺站又費事「過門不入」而要加月台，將軍澳站可以作為轉將北用，所以都係加埋月台，詳情依家講。

好啦到建議個content啦，就係建議條綫整3個總站，係3個總站互相開去另外果2個總站，
唔似得康城加入將軍澳綫果陣，夾硬將北角開ge車mung d入去，而又開唔到去寶琳咁樣。
條路線會係「T字型」，科技大學開去另外兩個總站、鑽石山如是、康城如是。
除咗科技大學<>鑽石山班次之外，其他班次會經油塘，可以轉乘將軍澳綫過海。

鑽石山<>科技大學：鑽石山 -- 彩雲 -- 順天 -- 秀茂坪 -- 寶達 -- (康景) -- 寶琳 -- 科技大學
鑽石山<>康城：鑽石山 -- 彩雲 -- 順天 -- 秀茂坪 -- 寶達 -- (藍田北) -- 油塘 -- 調景嶺 -- 將軍澳 -- 康城
科技大學<>康城：科技大學 -- 寶琳 -- (康景) -- 寶達 -- (藍田北) -- 油塘 -- 調景嶺 -- 將軍澳 -- 康城

班次比例：全部1:1 / 有括號車站係我個人主張興建，惟客量未能肯定是否完全足夠

車站月台建議：
鑽石山：月台(往科技大學)、月台(往康城)
彩雲~秀茂坪各站：月台(往科技大學/康城)、月台(往鑽石山)
寶達：月台(往科技大學)(B1/F 打橫)、月台(往鑽石山)(B1/F 打橫)、月台(往康城)(B2/F 打直)
康景、寶琳：月台(往鑽石山/康城)、月台(往科技大學)
科技大學：月台(往鑽石山)、月台(往康城)
藍田北~將軍澳各站：月台(往鑽石山/科技大學)、月台(往康城)
康城：月台(往鑽石山)、月台(往科技大學)

最後，歡迎提出討論~
(P.S. 不清楚本帖應貼在F1還是R1區，如果本帖放錯區，麻煩版主協助移動，謝謝)

東九龍線1+1係唔錯嘅想法，但個人認為無需牽涉康城站，東九龍線可以分流走寶林、坑口嘅乘客，他日將軍澳線仍可1+1

講返東九龍線，如果按現時方案，寶達後入寶林，如果對於觀塘山過海乘客，係兜咗個大圈，而1+1油塘/科大可以解決呢個問題

另外，參考返過去各版友嘅已經，東九龍線可以考慮合併中九龍線，延長埋過去奧運，經亞皆老街地底，解決一直以嚟九龍東去旺角要兜圈嘅問題

有關停站：
奧運：
現有站位下方，與櫻桃街平行

旺角：
介乎紅綠線旺角站同東鐵線之間一段亞皆老街，打通旺角、旺角東站

亞皆老：
醫院管理局對開一段亞皆老街

宋皇臺、啟德：現有站位下方

彩虹：近舊聖若瑟安老院

彩雲：介乎新清水灣道及清水灣道之間，近德望學校、彩雲邨啟輝樓以東
設通道往返彩暉邨、彩雲邨、彩德邨

順利：順安邨安澤樓對出、安泰邨地底，與利安道平行
可往返順安、順天、順利、順緻苑、安泰邨

協和：秀雅道遊樂場下方
設升降機及通道往返曉麗苑、聯合醫院、康寧道/振華道

秀茂坪：介乎秀茂坪道、寶琳路交界，與秀茂坪道、安秀道平行
設升降機及通道往返中秀茂坪、秀茂坪南邨、寶達邨、安達邨、石礦場

寶林：
寶豐路近怡心園地底，寶康路以西
設升降機塔往返山上屋苑

科技大學：
科技大學附近以西位置

碧雲：
康雅苑以東、廣田邨廣靖樓以北
可往返康雅苑、德田邨、廣田邨、康栢苑

油塘：現有站位以西

運作上大概係：
秀茂坪後分開前往寶林或碧雲
科大/油塘來往奧運 1+1

10598C 發表於 2019-8-15 12:07
東九龍線1+1係唔錯嘅想法，但個人認為無需牽涉康城站，東九龍線可以分流走寶林、坑口嘅乘客，他日將軍澳線 ...

首先多謝你個反建議，等我都逐一回應吓先。其實好老實講，無論東九龍綫係出鑽石山又好、出油塘都好；對於分流山下乘客ge作用，我自己睇就真係唔係咁樂觀.........


假設沙中綫通咗車(屯馬綫)，寶琳去土瓜灣/何文田/紅磡，我估首選105，其次297，3rd choice係東九龍綫轉屯馬綫，4th choice係將軍澳綫轉屯馬綫，尾選係93K。
換言之依然係好可能唔係 first/second choice，仲要本來已經有幾條線一齊分咗呢個餅，所以分到幾多客量就真係唔敢講..... 而康翠有鐵之後，就1st/2nd choice就係鐵，
換言之其實東九龍綫會同小巴/巴士「隻揪」，而我估小巴/巴士會「被重組」多過做緊分流作用。
而坑口/將軍澳站果邊ge乘客，要刻意將軍澳綫、轉東九龍綫、再轉屯馬綫，車程分分鐘慢過觀塘綫，所以我估應該係保796X/297 ge多，又或者搭鐵都會係揀觀塘綫......

