城門隧道轉車站問題

henrypong 發表於 2020-9-15 22:55
你地答案都係我既唸法但我見以下舊文，若果司機沒有調較至0元，可否要求改車費?
https://hk.on.cc/hk/bkn/c ...

其實live chat個cs咪講岩左 係佢個結論錯左之嘛
就係因為第一二程冇轉乘(因為”第二程”係分段 即係系統上既”新第一程” 所以咪可以”你眼中既第三程”系統眼中既第二程有轉乘優惠囉)

佢答城隧轉車都當轉乘先會驚第三程冇優惠!
正如我有次搭298E 轉左290 再轉61X
睇番61X冇5蚊轉乘優惠  就係見到咁 我先可以安心屯轉再搭多程
如果61X已俾埋290既5蚊轉乘我 即係已經二次轉乘 就唔敢搏去屯轉要俾多8.4喇


有時要分開我哋嘅諗法 同埋 系統嘅諗法  仲有cs嘅諗法  同埋車長嘅諗法


(車長嘅諗法 俾個例你 有次牛頭角站等車返屯門 見到258D仲寫住藍田站 我同司機講  佢指住八達通機話呢部機岩嫁喇(暗示我快啲拍卡唔好阻住清龍) 然後指住個電牌  陣間我轉番

henrypong 發表於 2020-9-15 22:55
你地答案都係我既唸法但我見以下舊文，若果司機沒有調較至0元，可否要求改車費?
https://hk.on.cc/hk/bkn/c ...

根本城隧見到$0和無需繳費車資個牌就唔應該拍卡,因為根本唔會有人噤!!

至於,點解當時城隧有$0分段情況好像因為當年部份線有回程折扣優惠所以咪整個呢怪分段作識別(但就唔知點解優惠完結後又剷除並繼續保留)??

lsc04d11 發表於 2020-9-16 08:07
其實live chat個cs咪講岩左 係佢個結論錯左之嘛
就係因為第一二程冇轉乘(因為”第二程”係分段 即係系統 ...

當然也有D講明可以用三次轉乘優惠,但就只能夠巴士公司網頁查詢(當然也可以去巴典查,但資料未必岩).

btw,如果坐屯門M線到荃灣轉290X,290A到將軍澳轉298E入TVB係咪298E個程都無優惠呢??

AtrHenu 發表於 2020-9-16 08:26
根本城隧見到$0和無需繳費車資個牌就唔應該拍卡,因為根本唔會有人噤!!

至於,點解當時城隧有$0分段情況好 ...

上個月有幾次在城隧轉車﹐幾次都係司機唔係轉去 "$0 分段" ﹐而係將部機暫停運作 (乘客部機無野睇)。

唔知係個別司機做 "關機" ﹐定係全部司機都係這樣做。
唔知係無左個 "$0 分段" 定係 另有其他原因了。

kei_hk 發表於 2020-9-16 11:21
上個月有幾次在城隧轉車﹐幾次都係司機唔係轉去 "$0 分段" ﹐而係將部機暫停運作 (乘客部機無野睇)。

唔 ...

一到城隧就關機，應該係個別司機嘅做法，但呢個「習慣」都有咗好多年，白板年代已經係咁做。
話說換咗新機之後，我曾經見過城隧$0個版面。

宜家有學生回程優惠 理論上係要跟  （雖然 只有48p,263,269d往沙田方向先有免費顧慮 而真實用家不多   但轉個分段總比遮機方便吧。。。）

RyanPun 發表於 2020-9-16 11:44
一到城隧就關機，應該係個別司機嘅做法，但呢個「習慣」都有咗好多年，白板年代已經係咁做。
話說換咗新 ...

自從上次有 "回程回贈" 發現有bug﹐城隧免費轉乘的乘客因為2程車不同路線﹐所以就要加入 $0 的分段。

直到回程回贈完結之後﹐ $0 分段都保留了一段很長的時期﹐報站亦加了轉分段提示。
當時司機亦唔會用 "熄機" 功能﹐平常轉分段收費就可以。



我就唔肯定現時報站仲有無分段提示﹐但係唔少司機係會 "熄機" 的。

唔需要行去車頭﹐單是聽到八達通機的按制聲﹐已經知道係 "熄機" 定係 "分段"。

照計﹐分段係存在得話﹐司機按一下制就OK。
沒有太大需要按多幾個step去 "熄機"﹐部機會有2-3下按制聲的。

kei_hk 發表於 2020-9-16 12:45
自從上次有 "回程回贈" 發現有bug﹐城隧免費轉乘的乘客因為2程車不同路線﹐所以就要加入 $0 的分段。

直 ...

我唔肯定關唔關事，但以前曾經聽過，城隧個轉乘因為包括埋現金收費，曾經試過有唔熟悉城隧做法嘅生客，照拍咗落去比全費（特別係唔駛錢轉車嗰堆），後來愈嚟愈多司機都習慣熄咗部機，避免發生收錯錢嘅情況。自從發現呢個bug、加返$0嘅版面之後，的確少咗司機選擇熄機。

但正路嚟講價錢唔同咗，應該會照有分段收費段聲帶，但你咁講完，上幾星期搭43X出荃灣，又好似真係聽唔到城隧分站前有播，但我自己都唔肯定，因為我一向都冇留意呢點。

RyanPun 發表於 2020-9-16 12:59
我唔肯定關唔關事，但以前曾經聽過，城隧個轉乘因為包括埋現金收費，曾經試過有唔熟悉城隧做法嘅生客，照 ...

成個故事就係盤古初開﹐都未有八達通﹐所有乘客都可以在此處做轉乘。

當時﹐轉車站係用會後門落客及上客﹐車頭錢箱的收費牌show幾多錢都無所謂﹐因為無乘客會由前門上車。

之後﹐去到有八達通。
我唔肯定初期是否仲用後門上落客﹐但係因為某件事(好似係巴士反車 + 有人關注後門上車容易超載  or  長命車剎車出問題而出意外)﹐於是統一番前門上客。


正如你所講﹐用前門上客就會有乘客大慒去支付車費。

但係八達通機咁多年來都無 "$0" 這個收費的﹐於是唔少司機都會用各式方法令到乘客不易拍卡/支付車費。
後期﹐由傳統的卡紙顯示收費﹐改成電子牌顯示﹐司機都會額外加一個 "$0" 的收費。
但係﹐這個電子顯示板係獨立運作﹐依然無法處理八達通有機會收取乘客車費的問題。


直到更換新機後﹐多左 "熄機" 功能﹐乘客一邊會無任何顯示。
原本顯示現金收費的電子牌﹐亦同時廢除。
自此﹐乘客就唔應該有任何誤會而支付車費。


換新機後有 "熄機" 功能後﹐其後一直相安無事。
直到上面回帖所言﹐因為賺錢太多要提供回水﹐提供即日回程優惠﹐同日同一路線回程時有折扣優惠。
基於有免費轉乘不用拍八達通卡﹐令到唔少免費轉乘的乘客無優惠。
九巴大約用左1-2個星期時間﹐用最土炮的方法去解決問題﹐方法就係八達通機加設一個 $0 的分段收費﹐而唔係在轉乘data內加番城隧線的資料。

於是就出現我上面所講的事﹐唔知現時仲有無 "$0 分段"﹐但現時的司機好多時用番 "熄機" 的方法。