hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (D) Diecast 模型討論區 公共交通有關商品 (D1) 沒有冷氣, 卻化身為瘋狂的老虎! (長文, 多圖注意) ...
開啟左側

沒有冷氣, 卻化身為瘋狂的老虎! (長文, 多圖注意)

[複製鏈接]
VocaloidMikuBus 發表於 2019-9-13 14:35 | 顯示全部樓層 |閱讀模式

                                    Advertisement





(麻帆良市時報記者キズナアイ報導)
はい、ども! キズナアイです~♥
依家大家經常坐到嘅空調雙層巴士, 佢地嘅空調系統都係由主引擎驅動,
喺驅動巴士行走之餘亦同時驅動空調系統運作, 堪稱身兼兩職,
所以引擎冇番咁上下馬力都難以勝任, 咁大家有冇想像過,
假如呢啲巴士唔洗拖埋冷氣, 佢地嘅行車表現又會係點呢?
九巴喺 1993 年引入嘅為數 50 部, 車隊編號 S3BL421 - 470 嘅 Leyland Olympian 11m 巴士,
佢地原本就係空調巴士底盤, 基於某啲政治原因
(Super Bus 按: 當時空調巴士尚未好似今日咁廣為大眾所接受,
而且使用空調巴士服務, 意味住代價就係要付出較高嘅車資, 而且以當時嘅社會環境,
因為空調巴士同非空調巴士車資差距問題, 市民亦擔心加入空調巴士服務等如變相加價,
加上當時受到空調巴士數目限制, 喺市民同壓力團體加上政府嘅壓力之下,
九巴亦只有順應民意, 喺引入空調巴士之餘, 亦引入一定數量嘅非空調巴士, 等市民有得選擇)
新車全部被去除所有空調組件, 並且以非空調巴士姿態示人,
由於呢批巴士引擎無須再驅動空調設施, 所以馬力超強,
亦被冠以 "老虎頭" 嘅稱號。佢地初期使用灰色內籠格局, 椅墊亦使用灰色設計,
加上使用黑色窗框同深色玻璃窗設計, 令人難以分辨呢批 "變種" 巴士,
但係後來因為難以清理, 好快就換上標準 "熱狗" 巴士使用嘅啡色椅墊,
呢 50 架 "老虎頭" 使用左同空調版 Leyland Olympian 11m 一樣嘅動力配搭 --
245 匹馬力嘅 Cummins LT10 引擎同 ZF4 HP500 四前速自動波箱,
但係正如前述, 由於佢地無須再驅動空調設施,
起步加速同轉波都比當時其他九巴車款快而強勁,
喺公路飛馳更有如 "烈火戰車", 無與匹敵!
呢批巴士喺九巴一直行走至 2010 年代, 最後一架服役嘅  "老虎頭" 巴士,
亦喺 2011 年 10 月, 即係距離九巴車隊全空調化大約七個月嘅時間退出載客行列。