而過海客方面，我諗寶琳過海應該會直接搭將軍澳綫，因為無理由搭東九龍綫再轉，所以分流作用應該都唔點做到 (斷估都唔會用沙中線落金鐘掛~)
至於出九龍ge客(例如黃大仙/旺角/美孚/大圍)，我諗山下吸到ge客係有，但計番全日去睇係唔多。
例如：寶琳 -> 黃大仙(唔計290)：應該會prefer東九龍綫(坐足全程)轉觀塘綫(企1個站)，但坑口/將軍澳站已經唔會咁揀(因為要轉多程)
例如：寶琳 -> 旺角：上繁我估會將軍澳綫(坐足全程)轉觀塘綫(坐足全程)，下繁我估會觀塘綫(企掛?)轉東九龍綫(坐足全程)，但同樣地坑口/將軍澳站應該都唔會咁揀
所以如果講山下ge分流，我諗除咗有分時段之外，實際人數變化都唔係真係咁大。
而我諗東九龍綫個key idea唔係分流，而係比將軍澳半山+觀塘半山有鐵出區，但唔想寶達止步做掘頭路，所以駁埋寶琳站做總站 (而我亦都同意就算東九龍綫落山都係無用)

而觀塘山過海兜圈果個問題就正正係我所見ge問題，所以我果個建議所有往康城方向ge列車(無論由科大開、定係鑽石山開)都會經油塘可以轉車，vice versa。
所以3邊總站我會建議平均分咗個班次佢，亦即係「1+1」。(A->B, B->C, C->A, B->A, C->B, A->C)

至於中九龍綫，我諗官方果邊應該唔會肯。
第一，依家起緊6幹，如果再起地鐵版6幹，佢可能會認為資源重疊。
第二，中九龍綫亦即係parallel版觀塘綫，仲有客量拉渾全日黎睇未必高，成本效益對佢地係極低，分分鐘佢地寧願焗你搭觀塘綫/巴士。
所以如果起咗，我梗係開心啦，但back to reality係難d起得到ge.....

Btw 假設你果個建議實施，我諗其中一個main focus係中九龍綫段，
換言之成條綫ge客量重心會喺秀茂坪/順利出旺角果part，而去寶琳果段路..... 講真唔會有幾多人搭。
如果佢target做長途綫，咁我諗寶琳段唔會有得留低(亦唔會特登花錢去起秀茂坪寶琳支線)，而會直接飛落油塘(秀油轉車應該多過入寶琳.....)
至於科大果個站，講真有無肉食都唔知，分分鐘佢會將軍澳綫拉長，又或者直頭唔起......

所以呢個亦都係我建議之中東九龍綫，要做到好似將軍澳綫咁短途ge原因，否則寶達以東連流水都分分鐘無得做.....
(我expect非繁東九龍綫5分鐘一班左右，亦即係10分鐘去一個目的地)
至於咩將軍澳綫1+1，我諗真係得2款可能性先有好微ge機會出現(仲未計將軍澳北無耐之前比城規會批咗起樓，人口一樣會升)：
(1)訊號系統提升令班次大大增加、(2)霸王硬上弓
因為講真依家坑口同將軍澳上繁都上唔晒，搞到果邊開始有人搭調頭車先上到。
所以如果咩措施都唔做之下寶琳再減車(even有東九龍綫)，就只會將軍澳站繼續唔洗上.....

所以我建議條東九龍綫「"τ" tau字型」咁行，西以鑽石山起，東以科大止，正中心為寶達，南經油塘往康城。
係知道兩邊(寶琳、康城)分流效果都唔係太理想，而兩邊各做到d，出黎效果就會見得人。

康城比起依家果種「垃圾級」轉車方法，可以直出鑽石山轉係好咗好多，轉屯馬又方便，唔鍾意ge繼續調景嶺轉觀塘綫又得，仲要大幅加密班次，回程去程都有得坐。
而兩繁過港島有3個站任佢轉，多人/少人/有無位坐任佢揀，班次又密咗，唯一係怕多咗秀茂坪客一齊過海姐........
所以overall黎講，我會覺得咁樣會係個win-win solution。

ViviTse 發表於 2019-8-16 02:33
首先多謝你個反建議，等我都逐一回應吓先。其實好老實講，無論東九龍綫係出鑽石山又好、出油塘都好；對於 ...

