呢個「旺角」巴士站，吸客定趕客？

各位都係返嚟討論24，想討論27及213D有勞另開新帖。
有板友指出24在啟德服務範圍的樓基本上已入伙，客量已經見頂，無謂再自high，小弟非常認同，所以一定要開拓九龍灣或西九龍客源，否則只會愈做愈霉。

至於啟德枝標，我都十分同意九巴一定無全力投，因為睇到獨市位唔夠肥，反而安達臣真係啖啖肉！

pccpkl 發表於 2020-6-20 01:46
呢個topic
本身講24
24比人陰乾既其中一個原因

其實九巴24自1990'S轉11米車和開辦頻密九龍46,70系綠小巴個一刻都開始已經Hea做,只不過係借經啟德新區個焯頭去減少蝕錢吸客(情況同九巴條9仔上四彩和將來拉上安達臣發展區的11X一樣)!!
btw,九巴27,26同24一樣都係蝕錢線只不過因為27,26沿途全部係獨市位所以先比24高好多(旺丁唔旺財),所以根據紅巴定律咪自然唔會同1A,98C,98D呢類盈利稍高的線會用太多曬命車行走.

kaiyip24 發表於 2020-6-22 17:29
各位都係返嚟討論24，想討論27及213D有勞另開新帖。
有板友指出24在啟德服務範圍的樓基本上已入伙，客量已 ...

24下繁班九龍灣特車搞到條線班次更加不穩
全日入九龍灣即係連出旺角尚算準時嘅優勢都放棄
啟德麗晶又肯唔肯先？

GU9338 發表於 2020-6-21 10:52
就咁睇用車係咪太片面 ?

27 假假地都無大 cut 班，尾車明明有 N216 接住都仲拉到 0030

話晒27出旺角都獨市
四順又少線出到旺角
無大cut班都合理

98C cut 班係因為要比車290
同拉車俾安達線
寶秀又多條214
搶左98C唔少西九客

kaiyip24 發表於 2020-6-22 17:29
各位都係返嚟討論24，想討論27及213D有勞另開新帖。
有板友指出24在啟德服務範圍的樓基本上已入伙，客量已 ...

啓業邨以北宏照道會起新公屋, 所以24潛在客源尚未見頂, 只係呢班未來新住客buy 24多啲, 定係行兩步出觀塘道搭1A 2A 2X 13D 16 296C呢, 出旺角應該肯行, 但回程觀塘道落車唔就腳, 旺角上24機會唔係冇.

24本身收得平, 當觀塘道收緊$5.8-$7.2出旺角, 24收入低, 班次疏係預期之中.

麗晶有46小巴, 如果24往旺角用麗晶8座出, 不停麗晶商場 宏天廣場 德朗邨, 麗晶 啓業 新公屋車程都快咗, 吸番行出觀塘道嘅客, 增加番客源, 但德朗邨客行前去啓晴邨上車, 宏天廣場冇站, 唔停麗晶商場, 則無助於擴闊客源, 同時九巴收入未必會多咗, 好睇46回流客係咪多過觀塘道巴士回流客.

24要擴闊客源, 一係九龍灣商貿區-旺角, 一係啓業-深水埗, 前者會make sense d, 九龍灣商貿區無全日旺角巴士路線, 缺點係班次會變得更加不穩, 要加派車輛行走維持班次.

加派的資源能否帶來收支平衡, 個人並唔睇好, 九龍城-商貿區有22 22M, 啓德-商貿區有22 22M 28B, 當繁時經九龍灣特班無論車程和客量都不如理想, 旺角 亞皆老街-商貿區非繁需求存有疑問.

796E由將軍澳開出九龍灣去旺角, 同24啓業開出九龍灣去旺角, 一樣受制於宏照道一帶交通嚴重影響, 班次變得無定向, 所以要吸引九龍灣商貿區乘客, 由九龍灣總站開出才合適.

