東鐵線列車出軌

其實十二卡冇咩好拗，如果政府立即研究第二南北鐵路，減卡唔係問題，因為東鐵綫問題太多，包括大埔至火炭不時有樹木倒塌、九龍塘至紅磡因被投訴噪音問題而被迫減速，再者依家東鐵綫其實好多時到大埔墟已經企滿，係去到火炭有批人落車返工先有位載大圍馬鐵客，北區人口嚟緊會多十幾萬至四十幾萬人口，當務之急開多條南北鐵路去分流北區大埔客落市區更為實際

solomon 發表於 2019-9-23 21:35
科技進步解決問題? 咁係咪等返十幾廿年再起? 一話起左先睇下科技會唔會係工程進行時進步?

>咁佢用當時英 ...

到今時今日, 過海要改十二卡, 其實難度都同由頭規劃一條新鐵唔差幾遠.
起多條隧道係認真有需要. 但要做既工程遠不止起多條隧道.

除非諗縮數, 繁時東鐵一班九卡過海, 一班十二卡去返紅磡舊月台, 過海隧道得一抽車, 咁就唔洗錢. 但班次密度都會比全部九卡低少少, 因為十二卡車要既lead time 較長. 唔知有幾多人接受呢

Toz 發表於 2019-9-24 20:05
到今時今日, 過海要改十二卡, 其實難度都同由頭規劃一條新鐵唔差幾遠.
起多條隧道係認真有需要. 但要做既 ...

如果當初有預算，就算預留做定，都唔會等同建新鐵路價錢，何況現時建新鐵路，價錢又幾何級數地上漲了，根本班人得過且過，當年怕上立會話大花筒，結果用最低預算，但求過骨就算，然後等退休！當年決策嘅，仲有幾個留喺度？可惜依家班下手，連監管質量都做唔到，仲話要規劃未來？手上幾條線仍然等待上馬，南北線迫爆由佢囉，佢哋返公唔使搭鐵嘅。

無話接受唔到長短篇，係鐵路公司仍然理想地認為九卡走天涯！長短篇只能頂住個爛市，叫做有好話無，但亦即表示九卡根本頂唔住，規劃一早已錯。咁應該起新鐵路吧，時間何時最適切？我諗針唔拮到肉都同唔知痛，希望唔使九車行咗十年先有方案吧！

RyanPun 發表於 2019-9-23 12:46
我唔肯定當年九鐵有冇公開講過東鐵十二卡過海嘅問題，我可以肯定一定唔係錢可以解決到，真係想東鐵十二卡 ...

《新鐵路基建設施消防安全規定制訂指引》
左睇右睇都唔覺同卡數有咩關係。

官方口徑係港島區空間不足(資料來源)─

東鐵線將連接沙中線南北段途經紅磡至會展直達金鐘。在該過海段沿線建站空間也非常有限，經詳細研究後，最多只可容納九卡長的月台。

除非拆樓技術上不可行，否則確實係錢可以解決嘅問題，只不過係天價噉解。既然定左2031年做設計年，而根據推測到2031年九卡足以應付，噉無謂畀天價去收樓啦？

Toz 發表於 2019-9-24 20:05
到今時今日, 過海要改十二卡, 其實難度都同由頭規劃一條新鐵唔差幾遠.
起多條隧道係認真有需要. 但要做既 ...

如果玩到長短編，仲要長短棍(只有短編組嘅部分過海)，咪浪費咗過海段一半容量囉！
咁倒不如照返最初設計俾馬鐵過海，短編密車，每小時運載嘅人次仲多！