淨係想回應分流問題
分流唔係淨係講緊而家住係地鐵站樓上班人
首先，寶林出彩虹以西搭我上面提出嘅東九龍線出彩虹係會快左，亦預計西貢會有人改搭小巴去科技大學轉乘地鐵，可以分流乘搭將軍澳線嘅乘客

按人口比例，最終寶林康城應該全日2+1，但如果冇理解錯，1+1會令將軍澳站至北角班次更密，將軍澳站更容易上車
最大問題理應只出在坑口，但因為前面寶林可以有東九龍線分流，坑口未必咁難上車

10598C 發表於 2019-8-16 03:22
淨係想回應分流問題
分流唔係淨係講緊而家住係地鐵站樓上班人
首先，寶林出彩虹以西搭我上面提出嘅東九龍 ...

hmmm 我大概明你意思(如有get錯請指正~)

彩虹以西係咪講緊采頤花園果頭？但如果彩虹站個位無變，只係行車時間縮短，係咪足以令乘客由巴士轉保鐵呢(因為地鐵站係遠d)。
就算係，又係咪真係個分流效果咁顯著呢(要步行一段路，變相令鐵未必有想像中咁吸引)，
除非有東九龍綫之後大cut所有彩虹西<>寶琳ge巴士線，咁就唔會係分流，而係「倒客落鐵」

而西貢轉車去UST搭東九龍綫又真係多唔多人呢？
如果係我，出彩虹ge倒不如直接92，過海ge不如直接101M，特登搭多程未必會係咁吸引(at least for去程)......


至於將軍澳綫「2+1/1+1」果樣嘢，我諗下繁寶琳可以用東九龍綫去分流九龍區->寶琳，但過海段無分流作用。
而上繁寶琳依家係唔點分流到(除咗轉屯馬綫之外)：
寶琳 -> 東九龍綫(有位坐) -> 鑽石山 -> 觀塘綫(分分鐘上唔到) ==> 伏
寶琳 -> 將軍澳綫(有位坐) -> 調景嶺 -> 觀塘綫(有位坐) ==> 正解
至於車程方面若東九龍綫取勝，相信亦只係10呤分鐘內ge事，班次疏密已經喺番度......
除非東九龍<>油塘段唔起，亦即係100%寶琳<>鑽石山，而將軍澳綫又收車收到「2+1」都無，咁到時就唔係分流，而係「倒客過去」。

至於坑口上唔到果樣就真係最大死症，上繁留後到開始有人搭到頭車先上到，
而如果呢個問題越黎越嚴重，成件事會係一個惡性循環：
坑口每程搭多5分鐘唔happy，寶琳減班得黎、天生總站唔一定人人有位坐唔happy，減完班變相將軍澳100%肯定唔洗上焗等下班唔happy，
(仲有唔好唔記得，康城係陸續入緊伙，人口持續增長，第日入伙之後，將軍澳站同油塘站一直當係「加班吉車」ge康城車，
分分鐘變成同寶琳車一樣「等下班車」；如果地鐵無所謂，就油塘迫爆；如果地鐵有所謂，就油塘會有特車，亦即係將軍澳段再削資源)
而康城果邊官方可以「(加密咗地鐵 =) 交通問題KO晒 + 巴士服務客量仍然全天候低迷 = 減少康城巴士路線 = 減班唔縮短 = 部分巴士資源撤出將軍澳」
而下繁係全個將軍澳一齊食(北角站&調景嶺站排隊位完全唔變，但個個去緊唔同terminus會更塞)

換言之，將軍澳綫一開二喺非繁係運作得到(再加上地鐵分分鐘都知無肉食，穿梭列車算數)，但一到未來ge兩繁，係可以炒晒，
加上到時將藍開咗(&東九龍綫開咗，令寶達果頭塞少咗)，唔知會唔會推翻d人上地面呢

所以如果有心解決康城果邊ge問題，兩繁用將軍澳綫拆「3+1/2+1/1+1」係唔實際，
寶琳車ge客量係唔會無端端significantly少咗ge，所以改變呢個ratio係解決唔到問題，而東九龍綫分流效果問心我自己都覺得只係一般。
所以我暫時諗到3個方法可以幫到手(但樣樣都係要錢，樣樣係錢亦都係我估當日點解康城就咁併入將軍澳綫就算ge原因)：
1. 寶琳就改建，一方面起東九龍綫，另一方面做到雙月台又好，咩都好，總之班次可以加密，如果唔係分分鐘搞坑口起載就大家都唔happy
2. 藍田/油塘過海果面起多條綫，鰂魚涌&北角月台double，但呢個係要用極大量ge錢，所以應該ban得
3. 康城站撥入將軍澳綫以外ge綫(e.g. 觀塘綫/東九龍綫/經康城-柴灣過海綫/康城-將軍澳版迪士尼綫)，但問題又係錢

再加上唔好忘記城規會好似喺將軍澳批咗地起樓，換言之將軍澳綫寶琳車塞爆緊ge時候係會即將有新客源，
如果康城車第日又多人，寶琳車又100%爆，咁即係將軍澳站都可以搭回頭車、觀塘過海喺調景嶺轉，即係全區乘車時間上調。
(P.S. 雖然講得有d遠，但事實就擺在眼前，站站上唔到係事實，而未來人口增長都繼續share一條將軍澳綫，到頭來到時先諗可能太遲)