點解城巴73延長數碼港,而非城巴48?

miklcct 發表於 2019-10-16 21:38
最初數碼港係有970P先，當年未有971。如果一開始無970P嘅話應該已經唔同講法啦，可能971唔會再放石排灣， ...

其實我唔太明你既意思，當年970一線走天涯，然後數碼港發展所以要開970P，再然後因為數碼港要全日隧巴所以970正式分定成970/970X。
如果971放數碼港，咁970咪要拉埋上石排灣？970系得番一條線，繁時咪要開1分鐘一班塞爆西營盤？

當年未有西港島線，HKU學生仍然依賴970系過海，所以可以支持970/X分拆，同時兩線都保留較頻密班次。970/X拆法係當時一個非常合理的方案 (雖然拆完的第一年，970同970X的班次太懸殊，搞到置富/香港仔就黎反枱)，香港仔班次唔太疏，又唔駛硬食970，970行完華富去數碼港亦十分合理。
不過時至今日，970/X的班次大不如前，客源亦被西港島線嚴重影響，所以分成兩條線對各區乘客都沒有好處，寧願要條密線好過。X車不經華富同西營盤慳約10-15分鐘，不過疏車一倍，回程先至最搵笨，飛華富快8分鐘，但疏一倍，置富仲慘......
相反而家904/970/970X/971其實有空間執執佢，至少返南區睇下有冇得2合1，班次穩定之餘又密左一倍

話時話73數碼港-黃竹坑段多唔多人搭?

2076 發表於 2019-10-17 01:28
當年未有西港島線，HKU學生仍然依賴970系過海，所以可以支持970/X分拆，同時兩線都保留較頻密班次。970/X拆 ...

970喺數碼港兜成咁，兜哂成個華富、薄扶林、西營盤先過海，重要兜埋佐敦油麻地先到旺角，繁忙時間車程都成55分鐘，俾我肯定唔會喺繁忙時間搭。去旺角對上搭58小巴轉904快勁多，車程夾埋只係35分鐘（不過架小巴等幾多架先上到係好大問題，呢個情況有904 ETA都無用），去油麻地就肯定58小巴轉西旺紅小最快，去佐敦嘅話就搭10小巴轉返970X最快，不過架10小巴係天價。坦白講我喺數碼港係連30X都嫌慢，要兜薄扶林，出中環去下碧瑤灣搭8X好過，開車4分鐘到瑪麗醫院。
不過去到假日，970喺數碼港開車，42分鐘就已經到旺角，同971R相比只係慢2分鐘，完全屬於可以接受嘅水平。