點解除咗973之外，其他去九龍嘅西隧線都唔過彌敦道？

1. 旺角、太子、深水埗本身以彌敦道為中心發展，所以904、905、970/x、971停彌敦道已經夠cover到大部份客

2. 路面設計不利汽車橫過彌敦道，彌敦道以東好多路都係只限西行，油麻地至太子得界限街、旺角道、窩打老道；界限街要兜大圈先入到；旺角道有104，兼且無乜客；窩打老道都係嗰句，無乜客，橫掂都係點解唔行晒成條彌敦道

3. 紅隧線已經cover咗康莊道公主道以東嘅地區，紅隧線由出隧道口起每個站都係多客嘅地區

相反西隧線兜太遠，就算中西區起步去上述地方都係行紅隧着數，好似2.所講柯士甸道、佐敦道、窩打老道塞車兼少客；上西九龍走廊都係塞車。九龍西橫過彌敦道得呢幾條路，點計都無紅隧咁好 (當然繁時行西隧行車時間較穩定，所以西環觀塘紅van會咁行)

4. 至於彌敦道以東公主道以西嘅地區無乜客，尤其京士柏一帶直頭係不毛之地，好難畫到一條多客既路線

5. 一句講晒無客咪唔行，你見其實西隧線如905、914都係每況愈下，金鐘灣仔去彌敦道計埋塞車104未必慢過905；914更係佼佼者，唔經彌敦道行內街食晒西北風，如果有西隧新線向東行相信情況同以上兩線相若，甚至更差

巴士公司唔係開善堂，冇錢賺嘅線唔會開(18x除外)，隧道線更加要賺到盡

GD1570 發表於 2019-11-25 11:13
其實你認為尖沙咀過海搭港鐵快定巴士快呢？

望望以前條100定100D就已經明晒啦！ ...

假如以海港城黎講，最快分分鐘係天星小輪。

紅隧同西隧地理上好接近，但係彌敦道以東無一條路唔塞車去到西隧
既然行紅隧或者西隧都要塞，咁緊係揀條平一大截嘅紅隧黎塞