鐵路停駛,巴士是否出現每班頂閘

MCMoore 發表於 2019-10-10 20:57
觀繞下繁真係死症，當然根源係大老山容量，所以我唔明運吉諗得出獅隧挖多條，點解唔諗埋一份大老山可唔可 ...

其實當大家諗擴充隧道容量、開新路接駁等此類建議時，
唔知有無諗過是非營業車輛(即私家車)過多既問題？
又或者有無諗到係整個系列既道路網已經飽和左呢？

以我這位搭左682十幾年既常客黎睇，
睇住下繁觀繞龍尾由未起啟晴德朗時既彩虹邨，
去到而家Megabox，連以往做節打風先會出現既龍尾都變成常態時，
我地係咪唔係淨係應該諗方法點去避塞車，
而係諗道路網係咪已經飽和左？
唔記得左係政府自己定係政黨做過調查，
道路網飽和的根本原因正正是人口增長帶來通勤需要，
私家車增長速度係遠超過道路網的增長。
當一條道路在同一時間容納唔到咁多車既時候，自然會造成塞車。
當然，在我地小市民既立場，根本除左諗方法避塞車外就做唔到d乜。

作為馬鞍山人，呢兩年我都聽唔少「一到上繁大老山公路/亞公角街塞車、
龍尾去到欣安邨」之類消息既時候，就已經知道馬鞍山出市區既道路已經飽和左。
烏溪沙再入既十四鄉一帶，而家起緊一堆面積有太古城/沙田第一城/麗港城咁大既屋苑，
呢堆屋苑入伙之後，黎緊馬鞍山既塞車情況將會比而家更嚴重，到時係兜西貢都無用。
(而家就算兜西沙公路出市區，都一樣避唔到清水灣道/將軍澳隧道既塞車)

T277 發表於 2019-10-11 23:25
74A縮線係因為何達文時代產物
為左Cut車所以縮線入九龍灣工業區, 順便搏下有無內街客
初時客量係有增長,  ...

支持縮線本身74A已經無利可圖....
根本應該好似251M咁cut 淨全日3班就算

AVW28 發表於 2019-10-12 09:35
其實當大家諗擴充隧道容量、開新路接駁等此類建議時，
唔知有無諗過是非營業車輛(即私家車)過多既問題？
...

呢幾日公共交通不穩之下，不排除有部分holiday driver改為駕車返放工／送仔女返放學，或原本park & ride改為直接出市區，令塞車情況更嚴重。

我估呢班人試過駕車之後，即使公共交通完全恢復，都可能會繼續駕車，因為靈活性大好多，就算塞車，都好過在巴士上塞或在港鐵裡迫。

根據我自己的截圖，10月4日大約19:30，入大老山係塞到東隧出口／將隧出口，觀繞觀塘道固之然全塞，偉業街都塞到九龍灣驗車中心，新清塞到安達臣道。而大約半個鐘之前，東隧龍尾係沿東廊斷斷續續去返銅鑼灣。

呢兩日開返觀塘站，睇落觀塘道搭巴士的人潮有所減少，往沙田方向亦暢順得多。

AVW28 發表於 2019-10-12 09:35
其實當大家諗擴充隧道容量、開新路接駁等此類建議時，
唔知有無諗過是非營業車輛(即私家車)過多既問題？
...

上繁觀繞好少塞，通常係因為東隧塞所以龍尾排到去藍田站/麗港城。加大咗大老山個容量之後要考慮嘅係龍翔道，但呢樣可以同彩虹邨重建一齊規劃。但係下繁日日龍尾megabox，明顯係大老山容量問題。同埋大老山變三線後馬鞍山塞車會改善好多