建議 296E 尚德 <> 寶田 / 經葵芳,荃灣,屯門市中心

3ASV174 發表於 2020-3-8 23:58
一班半班直去屯門未必無市場既，如果加停黃大仙都已經幾穩陣，但佢又想做將隧直達荃葵，咁就注定市區停都 ...

一條村巴 A 已經將呢條線殺得
兜埋荃葵，隨時輸死

真係咁想做大佢咪同地鐵鬥快玩半直通
康城 - 尚德 - 黃大仙 - 葵芳 - 荃灣 - 屯轉 只停 6 個站同條鐵鬥，好似 W3 咁做長途流水

tonychow 發表於 2020-3-10 10:15
真係咁想做大佢咪同地鐵鬥快玩半直通
康城 - 尚德 - 黃大仙 - 葵芳 - 荃灣 - 屯轉 只停 6 個站同條鐵鬥，好 ...

其實本身將軍澳出行龍翔，青葵同汀九橋去大西北係肯定快過鐵

但係其實咁改都只係加康城同黃大仙去荃葵有人上。荃葵由於行工廠區所以係完全唔會有人搭去屯門，黃大仙有258快靚正直達工業區同IVE。
如果係咁，咁我開290分支咪得，大西北嗰啲咪用258/259名義開分支，直去而唔經荃葵

Anonymous 發表於 2020-3-8 22:27
得罪講句，呢啲建議真係有啲益智

尚德一站直出可能連一邊都坐唔爆，跟著將隧塞，觀塘道又塞

尚德客量可能不足呢個問題我有考慮過，但之前將南有幾位版友堅持話290,290X尚德佔客量唔少、繁時好多人296A出去轉40，
所以打算試辦性質只開兩繁，經藍田(將隧轉乘站)特快出葵芳，順便入埋屯門增加客源+收足特快價。
長遠會按計劃延長到將軍澳醫院、加經坑口、將軍澳南、六幹(將藍隧道、西九龍走廊)，更快出到葵芳，未來客源會更廣。
短期內296C、296D、290X本身將南客量平平，不如試辦性質抽去296E睇吓有無客，長遠更吸走少少290客(將南&坑口段)，
特別係去荃工嘅客。另外，296E個建議係for尚德/將軍澳去葵芳/荃灣/屯門通勤客，
服務時間方面唔係for屯門客番屋企，只做兩繁用車方面問題不大，亦夠cover成本掛

覆埋你另一個reply(#7)：唔直接去屯工嘅原因，係因為唔係所有去屯門番工番學嘅都會去工業區，
有部份係去市中心，又或者市中心轉車，所以建議停埋市中心，至於友愛果度我睇埋其他板友建議決定飛走(稍後改番#1)。

去葵荃嘅人(只要係呢條線沿線落車，例如沙咀道)，應該會選擇呢條線多過290X，因為未來經六幹會好快，來回每程平均只係貴$3.9。
去屯門嘅人(只要係呢條線經嘅區)，應該都會選擇呢條線，因為一程過會好過觀塘道轉完車再塞車，
加上呢條296E連觀塘道、龍翔道都唔停，未來更會改行六幹，時間上應該唔慢得過62X,258D等等。

tonychow 發表於 2020-3-10 10:15
真係咁想做大佢咪同地鐵鬥快玩半直通
康城 - 尚德 - 黃大仙 - 葵芳 - 荃灣 - 屯轉 只停 6 個站同條鐵鬥，好 ...

只停6個站唔係咁可行，如果停得屯轉而唔入屯門，咁不如296A轉258D啦。另外，行六幹停唔到黃大仙。
荃灣只停一站亦無意義，呢條線參考咗33，諗住停工業大廈沿線，而非同290完全重疊。
而拉入康城(而唔跟原定計劃入將軍澳醫院、將軍澳南)亦無意義，康城公共運輸交匯處更唔見得多人搭過環保大道沿途各站。
仲有按番客量需求會原定計劃高d，加上如果入得康城就會係康城尾站，換言之尚德無尾站，即係唔經尚德。

ViviTse 發表於 2020-3-10 17:28
只停6個站唔係咁可行，如果停得屯轉而唔入屯門，咁不如296A轉258D啦。另外，行六幹停唔到黃大仙。
荃灣只 ...

呢個位係我講得唔清楚，屯轉後當然入屯門啦，架車返車廠都要 重點係我指市區只停幾個站，做半直通
唔明點解堅持行六幹，停黃大仙有其半直通戰略意義，特別依家政治環境下，同鐵鬥快嘅線有其市場，之後亦可以再加 BBI，快先係重點
做康城定工業區，我無特別意見

tonychow 發表於 2020-3-10 18:04
呢個位係我講得唔清楚，屯轉後當然入屯門啦，架車返車廠都要 重點係我指市區只停幾個站，做半直通
唔明 ...

我建議行六幹嘅原因，係因為行龍翔道得四個選擇：(1) 行觀塘道：近年越黎越塞，就算一個站都唔停，都可以無啦啦塞走幾個字
(2) 行觀繞：觀繞無咁塞，但觀繞轉上龍翔道果個位衰，要落一落九商區先駁到上去，兩繁塞一塞又死
(3) 行清水灣道：落彩虹果個位好塞，一直塞上彩雲，而安秀道加咗燈位之後就再塞到井欄樹，
　　　　　　　　連轉去飛鵝山都唔會快咗；下繁仲要塞埋影業路個迴旋處添
(4) 行寶琳路：即係行觀塘山，就會加站，同埋要塞安秀道燈位，於是只係貴版290

如果唔行龍翔道，可以行漆咸道，但後果更塞。
如果唔介意成本，可以行東隧、中灣繞道、西隧、西九龍走廊，應該快d但貴到應該無人會搭。
結論係得六幹先至有可能避開主要塞車位，當然油麻地都可能會塞，但咁多條黎講應該最好。

btw 就算加停黃大仙係順路，都係該客量唔高，一來去葵荃搭咗40/290/A/X (上唔上到另一個問題，但同296E關係不大)，
二來去荃工區搭咗33，三來入屯門搭咗258系、62X、259系等等，應該無咩客會搭咁疏嘅296E。
往尚德方面，黃大仙去尚德本來有疏少少嘅E22A，但如果頂唔順佢疏嘅應該搭咗290/A/X，所以應該停唔停都得。

最後熱狗 發表於 2020-3-9 03:34
將軍澳要屯門線我覺得最大可能性係拉258P入去，再喺屯門改停市中心一嚟做多水客可以全日，二嚟厹司可以名正 ...

拉258P我變相cut咗藍田，同埋經將隧會收貴咗，應該無咩可能過到觀塘區會。
我個人認為除咗點對點/全流水之外，就一係區內兜，一係出咗區先兜。
296C就正正係出咗區先兜嘅例子(尚德係好直接，但出咗區之後去晒觀塘道、新蒲崗、旺角、長沙灣多個目的地)，
296E亦都希望參考呢點(尚德好直接，出咗區之後去葵荃、屯門)。

客量方面會有擔心，所以希望將藍通車之後，兜埋將軍澳南(至善)、將軍澳醫院(坑口)，
到時近半個將軍澳都可以合理時間地出到葵荃/屯門，應該有一定吸引力。
全日就應該難d啦，一來巴士公司唔會同你搏，二來非繁客量唔係真係咁多，
就算有，都唔係去工業區，即係繁時同非繁要兩set走線，亦即係全日唔到