今日, 麻帆良市隆重歡迎 Leyland Olympian 11m "老虎頭" 巴士登場!
呢款被稱為 "老虎頭" 嘅 Leyland Olympian 11m 巴士,
雖然作為九巴旗下 470 架同款非空調巴士嘅其中成員,
但係佢地喺車身細節上卻比佢地嘅前輩別樹一幟,
特別係佢地使用黑色窗框同深色玻璃窗設計, 加上車尾上層高高在上嘅太平窗,
成為呢 50 架巴士嘅最大特色, 亦令佢地 "老虎頭" 嘅形象更加呼之欲出!
市長 Super Bus 話, 記得 1993 年下旬坐巴士入屯門,
喺佐敦道見到一架全深色車窗嘅熱狗色巴士喺對頭線駛過,
佢車尾同 Olympian 差唔多但係車尾上層太平窗高到掂頂,
當時佢行 60X 返佐敦道碼頭, Super Bus 當時心情為之興奮,
知道九巴有新熱狗車啦! 喺同日回程坐 60X, 就坐中呢款新巴士,
一上車, 發現全車廂使用灰色格局, 有別當時九巴熱狗巴士標準嘅啡色配搭,
坐喺近上車門俗稱 "導航位" 嘅位置睇住車長揸車,
感覺巴士起步加速同轉波都比其他巴士快好多, 上屯公表現更加勇猛,
睇住咪錶指針已經好輕易過左 80km/h, 仲可以逢車過車,
絕對係除左當時人稱九巴 "車皇" 嘅平治之外, 冇其他車可以同佢匹敵!
出到九龍, 有個巴士迷走向司機位同車長交談, 作為同好嘅 Super Bus,
亦禁不住同佢地 "搭嗲", 喺言談間, 車長就指出 "呢架巴士原本係冷氣車架嚟㗎",
Super Bus 仲話, 當巴士就嚟到佐碼總站, 個車長仲向佢示範架巴士馬力有幾勁,
只見車長喺燈位前拉手掣再入空波, 然後踩盡油門幾秒之後再放開油門,
依然仲有六、七秒油去先至自己慢慢收油, 亦令 Super Bus 感到驚訝!
Super Bus 又憶述有一次坐 68X 入元朗, 當時佢坐冷氣巴士,
喺屯公途中赫然見到一架 "老虎頭" 由右邊中線殺出,
一口氣過左佢坐嘅巴士頭然後一直飛馳過哂其他車頭,
以依家嘅潮語, Super Bus 話真係可以用 "O咀" 嚟形容",
"原來 Olympian 都可以咁飛得嘅!!" 從此 Super Bus 對呢批 "老虎頭" 印象深刻,
亦令佢鍾意上呢批 "變種巴士"! Super Bus 仲話,
"老虎頭" 有 245 匹馬力, 唔洗拖冷氣都已經有咁強勁嘅行車性能,
今日新款嘅空調巴士, 引擎馬力郁下都有超過三百匹,
假如佢地同 "老虎頭" 一樣唔洗拖冷氣, 大家試下幻想一下,
佢地嘅爆炸力又會有幾勁呢?
今日到埗嘅呢兩架 "老虎頭" 巴士, 60X 正係市長 Super Bus 同呢款巴士第一次邂逅嘅路線,
絕對係別具意義, 87D 亦係佢第二條見呢款巴士行走嘅路線,
佢地今日以新車落地時嘅姿態, 重現佢地昔日嘅風釆!!


隆重歡迎! 九巴 Leyland Olympian 11m "老虎頭",
同新巴矮身版 Dennis Trident 10.3m 雙層巴士, 見參!!



今日同場仲有新巴嘅矮身嘅 Dennis Trident 10.3m 雙層巴士到埗






新巴 3301L @ 15, 證書編號 0861, 全球限量推出 1433 架




S3BL423 @ 60X, 證書編號 0247, 全球限量推出 488 架




S3BL455 @ 87D, 證書編號 0191, 全球限量推出 488 架


正式落地!!




首先請新巴矮身版 Dennis Trident 10.3m 雙層巴士, 3301L 登場!!
佢亦係新巴首架矮身版 Dennis Trident 10.3m 雙層巴士