可以的話, 107和24調換總站, 107擺啓業, 入九龍灣商貿區返工客就唔駛宏天廣場落車行, 或者兜完麗晶一圈先施施然落宏照道, 耽誤乘客, 改為啓祥道天橋後轉入宏照道南行, 最多人返工嘅地方, 常悅道後經宏光道去宏天廣場 麗晶 啓業, 而24只需簡單地延長走線, 行啓業總站與常悅道間一段宏照道出入九龍灣總站.

至於改為啓業-深水埗, 純粹FF, 改經太子站 汝州街 欽州街 荔枝角道, 再出番彌敦道或上海街轉入旺角道, 會增加塞車風險, 而且呢段路塞車唔係嘢少, 九巴用開$5.8-$7.2做深水埗, 2A 2X 296C啓業邨有站, 新增客源料集中於宏天廣場和德朗邨, 不過站點只限於此, 客源仍然好窄.

EX-TL 發表於 2020-6-28 14:39
啓業邨以北宏照道會起新公屋, 所以24潛在客源尚未見頂, 只係呢班未來新住客buy 24多啲, 定係行兩步出觀塘 ...

2X 42繁時爆瀉，24去深水埗至少有位坐先

Ricky403 發表於 2020-6-23 14:27
24下繁班九龍灣特車搞到條線班次更加不穩
全日入九龍灣即係連出旺角尚算準時嘅優勢都放棄
啟德麗晶又肯唔 ...

應該話啟業麗晶居民會否「欣賞」24「準時開車出旺角」這個優點都成問題……
麗晶居民一早熱愛小巴，啟業居民一出大路已係1A/2A車海，有幾多非兩蚊客會甘心留低等20分鐘車？

由九龍灣開，至少對九龍灣返工客而言還叫「獨市」，雖然附近有出旺角紅小，但紅小的頻密及載客量遠不及
麗晶條小巴，加上做埋流水，行承啟道出又可以避咗偉業街天橋塞車位，又唔使好似九龍灣特車咁走去傻更更
塞消防局燈位。

條條九商繁時線都係行大昌燈位走，條條都風生水起，係行消防局先累事，你睇24九商特車下繁從無加班就知
班客唔受，定線根本出事，仲要累埋宏天靚位亂晒班次，結果走咗批客去坐20。

EX-TL 發表於 2020-6-28 14:39
啓業邨以北宏照道會起新公屋, 所以24潛在客源尚未見頂, 只係呢班未來新住客buy 24多啲, 定係行兩步出觀塘 ...

新公屋遠水不能救近火，而且規模都細，遠不及安達臣，恐怕捱到入伙24都無乜著數呢！不過我同意你所講，返啟業可能相對執多幾個客。

在我而言，九龍灣值得做，亦應該一早做，1998年的RDP曾經提過延長，可惜之後沒有下文，不然廿年來已早著先機有熟客底！本來而家想做
都未太遲，可惜九巴仍然諸多顧慮，唔知點解條條線都唔怕塞車，係24先怕塞，我又唔見24咁「準時」好受啟業麗晶啟德街坊的歡迎；相反，
「等好耐先一班」、「行好遠先有站」、「曬到死都無車」……係我搭24經常聽到班客的怨言，不過都唔係好多個，因為24都唔係好多客！

24唔同27，在住宅區的獨市位嚴重不足，如果唔在市區旺位增加客源(例如延長路線、增加就腳客位)，基本上只會繼續「縮」落去咁做。

P.S.諗起呢幾日驕陽似火，成個下晝真係搵阿水去呢個站等車！

kaiyip24 發表於 2020-6-30 15:56
新公屋遠水不能救近火，而且規模都細，遠不及安達臣，恐怕捱到入伙24都無乜著數呢！不過我同意你所講，返 ...

kaiyip兄愛之深恨之切 曾經我都係24常客，其實唔使諗到深水埗西九咁遠，只要做番好旺角就可以改善營運。(請參考#61)
九公司唔好再咁迂腐，請打造優質短途流水線 → 班次10-15/20，行多D環境合適嘅內街令站位更加就腳，
儘量揀避燈位避塞車嘅路線，做下宣傳，累積口碑，慢慢就會儲番原本D客，甚至搶番黨鐵、20、46嘅客！