有西貢區議員詢問居民對過海線看法

RH7685 發表於 2020-4-26 10:28
1.694拉入西貢雖然係有啲天馬行空
但E21都可以有雙向分段
你所講嘅「長途線」要整並唔難

- 將南雖則唔係客倉，但將南喺亳無jetso嘅情況吓，應該無咩可能無端端肯比你抽走佢個總站，話晒係全日唯一一條過海車。
小巴係唔關事呀，所以將軍澳本身嘅巴士要整雙向分段（尤其係過海車）係唔容易嘅事，除非即日來回/整個拍卡機。

- 咁事實係與694無咩可比性嘅53/64K/E車有無分段收費，都唔關694事，所以唔能夠睇53頭就話694應唔應該加。

- 買餸係原因之一。我諗如果大家都同意雙向分段個困難係大嘅，98改道後其實可以試吓整部拍卡機放厚德商場，
或者設即日來回優惠；如果真係嫌整部機都嘥cost，又覺得98可改道，咁就當係試水温咁改道(甚至單向改道)先，過一排再檢討加唔加。
btw 其實你覺得113上唔到車果個問題有無得搞呢？(呢個真心討論嘅，因為見某區議員鬧足咁多年，但情況始終無點改善)

我係咪可以講一邊有冇直出，同另一邊有冇直出，冇咩大關係？

你咁講又錯唔晒。都係果句，係睇吓你講果「一邊」同「另一邊」有無可比性，正如你唔會拎「大埔廣福邨」有幾多條直出線，
去同「康城環保大道」比較，因為兩者嘅人口密度、地理位置等等嘅characteristics都完全唔同，可比性相當低。

舉一個我認為有一定可比性嘅例子：市中心尚德有直出尖咀線296D、寶琳有直出尖咀線98D、將南有直出尖咀線796P，
但康翠只有繁時幾班，而康翠地理位置、人口結構等等同寶琳相近，亦相信有一定客量，所以我都支持康翠有全日尖咀線。

另一個例子，市中心尚德直出觀塘道轉巴士有296A($0.9)，寶琳/康翠直出觀塘道轉巴士有98A($1.9)，
康城直出觀塘道即將有98(估計都一樣會有轉乘優惠)，調景嶺總站直出觀塘道轉巴士可以坐觀塘綫($5.7, 所以轉乘作用已經麻麻)。
惟獨坑口出觀塘道轉車要坐102($9.6)，價錢足足比同樣喺將隧旁邊嘅尚德貴近十倍 967% ，亦都係轉乘作用極差嘅原因。

舉多一個例子，市中心尚德出旺角有296C，將南直出旺角又有796C，寶琳/康翠直出旺角亦有98C，坑口雖然慢但都叫有98C。
惟獨康城無全日車出旺角，雖然多年黎人口仍然不及其他小區，但我相信仍有能力做嘅，亦係我多年黎同意開康城全日出旺角嘅原因。
可惜依家98同797開兩條出觀塘，都唔揾一條落旺角，遲吓再要爭取嘅時候，好可能巴士公司會叫你轉乘就算。