位於香港島嘅山頂道, 係所有來往山頂嘅車輛,
包括來往中環碼頭及山頂嘅新巴 15 號線巴士嘅必經之路,
由於沿途除左狹窄多彎之外, 更要經過加列山道天橋 (又稱渣甸橋) 嘅橋底,
而該橋底嘅高度只有 4.1 米, 因此行走呢條路線嘅巴士,
除左無法使用超過 11m 長嘅巴士之外, 更要使用矮身版本嘅雙層巴士行走,
喺中巴年代, 行走15 號線嘅雙層巴士款式, 計有最初使用由單層巴士改裝而成,
車隊代號 LS 嘅矮身版佳牌阿拉伯五型 (Guy Arab V) 雙層巴士,
1970 年代引入嘅 30 架短陣版 Daimler / Leyland Fleetline (SF 2-31),
同喺 1980 年代引入嘅 6 架 Dennis Dominator (SD1-6),
一直到 1998 年新巴接手中巴嘅專營權, 當時由中巴過檔嘅 SF 巴士已經年事已高,
為針對渣甸橋橋底嘅高度限制, 新巴於 1999 - 2000 年間,
特別引入 40 架由 Duple Metsec 提供車身, 全長只有 10.3m,
高度只有 4.17m 嘅 Dennis Trident 低地台三軸空調雙層巴士
(3301L - 3340L, 其中 L 代表矮車身 Low height 以資識別, 後來已取消) 行走呢條路線,
其後喺 2002 年再增購20架同型號巴士 (3341-3360)。
隨住佢地年事已高, 呢批特別設計嘅巴士已於 2018 年退役,
並且由全新, 同樣係為新巴度身訂造嘅 ADL 矮身版 Enviro400 巴士接棒




新車新落地時嘅車身宣傳廣告, 話比大家知佢嘅特別之處,
另外留意車側路線牌箱係印喺車窗上,
以今時今日嘅標準, 或者有啲人會覺得唔鍾意,
但係對於在下嚟講又覺得冇乜大問題






車尾宣傳廣告, 把黃色間尺話比大家知佢車身只有 4.1m 高至為吸引






同新巴 Duple Metsec 車身 Dennis Trident 3 10.6m #3601 相會




相同嘅車身, 但係大家卻有分別
來一個對比先~








新巴的 "矮仔"












__________________________________________________________________________

跟住就係本文主角 -- 老虎頭登場啦!!



S3BL423 @ 60X, 無論係第一次見到定係第一次坐到呢款巴士, 都同 60X 拉上關係,
今次呢款 "老虎頭" 出新落地仕樣仲要行 60X, 絕對冇可能唔支持!!
今次呢兩架聽講 QC 奇差, 連某誰哥都話揀唔落手要等第二批貨,
今次呢批 QC 冇問題, 而且啲轆推得好順,
冇人地所講嘅 "拉手掣" 嘅情況出現
















S3BL455 @ 87D, 87D 亦係在下第二條見呢款巴士行走嘅路線
















同 2002 年其他廠推出嘅同款巴士相會


"老虎頭" 果然係新落地黑轆全灰色內籠加大 "九餅" Logo 先至有味道!!


來一個對比先~~
新模果然更有真車味道, 舊果架真係丟得落垃圾桶...








加本人中學時嘅手作仔












特別容串 -- 中巴同款巴士, 人稱 "瘋狂巴士"


大家一齊上屯公鍊番轉, 到底邊架會贏呢?


真車相, 姊妹車 S3BL450 同樣行走 87D




1993 年底外購相, 行走 68M, 留意除左仲未裝有路線牌,
連車隊編號都未有, 查證車牌 FP8167, 車隊編號為 S3BL422


S3BL467 攝於 1994 年九巴屯門㤻總修中心外,
留意前文提及嘅自製巴士就係以此為車隊編號








攝於 1994 年初屯門九巴車身裝嵌廠,
當時車廠正如火如荼地為同樣係冷氣底盤改裝而來嘅 Dennis Dragon 11m "密龍" 熱狗巴士裝嵌車身,
只有呢架 "老虎頭" 連同其他已完成裝嵌 (或者接近完工) 嘅 "密龍" 巴士停放於廠外,
未知佢係咪九巴嘅最後一架 "老虎頭", 亦係九巴最後一架 Leyland Olympian -- S3BL470 呢...?






Thanks for reading~
Doki Doki!
KMBe500 發表於 2019-9-14 14:07 | 顯示全部樓層
S3BL揀咗我2個鐘,陰公。我未見過一款車咁恐怖
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-28 19:00

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表